我也成為SME Model 6一員

percyleo

以前有段時間住喺英國南部Littlehampton，原來SME總舵就在Steyning同樣也是West
Sussex 我住所跟SME只是差距22公里左右約莫半個鐘車程。

講返model 6呢個唱盤，我本來用緊JR盤早早也打算再加個變速牛去微調轉速讓速度更精確，因原摩打係沒得調速只能在pulley 轉換皮帶位置轉速，但轉速係冇得微調因此就算有出入也沒辨法改變，而品牌係有變速牛作option 去upgrade功能。於是乎當然上網左睇右睇揾資料，玩Hi-Fi左睇右睇就真是最易出事最易移情别戀。睇吓睇吓又去咗what Hi-Fi ，以前喺英國玩Hi-Fi 我必參考what hifi天書，咁又入去search 吓！睇吓睇吓就睇到SME呢個盤，佢第一下吸引我係佢支tonearm 個anti-skating 秤砣，第二係佢嘅精準嘅轉速調教。雖然佢外表並不吸引我，但該兩點已不自覺地留在腦海。咁我之後仍繼續参考JR嘅upgrade option ，直至有日見hiendy鎗王出post介紹此盤我又再次留意她，並直接搜尋有關她的reviews。及後得知hiendy 有分享會我好想報名但理智控制住自己， 我始終個JR盤買咗冇耐唔好諗啦！事情本來已告一段落，但過咗幾天FB出咗分享會條片，雖然內容同我睇世界各地嘅reviews 大致相同但真人演說比文字更具吸引性！那後我開始覺得佢平凡嘅外表更具吸引！可以這麼說，JR Cepheus 就像Bentley 開蓬配上Mansory body kits 那種高貴兼帶有霸氣嘅外表，而SME model 6就像Dodge SRT Demon全車啞黑碳纖車身及軚軨再tinted黑所有玻璃，嗰種神秘而隱藏嘅魔力確實慢慢地侵蝕你嘅靈魂 （ 我也算是外觀主義者)。隨後hiendy forum 終於有end-user 出post玩此盤，那我請求師兄影多幾張沙龍供參考，那刻真的動情！ 始終鎗王毒氣室照片總有種遙不可及之感，但用家家用照片就相對大不同……貼地很多，而近月更見其他group也有用家用此盤。那種心癢感覺很難制止，考慮及參考reviews不停不停重覆！

最終我也踏出呢一步……揾鎗王問卜，他比上live認真並分享佢由第一個盤嘅經驗……最後佢比咗一個不能拒絕升級嘅offer！就是咁呢三個月左右嘅掙扎歷程就此結終而結果係值得，那不一樣嘅層次係前所未有！聽感係感動又驚喜！！這令我更享受自己收藏每一首曲每一粒音符💕💕💕

呢個SME設定極之簡單，有咗之前組裝transrotor 經驗半小時多已搞掂，先以Natalie Cole開聲，靚聲到難以形容！！！完全冇諗過喺自己屋企出到咁嘅聲音，好感動！

racewong

慢慢調個轉速， set啱左會好靚聲

percyleo

racewong 發表於 2024-1-7 23:30
慢慢調個轉速， set啱左會好靚聲

試咗成晚，之前嘅擺位墊材須要再執位同試不同墊材。暫時現在擺法最合適，待run-in一段時間再調過。

bigpun1975

呢個盤係靚嘅

racewong

percyleo 發表於 2024-1-7 23:37
試咗成晚，之前嘅擺位墊材須要再執位同試不同墊材。暫時現在擺法最合適，待run-in一段時間再調過。 ...

其實MODEL6真係好啱初接觸黑膠既用家, 實在太易SET了.

percyleo

racewong 發表於 2024-1-8 11:03
其實MODEL6真係好啱初接觸黑膠既用家, 實在太易SET了.

上次JR我砌咗2日先搞掂，今日SME我只是半小時多搞掂🤣。又其實有咗上次經驗已對所有設定有咗基本認識，所以今次咁順利。若當初由代理代裝我未必享受到呢吓樂趣，至少依家調教裝嵌也可不求人，樂趣！

percyleo

今日換條MPS Arthur 試吓先，再比較舊金同MPS Teana。呢個speed control unit好受電源線影響，一插條arthur 已即時聽到音埸擴大，再試吓比較其他先。

dekiller

racewong

percyleo 發表於 2024-1-8 13:22
今日換條MPS Arthur 試吓先，再比較舊金同MPS Teana。呢個speed control unit好受電源線影響，一插條arthur ...

我覺得用MPS ARTHUR會好夾

Avantgarde-HK

Bias 太大了.  現在位置是對應 4g 唱重.  請放返落4格.  唱重是2g, 對嗎?

Avantgarde-HK

可以的話用 musical surrounding Fozgometer 來較正左右聲道的偏差.  你就會快活過神仙.  Enjoy!

percyleo

Avantgarde-HK 發表於 2024-1-8 16:04
Bias 太大了.  現在位置是對應 4g 唱重.  請放返落4格.  唱重是2g, 對嗎?  ...

係呀！係呀！張相係落第一針前影，我唱重set 2，睇user manual 跟返set2一落針未到三份一已見佢向外滑，我即刻收針調教返如你說四格左右，感謝你提點

percyleo

Avantgarde-HK 發表於 2024-1-8 16:07
可以的話用 musical surrounding Fozgometer 來較正左右聲道的偏差.  你就會快活過神仙.  Enjoy! ...

多謝指點🙏🏼

percyleo

racewong 發表於 2024-1-8 14:38
我覺得用MPS ARTHUR會好夾

試埋天籟再定奪

zelo

師兄依個盤正呀。

percyleo

zelo 發表於 2024-1-8 21:33
師兄依個盤正呀。

完全認同

racewong

percyleo 發表於 2024-1-8 17:46
試埋天籟再定奪

有結果未?

percyleo

每次去更換不同電源線調音又會浮現一個問號，心裡總覺神奇！我曾在一些外國forum分享過線材調音，但在外國人眼中佢第大多覺得the differences you hear are placebo effects！！Anyway, 玩Hi-Fi 講到尾都是自己個人嘅事，回正題吧！

我今日主要試吓SME個speed control unit對電源線分別。我分别測試舊金仔原裝cdp電源線，及MPS Arthur & Teana PC。主力係MPS。因條舊金一插落phono個power supply 音色上已比Arthur及Teana 更取悦我，所以我集中精力該兩條MPS究竟那更合適用於SME SCU處。

測試軟件為圖中3張常聽唱片，長話短說，過程來來去去都是嗰啲直接去 conclusion好過。

Mps Arthur 無論音場，動態，低頻以致微細弱音都令我聽得興奮過瘾，尤以陳慧嫻張remix高中低頻都交待得清晰分明，特別是低頻嗰種質感。

MpSource Teana 一插入去聽兩張外語女聲，那音色之優美真是不得了！好有金仔線味道但不失分析力，嗰種人聲吸引力係好磁性但換上陳慧嫻張remix無論音場及動態明顯不及Arthur，本來好groovy 嘅一首歌完全跌晒watt，但一聽返Jazz類型佢又好似一舊磁石吸你埋去。我再插回Arthur 再聽陳remix，wow！一比較真是冇得講！嗰種dynamic 係冇得講，比到你就是比到你！再聽回兩張外語女聲，人聲音色上雖冇Teana 那麼吸引，但Arthur 在音場，微動態及弱音確實更優勝。

去到呢刻有點魚與熊掌不可兼得之感，難道每次聽女聲就插Teana 聽節奏強勁嘅歌就插Arthur 。最後我以CDP作決擇，CDP用Teana 整體表現不致被黑膠拋離太遠，用上Arthur 動態及三頻表現無敵係好正但太乾淨，同一首歌顯得同黑膠太大距離但用上Teana 音色上近似膠味及更具吸引力。基於此黑膠我用上Arthur CD則用上Teana。

P.S.之前鎗王提我此SCU對PC極之敏感，你試過就知！好玩！！obviously, he's right！it's fun！！！thanks 鎗王。

percyleo

racewong 發表於 2024-1-9 11:05
有結果未?

正如你之前預測👍🏼👍🏼👍🏼

vhs