DS 003 Phono Equalizer(low cutoff switch)

percyleo

上次分享咗我玩呢粒光頭調教VTA嘅經驗歷程，今次想分享關於她嘅拍檔003 Equalizer嘅low cutoff switch功能。

坦白講我當初完全唔知呢個low cutoff係乜東東及有乜用！睇說明書全部字我都識但加埋都係唔知佢係乜一回事！！上網睇review著墨亦不多，全部焦點多集中於光頭處，部EQ只是輕輕帶過此功能！既然唔識又唔知有乜用那就當沒此功能吧，況且粒光頭嘅表現已經令我興奮到上咗太空！所以最簡單就係插output 1、而low cutoff就選30Hz算吧，反正啲珍藏一落針已變咗天碟那再花神去比較不同Hz cutoff表現！！！

但當我最近多番調教唱臂去改變光頭表現後，我發覺自己其實一直收埋咗部Equalizer 呢個cutoff 功能心結！始終仍未解決、未解決！！既然如此，一係唔試唔比較，一試當然須要花時間與心機試清楚不同設定下嘅分别。

首先兩組輸出我也用上同品牌及型號線材，那樣才可讓自己更容易清楚聽出分別！既然DS Audio 設計團隊設計得該四種不同取態設定去配合你套音響系統，那當然要認真去試聽及比較呢四個設定啦。通常聽黑膠時單元好似抽筋咁不停跳動係因為唱盤、唱臂或者聆聽環境或會產生微量超低頻震動，呢啲訊號並非音樂本身，但會令低音單元過度跳動就如抽筋一樣！而low cutoff switch 正正就是呢啲抽筋根源嘅濾波器即係將呢啲不必要嘅超低頻削減或過濾走。

經過反覆測試比較，在我系統中我較偏好以30Hz作cutoff 至於line 1 output 及 2 output 絕對有分別！由於我較常聽Jazz及女聲黑膠，選擇30Hz聽感自然及空氣感強！選用50Hz時聽感一切變得很乾淨及高分析度，應該咁講好似聽CD咁仲要係玻璃CD咁樣！對於聽緊黑膠嘅我我還是偏愛30Hz嘅模擬感原味感！至於line 1與2於30Hz嘅分別尤以聽Jazz女聲碟（例如 Diana Krall、Ella Fitzgerald......），line1保留最多低頻(包括抽筋跳)人聲厚暖自然好有空氣感！但一跳去line 2除了冇咗抽筋跳外，歌者有如行前一步人聲更集中、密度更高而且分析力也相對更高！我完全有種相逢恨晚嘅感覺，點解咁遲先邂逅到你！！！

總括黎講，DS003 EQ既然叫得equalizer你就可當她提供給你四種預設音色均衡器！什麼low frequence cutoff 你大可不用深究只要用你喜歡嘅軟件播放時選擇能令你聽到有種會心微笑及相逢恨晚嘅感覺，那output 及Hz就係當下嘅正確選擇！那麼都係嗰句......啲收藏又要從新再聽過！儘管發燒友常常聽嚟聽去都係嗰十零張碟！！！

racewong

好似全世界都未有用家寫部PHONO寫得咁詳盡

Avantgarde-HK

Very good

percyleo

racewong 發表於 2026-3-7 11:48
好似全世界都未有用家寫部PHONO寫得咁詳盡

揾咗好多review真係冇！主力係講光頭。話時話output2 ~ 30hz真係好鬼正！

percyleo

Avantgarde-HK 發表於 2026-3-7 15:00
Very good

原來個cutoff功能咁正！絕對絕對有相逢恨晚之感！！！

Avantgarde-HK

percyleo 發表於 2026-3-7 20:50
原來個cutoff功能咁正！絕對絕對有相逢恨晚之感！！！

係呀，可以用嚟調整不同系統及房間響應的平衡度。也是DS Audio 獨有的。這是較高成本制作，因為低頻響應要達到這較高水平，天源部份需要大很多的儲備。所以大家見到DS Audio的電源部份特別強大。

percyleo

Avantgarde-HK 發表於 2026-3-8 06:56
係呀，可以用嚟調整不同系統及房間響應的平衡度。也是DS Audio 獨有的。這是較高成本制作，因為低頻響應 ...

這絕對是 DS Audio 設計師們不懈努力的成果，每一次落針我都能深深感受到他們的用心與執著，向他們致敬！

jerrytck

感謝師兄詳盡報告。🐭😯👍🏻

percyleo

jerrytck 發表於 2026-3-10 21:38
感謝師兄詳盡報告。🐭😯👍🏻

師兄客氣！其實呢個功能真係好正，可以話一張碟有4種聽法！沒有絕對嘅絕配，呢幾日我不停聽Vanessa Fernandez嘅碟四種設定各有佢優勝處！總之依家每播一張碟也必聽晒4種設定品嚐4種口味...妙哉妙哉！！！

racewong

percyleo 發表於 2026-3-11 21:26
師兄客氣！其實呢個功能真係好正，可以話一張碟有4種聽法！沒有絕對嘅絕配，呢幾日我不停聽Vanessa Ferna ...

你真係愛上Vanessa把聲

percyleo

racewong 發表於 2026-3-12 11:55
你真係愛上Vanessa把聲

除咗樣外佢真係超正......唱歌🤣🤣🤣

racewong

percyleo 發表於 2026-3-12 18:58
除咗樣外佢真係超正......唱歌🤣🤣🤣

好在我麻麻佢把聲

黑膠迷

記得70年代較高級數的原子粒合併擴音機(例如Sansui  AU-717,AU-919,AU-9500等)
Phono是有兩檔的,Phono-1是全direct的,而Phono-2則會濾去30Hz或以下的超低頻
不知道是否上逑DS 003的"鼻祖"就不得而知了.......

t1174

成30Hz 咁高。。以 金仔說用上是filter 10hz 及以下的。所以應該原因不同。



記得是說黑膠有個9Hz 一定有的，雖然聽唔到但會浪費power amp. 所以有phono 比個功能用家可filter 走一定Hz (比如金仔是10Hz) 以下的去保power amp 的能量用在聽的地方咁。

jerrytck

t1174 發表於 2026-3-15 11:37
成30Hz 咁高。。以 金仔說用上是filter 10hz 及以下的。所以應該原因不同。

我用緊金仔C57就有個Filter同你所述嘅一樣。🐭😯