AV急症室之出診報告 - VW.R36 器材依賴症

chrisclw

早前；我哋Hiendy嘅AV急症室收到一位網友（阿雄）嘅求助，呢位網友原本以為買咗成套先鋒嘅器材，可以唔洗點set，只需要駁好所有器材就可以發揮出唔錯嘅效果。點知事與願違，出來嘅效果比想像中還要差，連阿雄嘅太座都話＂電視機出嘅聲好似仲好過套AV器材出喎"。正當阿雄垂頭喪氣之際，發現Hiendy嘅AV急症室有出診服務，所以就上網登記，希望我哋一眾黃綠醫師可以出診到佢府上幫手調教器材，醫治一下佢嘅＂器材依賴症＂。




先睇睇阿雄嘅器材













喺調校前，當然係先試吓器材原先嘅表現啦！由於屋主比較熟悉"殺神特工"，所以我哋先用呢隻碟嚟試。




改善中置


先選擇汽車追逐一段。片段開首，安祖連娜喺超市同收銀員對話時，聲音混濁，有不清晰嘅情況，主要原因係中置擺放得太入，令喇叭單元發聲時向下擴散嘅聲音第一時間打到玻璃櫃面再反射出嚟，形成第二度聲音傳至皇帝位，所以有聲音混濁嘅情況。另外；中置指向角度太低，無直接指向皇帝位，呢個亦係人聲唔清晰嘅原因。最後；再將喇叭網拆落嚟試聽，OK搞掂！所有問題迎刃而解。


原本中置嘅擺放位置




更改後嘅擺放位置




為提高中置角度可以射向皇帝位，將原先全細釘改以兩前大釘及一後細釘的方式擺放






改善後置


由於太座唔喜歡後置喇叭上牆，所以屋主喺梳化後面訂造一個貯物櫃，用嚟擺放後置喇叭




後置原本擺放方式，喇叭的一面射向前置，而另一面則向內射




由於屋主使用嘅後置喇叭係兩面發聲設計，原本擺放方式會犧牲咗向後面空間擴散嘅功用，所以將喇叭轉成現有擺位增強後面包圍感





解決咗喇叭嘅擺位之後，先睇睇AV擴音機內嘅原廠設定。


原來Setting









屋主果然無講大話，所有距離、音壓同埋分頻點都係原廠設定。



調聲


耳鼻喉科主診醫師大蛇明左手執測音錶，右手拿搖控，細心地幫屋主調教各聲道音壓。




將各聲道喇叭續一調教至統一音量




再用拉尺量度喇叭嘅真實距離




用Memory 6調教以便分出調教前後嘅分別





調校後嘅setting


喇叭大小維持不變






距離及音量作出適量嘅調整








再三微調後與屋主一齊試聲，屋主感到非常滿意




百事醫師覺得後置喇叭距離太近皇帝位，勉強調細後置音壓去就始終唔係辦法，會影響咗前置同後置之間嘅移動效果，二話不說立刻動身將後置搬到飯枱後試試效果






屋主聽後按捺不住內心嘅喜悅說道：之前喺舖頭試機就係呢d效果o勒...


完成聲音部份，就到眼科主診醫生Chris調理一下畫面。屋主所用嘅係同廠600M爬屎麻，Chris先上網下載ISF模式到薄屏以便調教。



畫面調校



最新投資嘅調教組合




Chris醫師正努力調教畫面




開出色板微調色彩





調教好嘅畫面更有電影感，屋主完全收晒貨






屋主所患嘅＂器材依賴症＂經由三位醫師出手後已經病癒，相信要到再換器材嘅時候先會復發。不過；主診醫師百事佬今次破例，喺無親身斷症嘅情況下，開出藥方畀屋主太座。太座所患嘅係畏高症，係害怕物件掛在高空。服藥後可減低擔憂，批准屋主將後置喇叭搬到飯枱兩邊側牆離地安裝...

bigpun1975

地方好骨子

是嗎

有心~有力

andychan

師兄勁呀！

timmywan

環境唔錯
師兄玩2CH為主

VW.R36

好一句＂器材依賴症....好句..!

pepsiman

好一句＂器材依賴症....好句..!
VW.R36 發表於 2011-9-17 01:21

    都係有果句、講果句啫... 唔好拆蕉排就得o勒... 仲要搵食o架大佬...

micmic123

咁似上水個較新樓盤既???

幾位大師.......真係專業

Hintel

有heart

andychan

又有新機、、真好！小第想請問各位師兄Yamaha點解很少聽見有人提Yamaha的後給？

pepsiman

又有新機、、真好！小第想請問各位師兄Yamaha點解很少聽見有人提Yamaha的後給？ ...
andychan 發表於 2011-9-20 01:06

    Yamaha好似無出過多聲道後級喎,我近十幾年都未見過,可能咁所以無人提囉...

andychan

多榭師兄指教！

tennishk

good

iwantbd