林 憶蓮精選 「碟評」

bigpun1975

我個人收藏林憶蓮的大碟不算多，只得兩三張黑膠碟，最近一張已經是「陪著我走」了。

今年Hiendy 七週年晚宴，一位朋友拎了一張林憶蓮的白版碟給我聽，由於完全不知道是什麼曲目，回到家只是隨便播一下，不聽由自可，一聽完我已經急不及待whatsapp 這位朋友大讚這張碟，並承諾會寫些少聽後感。

上星期大碟終於見街，我自己也身體力行立刻購入一張SACD 以示支持。

曲目都是憶蓮在滾石時代的首本名曲，包括「傷痕」、「當愛已成往事」、「鏗鏘玫瑰」等，當中亦包含三首粵語歌曲。正因是SACD 關係，聲音細節方面更勝之前的CD-R 白版碟，要在幾張專輯裏取曲然後再合輯一張精選碟，其實難度不低，很難得整張碟的聲效和調音都做到很一致，看來混音師所用的Merging 器材已經用到爐火純青的境界。

全碟15首歌也耳熟能詳，聲音自然開朗，人聲溫暖濕潤；混音師自己也是一位發燒友，所以曲目內的Hifi音響元素通通不缺。

無論你是否「林憶蓮」的歌迷，我個人也強力推薦此碟，歌手唱功毋庸置疑，選曲亦佳，再加上上承的調音，根本沒有不買的理由；至於混音師是誰？碟中也沒有説，但全香港用Merging 做後期製作的人屈指可數，大抵是誰也呼之欲出吧！

心水推介：傷痕，聽說愛情回來過，當愛已成往事

wildmanhk

呢二佰蚊點都會支持

racewong

wildmanhk 發表於 2017-12-23 11:27
呢二佰蚊點都會支持

我又要買.

ccli1996

呢輪玩緊SACDs，睇完行動版主介紹，一定要入返隻嚟聽下至得！

wildmanhk

今天去買已斷貨要訂

Band

早幾日經過維維見到有以為係Ｄ炒冷飯精選冇買...

ccli1996

今日係信和買的，係節拍都見到有
聽了幾首，聲音都非常唔錯，特別跳選了隻“當愛已成往事”嚟聽，因聽哥哥唱嘅版本就聽得多，聽林憶蓮和李宗盛合唱嘅版本，我應該係第一次，但聽落呢個合唱版本又都唔錯喎，首歌啲人聲都錄得好有質感，正

fishfish

多謝大家支持和欣賞！