本帖最後由 kachow 於 2010-8-20 22:22 編輯
一直用開Taoc PTS-A放係JM Lab喇叭做釘墊. 感覺低頻紮實, 聲音準確. 非常唔錯, 但係近排有意無意之下買左套Linn Skeet, 就開始越玩越多野. 所以試左好耐後有個少少的個人報告. 不過以下內容純屬我個人對我套機同埋環境既感受. 每一款釘墊有佢自己個性同能力, 所以唔可以話放係我對喇叭係乜聲,就其他地方都會一樣.
Taoc PTS-A
售價: $1,600 左右 (兩套八粒裝)
外型同重量係咁多隻最重料, 應該係日本產品關係, 所有野都落足工本. 聲音實在, 每粒音都好精準, 細緻度亦高, 低音收得紮實有力. 如果鐘意聽講求快感刺激音效, 應該會好好. 但係令一個感覺係比較緊, 高中音既泛音都唔多. 我個人覺得比較理性得滯, 過份規距既聲音.
Linn Skeet
售價: $850 左右 (八粒裝)
外型比較唔顯眼, 窿位細小, 但係一插落去就好穩陣, 點移動喇叭都好難甩出黎. 聲音方面, 可以話同Taoc完全相反, 比較飄逸, 泛音之多係咁多對墊最強, 低音開始變得一浸浸. 聽落比較舒服自然. 高音方面更加伸延得遠. 我比較喜歡呢對Linn Skeet, 不過在我的喇叭同後級配搭下. 低頻控制唔到既情況更加嚴重左. 有d出左收唔返既感覺.
Sonus Faber 原裝釘墊
售價: $800 (八粒裝)
外型比較平實, 中間圓錐體既凹位容易裝嵌. 最特別係底部有地氈類軟墊, 避免磨花地板, 不過就易鬆. 裝後要移位就要小心. 聲音係咁多套墊最中性, 低頻少少收身但係唔會好快就無. 亦都聽到實在的聲音, 每種音都清楚聽到位置. 音樂感比Taoc明顯增強. 連貫度高, 唯一高音方面比Linn無伸延得咁遠.
不用釘墊直插地板
售價: 睇你塊地板幾貴.
最後既嘗試亦都係最終極, 更加係我而家聽緊. 就係乜都唔用..直插地板. 聲音既優勢遠超過任何釘墊. 高中低平衡度好高. 個低頻除左可以做到一浸浸但係聽到中間既實在聲音. 唔會有過量既情況, 高音伸延度非常之高. 動態亦都係十分豐富. 人聲咀型十分適中. 由遠至近都聽得清楚分別.所以都無白廢到插穿地板既風險.
以上係對JMLab Scala既聽後感. 我諗唔同喇叭,唔同配搭, 甚至屋企設計, 都會有好明顯既分別. 有人更加覺得每人耳膜唔同, 聽個音都唔同. 所以唔好諗住結果一定係一樣. 不過我諗音響既野, 除左比錢買貴野, 買岩組合外, 花心機做d唔洗錢但係好煩既測驗, 咁或多或少都會對效果有幫助, 同埋自己又可以增加知識.
|
IP卡
狗仔卡
發表於 2010-8-20 17:12:45
提升卡
置頂卡
沉默卡
喧囂卡
變色卡
顯身卡
嚟試吓