從房仔開始的入門影音分享

sealteam4

提示：比較更新的系統現況在最後的回覆頁面

小弟不知不覺間已經開始玩音響Low hi 影音五年了，想當初還是個傻小子，由獨身窮毒男至今日成家立室，由房仔玩到自己有個廳仔，這五年都算是青春的黃昏，值得去記念一下

08年初的時間，因為開始有買個好點點的電腦喇叭的打算，於是四出去搵去睇，起初只打算買個電腦5.1喇叭，搵下搵下搵到去大陸惠威，上埋去惠威睇下睇下，睇左套5.1家族影院出來，於是開始有不如買個5.1影院睇戲的想法，那時不知音響是何物，也無法預計這是個無底淵
我以為我自少就用5.1電腦喇叭套裝都成千元，加埋creative 聲卡，在大學宿舍已無敵，D女同學都會過來我房一起睇電影，點知畢業後才知世界是這麼大，電腦聲卡同喇叭原來只是最基礎的東西，一試才知原來買部av amp推喇叭係咁好玩


後來就慢慢開始用有限的人工去供部 AV amp 同用盡過年雙糧同人工去買一套mordaunt short genie 5.1`套裝 (至到現在還是很自滿，這套Genie 我依然認為是5.1套裝中最好聲的，而家用都未失禮，真無買錯！)
試過好野又點會停，就在我沉醉於我買的5.1套裝時睇資料比我又信左 英國what hi-fi
玩佢5星期推薦的5.1不如試埋佢5星級推薦的兩聲道系統啦，如是者初出社會的窮小子先駛未來錢的情況下，我居然買了一套2個月人工的Roksan Kandy 西裝 CD機同合併機

買下買下，無理由用埋D ET樣的喇叭仔聽歌，又比人毒左入左對Quad 12L喇0叭
慢慢地就建立起入門的兩聲道影音分家，但在房仔分家，其實是件很難又很失禮的事，聲音也當然只是勉勉強強啦
後來嘛，我供了兩年先供完D機錢，實在供得很久很苦，於是窮小子就不敢亂用錢，有當時的器材下停玩了兩年努力自己的人生，真是Thx god ，人生路還算非常平坦，去年中，小弟終於成家立室，仲有一位不大力反對我玩音響的太座，可以繼續我的入門之路，當然就繼續努力，買影音木櫃擺位，在廳玩，那種滿足感真係唸起都想笑

這半年都算是進步得最快的日子，試過玩AV座地開始，慢慢就計劃換喇叭同換av amp

聖誕終於換了安橋av amp 5009 ，第一次感受到旗艦機款帶來的震撼
一入魔就無法自拔，又加速了更換，連喇叭都換埋，選來選去要有好性價比，搵到對台灣牌子Usher的喇叭
最初只打算入Usher mini dancer 1是小型座地喇叭，但再計計要從台灣搵朋友運過來，這麼煩不如一換就換對大D，於是入了現在用緊的大喇叭usher mini dancer 2，它的聲音真的很讚，中高音很美，反應也比quad快多，清晰多

玩玩下仲中埋聖杯毒


在我入魔的過程中，線材和導師都要特別多謝Yan兄，我從第一天幫佢買線時就開始當佢是導師，多過純粹的買賣線材的人，因為我從入門開始之前比過兩個人騙過 (其實無大損失只是我覺得行錯路的話浪費時間同金錢是不值！) 試過信錯人話用某音樂大師以"羅斯"鬆緊調音，調左幾舊水 ，又信錯人買左很多大陸線材
最後都是yan兄的線材在入門中最可靠(後來發覺不止入門！)
我想我總有一天會有能力也有機會去試更高級更貴的靚名種high end線 (用緊DDL半旗艦電線，我唸可能只對萬至2萬元以上的線有興趣！) 在這一天來之前，我還是會選擇DDL 特別制作線材




昨天，身痕又作，訂購了Mytek 192 dac ，正式開始進入CAS 的行列........遲些取貨後再談細分享
我還有前後級要進化，我唸這半年將會很精彩，我銀包也會很硬化
其實仲有換Fuse 墊材 小道具等投資同分享，不過打字太慢，還待下回
又要做野了，蛇王時間完，下次再分享






近日：

kachow

師兄成魔之路果然經歷多重轉變.由書架仔到坐地! 有無下一Upgrade大計?

maner394

你現任太，座係咪當年係大學，去你房睇戲個位？

sealteam4

已買了個my tek dac
下一步是加鐘
再下一步是換前後級，暫時目標和心水是ayre


大學來睇戲的當然不是太座，否則就不會做單身毒男
幸好太座現在也愛音樂，鬧完嘈完禁止我購物後會聽歌

timmywan

有個好太太,升級唔使等
有排你玩

felixk

大家都行緊上山 但吾同路。  係度一齊行。因為呢度好多尊業神級儍人坐館。 不要收my自己玩

比力一定得

都升得幾快喎！我都只係龜速前進！

bergkamp0828

我都係DDL用家, 性價比高兼音色平衡. 哩幾年喺線材上所慳的錢令我這窮鬼可以由audiolab升級至eso ... 真係要多謝Mr. Yau.

cheungtm

bergkamp0828 發表於 2012-2-18 14:59
我都係DDL用家, 性價比高兼音色平衡.  哩幾年喺線材上所慳的錢令我這窮鬼可以由audiolab升級至eso ...

我都有用佢電源線,微調去合自己聆聽味道

sealteam4

買左個mytek 聲底由最初甜同慢聲變成快同埋身 陰柔變到剛勁

sealteam4

剛剛，加左master clock後，聲音密度同各方面都有明顯改進
係一項值得的投資

mild7

我都用 Roksan KA-1 MK3 int.amp

ROA

sealteam4兄，對主音好靚，如可擺前些音場更好。

sealteam4

已放前了，但距離喇叭又近左
已控制低頻不boom了，收服了
但還有一點點聲音衝的感覺，我覺得是時候升級amp

sealteam4

買多一個木架放返整齊一點點，聲都好像整齊些

搞左好耐，終於搞到聲音平衡，現在是好好享受音樂的時候，很滿足了


超高音是其中一個最佳的升級，聲音也是最滿意的其中一件法寶

ac100

師兄,嗰地盒幫助大唔大呢?

tomastim

請問超高音怎樣連接座地喇叭，需加amp嗎？

sealteam4

只需要多一條喇叭線 (此線聲音絕不能太行，否則個超高音會很怪D聲。) 其實是一條長的jumper
將喇叭高音的正同負接去超高音的正及負即可
很簡單

我用緊純銀 jumper線 (即特長jumper)

cckong

sealteam4 發表於 2012-4-15 10:26
剛剛，加左master clock後，聲音密度同各方面都有明顯改進
係一項值得的投資
...

Sealteam4兄，你條USB線都好粗壯喎!

sealteam4

cckong 發表於 2012-6-16 01:28
Sealteam4兄，你條USB線都好粗壯喎!

系呀！纯银ga，好靓声