亞洲高手調校指南

pepsiman

一切從個底先開始


兵器（1）



開始調教之前，高手先拿出第一件兵器〝紅外線測距儀〞，確定每隻喇叭都有準確嘅距離設定。好彩；順利過咗呢一關！


各聲道的距離設定



大多數師兄調教AV器材都會先用一隻（堆）經常試嘅試機碟睇吓套機原本設定如何，不過呢個高手放落個盤嘅第一隻碟，唔係功夫熊貓、唔係變形金剛、亦唔係蜘蛛俠3，而係2010原音精選SACD第12 Track劉雅麗小姐嘅「檳城艷」。




高手表示，要有好表現，先要搞好個底（子）。首先；高手將前置喇叭調到Large及將超低音關掉，然後聽一聽兩聲道嘅表現。聽咗唔夠一分鐘，高手已經動身走向左前置將我隻已經有輕微toe-in嘅喇叭再向內調整，由於小弟左前置之左邊位置係大門玄關，如果喇叭唔向內toe，傑士嘅horn咀喇叭會將高音擴散到玄關去，影響咗音場嘅結像，Toe-in雖然會犧牲咗少少空間感，不過做好音場結像，會有助指向性。Toe好咗左前，當然搞埋隻右前啦。高手搞完再埋位試聽，音場結像、高頻同定位都好番好多。


原本喇叭toe-in角度




調教後喇叭擺位




左前置左邊位置之大門玄關




跟住高手執起AV AMP搖控，進入前置EQ部份，高手覺得前置表現低頻不足，而高頻亦可以略為增多，所以先將16K一段加大個幾個db，不過調整後覺得如將該段高頻增加，高音有失真情況，所以只略略加少許0.5db。另外在78.7Hz在一段加多2db彌補低頻不足，高手再試聽，大致收貨。



調教好前置之後，高手再將中置轉成Large，同時從唱盤中取出CD換上另一張BD，呢張係一隻LEGENDS OF JAZZ SHOWCASE BD，選取其中一只男歌手嘅曲目（唔記得邊段）。




聽咗一陣，高手又再次行近中置，並將中置底下前面果兩隻木釘向內推入約兩吋，再將後面果一隻木釘座拿走，令中置提升到指向皇帝位較高少少的位置。之前我已是前大後細去的擺位來調教中置角度，但高手覺得仍未足夠，所以稍作調整。教好角度後再試聽，高手再次按入中置嘅EQ微調幾吓又搞掂。高手補充說：你呢套傑士喇叭算好，有啲點搞極都搞唔好呢！（我相信高手見我用如此低級喇叭，所以先講出呢番安慰說話）


未調整前釘腳擺放的位置




調整後將中置角度提高射向聆聽者較高少許的位置




中置喇叭經調教後的EQ圖




其他聲道的EQ設定






各聲道的分頻點設定




兵器（2）



完成三隻前、中置擺位及微調EQ之後，高手再將其全部轉回small，再從LV袋中拿出第二件兵器〝超精準測音錶〞（我自己改嘅名）開始進入第二階段調教音壓。我見高手先開出test tone嘅pink noise，然後將vol教至0 db，再先將前置調到75 db。我好奇地問高手點解要將個vol調至0 db呢先開始調教呢？高手表示好多日系AV Amp嘅test tone都會自動以0 db發聲，不過Yamaha則需要由自己調教，而教至0 db係希望如果同其他擴音機比試時，大家將音量扭至同一度數，如-10 db，便更易知道兩者之間嘅分野。最後高手將中置調高約2db，其他聲道則維持75db。

調整後的各聲道音壓設定




平衡好各聲道後就開始處理那兩隻超低音喇叭了。我用咗約年多嘅MK MX-250超底音，一直被曾經為座上客的網友定為最打心口的一類，不過我樓上嘅好鄰居經常埋怨我隻十仔好似幫佢做腳底按摩咁震佢，而我亦開始有少少厭倦打心口呢個感覺，於是我將隻十仔backfire來減低心口feel而加強墊底feel，而phase無轉過維持0度。高手繼續用test tone嘅pink noise試音，並坐係皇帝位叫我不段重覆0度同180度，最後我地發覺180度比0度聲音更實淨，搞完前面隻十，就到後面果隻。後面隻REL十仔聲箱比較細，所以我將佢90度打橫攝咗入去窗邊與鞋櫃之間嘅空位，使用時會拉出嚟45度射向皇帝位，但聽後發覺不及將整隻拉出90度直射皇帝位好，而phase則設定在180度為最佳。搞好擺位同相位之後就到分頻點，MK十仔調到by pass無問題，但REL可能擺係近牆角關係，低頻有D矇。於是與高手配合下將分頻點調整到70Hz注波問題便解決了。最後；高手憑佢嘅經驗將兩隻十仔音量配對，務求令佢地溶為一體。到後置喇叭，高手無刻意調整EQ值，唔知係因為無時間定係後置喇叭無toe-in同埋音色較對嘅問題，所以只將它與其他聲道調至聲壓一致便成。

                               調整前                                                                        調整後

   


後十的擺放圖








調教好便放張近期熱爆嘅天姬戰主角大戰三武士一幕試聲，感覺比我之前所調教嘅音效自然，但眾人都覺得高音有點暗啞，所以高手直接在tone control裡面嘅treble推高到+5db，再試聽機槍子彈嘅定位，同彈殼跌落地嘅聲音都出番晒，不過最不幸係………





我門鐘又响...

由於時間倉促兼太夜關係，相信高手只係使出佢五成功力。不過就算再多時間再早開始，我套極品組合都唔會有上調嘅空間，都係獻醜不如藏拙吧啦！




最後多謝亞洲高手LOBO出手相助，亦帶畀我更多有關AV嘅知識 ，希望日後有機會能邀請到高手開辦影音課程，免費讓會員認識更深入的AV學問！

hkp1196

LOBO 幾時可以嚟幫我校下套機....................

粟米湯

LOBO 幾時可以嚟幫我校下套機....................
hkp1196 發表於 2011-9-7 20:13

教咗都冇用啦...........都爆唔到

hkp1196

教咗都冇用啦...........都爆唔到
粟米湯 發表於 2011-9-7 20:32

Hintel

我都想LOBO 可以嚟幫我校下套入門機

maner394

我都想LOBO 可以嚟幫我校下套入門機x2

maner394

教咗都冇用啦...........都爆唔到
粟米湯 發表於 2011-9-7 20:32

    都可以爆.........激到爆血管

timmywan

教咗都冇用啦...........都爆唔到
粟米湯 發表於 2011-9-7 20:32

係爆唔起就真

ryanenen

做乜有对臭飛毛腿出鏡架?
LoBo 笑得好免強甘喎.

matta722

我都想LOBO 可以嚟幫我校下套入門機x3

eosteven

要有好表現，先要搞好個底

好底就係兩聲道結像， 真係高手
我都覺好多淨AV友太過依賴中置支撐音場密度, 呢d setup好多時一聽演唱會無中置出人聲就奶野, 其實同樣睇戲聲既密度都鬆散左.
每隻喇叭之間互相結像真係好緊要, 其實前同後結像都係, 不過後置上左牆就好難搞

timmywan

好底就係兩聲道結像， 真係高手
我都覺好多淨AV友太過依賴中置支撐音場密度, 呢d setup好多時一聽演唱會無 ...
eosteven 發表於 2011-9-8 15:01

    全中

Siupaktao

最後你的中置set作small還是large?


- 發送自我的 iPhone 大板凳應用

pepsiman

最後你的中置set作small還是large?


- 發送自我的 iPhone 大板凳應用
Siupaktao 發表於 2011-9-8 16:41

    全部喇叭都係small...

pepsiman

最後你的中置set作small還是large?


- 發送自我的 iPhone 大板凳應用
Siupaktao 發表於 2011-9-8 16:41

    補充:

高手說：一般玩家誤以為8吋單元就可以調教large，其實最少都要12吋先可以，仲要睇吓對喇叭夠唔夠班...

benson26

補充:

高手說：一般玩家誤以為8吋單元就可以調教large，其實最少都要12吋先可以，仲要睇吓對喇叭 ...
pepsiman 發表於 2011-9-8 16:47

    12吋...咪一定要買JBL

Siupaktao

正當我還在向那裡發問的同時，在這已經得到了答案。謝謝你。

marvintai

最近換了前後級，如LOBO可以到舍下調我一下就好啦！

terry-chui

回復 3# 粟米湯


    我都係這樣想 教咗都冇用啦...........都爆唔到x2

taingaukwai

師兄:請問有木可能用安橋機再表演多次,因為用Yamaha嘅設定,同安橋有D不同,而安仔相信多人用D