清境, 合歡山, 日月潭, 台中 五天遊-Day3

ikkjr

今早又係八點多食早餐.

今日行程:
食完早餐出發去合歡山 -> 老英格蘭莊圍 -> 日月潭 (途經埔里食地道午餐)

以上行程, 揾民宿幫手包咗架車, 多謝 NT3500

Tips:
NT3500 包車半日, 睇落好似有點貴, 不過今日係"雙十", 收貴都可以理解.
另上合歡山條路, 比上民宿個段路更窄, 更多急灣, 更多大車.
俾我再選擇多次, 都係包車而唔會自己揸

第一個目的地


沿途景色



由民宿揸車上到山, 都要大半個鐘.
中途又有d位係單綫雙行, 急灣多又睇唔通前面.
台灣人揸車都幾勇, 咁嘅環境都仲多次雙白綫扒頭.
途中又見一輛大型運輸車碌咗落山溝.
都咪話唔驚.


合歡山頭





合歡山頭另一觀景点






台中出名地道小食 - 大腸包小腸






享受完 大腸包小腸, 開車出發到第二個目的地 - 老英格蘭莊圍
此乃全清境最貴之民宿, 一般房間都要 NT13500 一晚左右.
就算唔住都嚟參觀下





因如非住客, 謝絕內進參觀.
所以只係外面行咗一陣.



出發去埔里食地道午餐.
由清境開車去埔里都要成個鐘.


司機叔叔介紹呢間埔里食店超多人, 真係够晒地道.




得過"平"字. 味道就...............................







速速食完, 出發去 日月潭 .......



到達洒店已經15:00. 比預定時間遲.
今晚住哲園會館

相中係舊館, 我地住係格離嘅新館 - 約 HK$900 晚







明早就係對正日月潭嘅舊館食早餐. 正




放低行李, 梳洗一下, 即刻趕去坐船遊湖.
Tips: 最後坐船回程時間係17:00. Miss 咗就明天 09:30 請早




由伊達邵碼頭出發






航行咗十多分鐘, 到達水杜碼頭



見到"馬英九"隻船



落緊雨, 係咁意行下算.



週圍行咗十多分鐘後上船,
見到狗狗都唔出奇,

不過見到佢就......................................................
















原來真係有寵物豬.





再航行十多分鐘, 到達向山碼頭.
雨勢更大, 又係咁意行下算.






巳經就快17:00, 速速返碼頭趕船回伊達邵碼頭

Tips:
船費每人 NT300, 即日任坐. 9:30 開船, 17:00 收.
航程: 伊達邵碼頭 -> 水杜碼頭 -> 向山碼頭 ->.... back to 伊達邵碼頭...


好似另有日月潭巴士, 每日 NT80 任坐

Tips:
係日月潭相當難找的士, 叫車最底消費NT600, 就算十秒車程都係!




行咗一陣街, 巳經下午六時多.
大家商量後: 決定今晚掃街當晚餐!


第一檔買 爆漿漁卵, 好食.



行經一食檔, 見裏面超多人. 一於沖入去食埋一分.
話係好出名嘅 "龍x魚" 湯






最後決定在不同灘檔買完後 攞返洒店房慢慢食




俾分時間:
試過就算. 反而第一檔爆漿漁卵 就幾好食.

bigpun1975

風景好正

chinovince

有得行山...好啱我玩!
喜歡"大腸包小腸"