本帖最後由 kachow 於 2013-3-2 19:36 編輯
事源上星期公司event. 我同另一位同事幫手影相. 佢用緊部5D3加24-105. 我就5D2+小白兔, 返到黎我負責揀相, 點知係同一畫面下, 佢部5D3的確比我部5D2小白兔有過之而無不及. 搞到心痕耳熱.
返到屋企詳細分析比老婆聽之後. 同意買部5D3比我做生日禮物(小弟4月1生日 ). 咁好喇. 大家齊齊去豐澤百老匯格晒價, 禮品之類. 跟住羅部5D3黎試. 影下我老婆. 佢都覺得好滿意. 點知好衰唔衰隔離有位師兄買緊部1DX. 因為呢d豐澤百老匯無1DX display. 所以無得試效果. 而隔離位師兄已經confirm買. 所以開左盒影. 同佢吹左幾句. 佢比我試影.. 我照辦煮碗影下我老婆.
我老婆一睇..咦!? 乜靚咁多既 , 咁跟住就心大心細... 而我呢d比hifi毒得多既人緊係知呢個時間講d乜喇 ,細數5D3十大缺點, 又話加完直倒同部1DX差唔多大細, 岩岩出新機又唔會成日轉款, 加上旗艦機. 買完就無野痕.. 咁結果就決定性即改買1DX!
我記得個陣Andy買1DX個陣我講自己有三大願望..有eso鐘, Kharma PC同呢部1DX...距離達成夢相有行近左一大步
|