如何選擇靚聲軟件

黑膠迷

雖然現在市面的軟件甚多(同一張唱片計)但有無人留意到
早期(8-90年代)的CD在2手市埸叫價甚高,1位丈夫的好友說
"蔡琴老歌"80年代的三洋版如果仍在全新狀態,可叫價過萬元
而－些早期的古典音樂CD(例如PHILIPS的Silver Line/Concert Classics系列,
EMI的Studio系列,DECCA的Ovation等)都比全新的高規格(SACD/XRCD/SHMCD/LPCD)
CD叫價更高,日前好友拿了－張EMI 的Esoteric系列SACD和原中價版的Studio比較
在座各人均表示"原版最好",他們說今天軟件新不如舊,大家怎樣看?(黑膠唱片－定是,所以只講CD產品)

黑膠迷

擁有原版黑膠唱片(絕對不是新版)的朋友,漸漸多人知道它是珍貴的東西
因為同一錄音比較,(可能我隻耳退化左遲鈍左)我總是覺得未經任何數碼處理的(即模擬錄音)
黑膠最靚聲,尤其是弦樂,只要頭臂盤夠班,它仍然是hi fi之最
但奇怪近年CD亦有此現象,新版和舊版只要AB比較,舊版絕大多數贏新版
或者這就是近年甚至有人上門收購舊版CD的主要原因

黑膠迷

新版黑膠又如何呢?
即使數碼錄音的,新版黑膠(並非全部/大部份)其實已經贏不了CD
除非你的CD系統很差,吾夠班但唱盤靚又另計

黑膠迷

各位喜歡黑膠唱片的朋友(尤其是流行曲)
最好找回原版本(2手店找到的話)否則不如聽CD/SACD吧

黑膠迷

以下同一張唱片
最靚聲的次序
1.黑膠
2.早期的CD
3.編號版K-2CD

jules

前輩，非常同意。

好奇一問：點解要拎住的碟影相? 是否閣下自拍。

ccli1996

我自己其實就唔太覺舊版CD嬴新版,聽得多話越舊版嘅係越好聲,其實舊會嬴新,舊版啲聲係羸咩呢?

eds60

ccli1996 發表於 2016-2-28 02:19
我自己其實就唔太覺舊版CD嬴新版,聽得多話越舊版嘅係越好聲,其實舊會嬴新,舊版啲聲係羸咩呢? ...

ccli兄，我都認為舊版碟大多數都赢新版碟。

例如原廠出的 Decca 24/96, Philips 24/96, EMI ART 等等經 high sampling rate 處理的全部衰聲(陳sir 話係壓縮了)。 出了一輪都唔出啦。

香港的 T** M**** 翻出的 Delos 錄音。 另一間 L**D， 我都聽過好多人中招， 包括我自己。

舊版聲音較自然(大部份情形下，仲要睇邊到做，同一款碟有好多版)。 舊版錄音電平低， 先可重現大動態。 新版調高錄音電平，變得冇晒動態兼有點壓縮的感覺，聽得耐會覺好勞噪不耐聽。 新版為去除 analog 錄音的背境噪音， 這樣做空氣感會大量流失。如果有 AAD 更有音樂感。

新版是否攞到真正母帶？ Remaster 的人會否亂(刻意) 調 eq 來取得某一效果， 如高音清或低音勁來討好一些顧客。 初聽可能覺得好好， 聽耐咗……

好似現在的器材和喇叭的聲都好高清， 個人都係鐘情舊英國喇叭的聲音。 最近有好評的 Chartwell LS5/9 冇高清效果， 有音樂感。其實呢D咪係以前英國喇叭的聲(着重音樂感)。只是很多人未接觸過。

除了我的家訪提及的兩套高級器材令我有深刻印象外。 其實有兩套舊英國喇叭同樣令我迷醉於其中。 係三十年前的 Linn Isobarik(聽 opera 好正，雖然我唔聽。第一次有好聽的感覺) 和 Harbeth HL5， 兩套都有接近黃金比例的獨立房任玩的。以前我都有在代理的 HiFi show 聽過幾次 Linn 全套老頂。 前排聽了最新 Linn Akurate 系列(出過主題)。 新 Linn 聲不是我杯茶。

eds60

黑膠迷 發表於 2016-2-27 22:03
新版黑膠又如何呢?
即使數碼錄音的,新版黑膠(並非全部/大部份)其實已經贏不了CD
除非你的CD系統很差,吾夠班 ...

就算舊的經 ADRM 處理的黑膠，我都覺得不如聽CD算了。

jules

ccli1996 發表於 2016-2-28 02:19
我自己其實就唔太覺舊版CD嬴新版,聽得多話越舊版嘅係越好聲,其實舊會嬴新,舊版啲聲係羸咩呢? ...

應該咁講就針對舊錄音翻出而言，整件事好睇是否用original master tape 來做cd master, 同時remastering 手法亦都係関鍵。當然cd pressing 嘅質素和master tape condition 亦有影響。有很多翻舊錄音嘅新版品牌都有成功例子eg mobile fidelity, classic records, jvc xrcd (個別錄音）, hi Q xrcd, analogue production， 等等發燒品牌；亦都有很多細label 有心經營eg. Testament, audite, orfeo, coup, Tahra, doremi 好多好多番出舊錄音。

通常出事都係大label標榜新remastering技術如eds兄和陳sir常提及的emi art，emi 2088, DG original bit mapping, Decca 2496, Sony sbm, bmg rca uv22. 我經驗出事機會最大喺emi 和 Rca.  Philips 亦有bitstreams, 24bit, 但反而bitstreams 都有好質素例如Rossini sonata 炒到好貴；同埋紙盒日版24bit都天價不過我覺得麻麻地。

當然冇比較下好多時reissue都收貨，只不過原來早期版可以更好，但這亦都不是绝對。有時早版remastering 衰咗之后版本改善都有例子，不過較為少呢個情况。

咁新出錄音喺唔喺唔聽得？當然唔喺。我反而覺得比起早期數碼錄音現在技術已經好成熟。求其一個古典品牌大部分時間都有番咁上下水準，好多都幾靚聲。

ccli1996

多謝師兄們分享，又學咗唔少嘢
可能我對係木耳，新舊版聽起嚟，感覺分別冇你哋提到嘅咁強烈，同意舊版特色是音量相對比較細，新版雖然音量大咗，但又唔係好覺得動態被壓縮咗，因為我都好鍾意爆機，動態都好緊要，隻碟差啲我都會幾覺
而聽舊版聽感會覺得自然啲，我會覺得係因為相對新版，新版通常變得高清及HiFi啲，可能口味不同，而大部分人都喜歡自然啲嘅聲，所以就會覺得舊版會係靚聲啲，而我就反而覺得啲舊版聲，係細節上唔夠清晰，會喜歡新版多啲，好似近排Blue Moon，Rock In Music 個啲新版碟，都買了不少

ccli1996

eds60 發表於 2016-2-28 03:33
就算舊的經 ADRM 處理的黑膠，我都覺得不如聽CD算了。

上星期係個師兄到聽黑膠，佢俾我領教下新版與舊版黑膠嘅分別，係陳百強啲經典精選歌曲，舊版嘅係30年前正宗頭版碟，而新版係近年出嘅咩LXCXMX版，個兩個版本真係有好大分別，新版碟聲好接近CD，舊版聲就好似你哋講個種feel，最大分別我覺得係把人聲度，舊版自然啲，人聲細緻啲，但背景音樂舊版感覺會相對矇啲，新版背景音樂跟把人聲就平衡啲，相對把人聲就變得冇咁自然，但整體感覺會變得高清咗，所以要看看口味，你係注重聽人聲，定係整體平衡度

patrickwong

我同意 eds60 及 jules 兩位的意見, 而 ccli1996 可能比較好彩, 買入都是比較好的新版 CD, 有些新版 CD 真係差過我從黑膠錄出來(我的器材已經夠差了)。

patrickwong

我想起了鄭延益老師在 1989 年於明周的一篇文章, 其中談及現代人追求的小提琴音色, 這與很多新版 CD 所追求的音色有點接近。

黑膠迷

這是我聽到的,1992年或以前的CD,會用母帶(Original master tape)做音源
但90年代中開始,很多唱片公司放棄母帶全面數碼化,
換而言之,舊錄音新版CD(黑膠)全部由電腦硬盤做音源
加上某些舊錄音用數碼方式去除噪音,其實效果適得其反..........

patrickwong

黑膠迷 發表於 2016-2-28 19:54
這是我聽到的,1992年或以前的CD,會用母帶(Original master tape)做音源
但90年代中開始,很多唱片公司放棄母 ...

> 加上某些舊錄音用數碼方式去除噪音,其實效果適得其反..........
我聽很多舊錄音, 不少更是歷史性錄音, 很多時唱片公司做的除噪音功夫, 連樂音都一齊去掉!
但問題有時可能是現代的聽眾與唱片公司的惡性循環造成, 我發覺現代不少聽眾對少少的噪音都不能接受了。

黑膠迷

兩張20年前黃啟光的發燒級唱片

jules

patrickwong 發表於 2016-2-28 17:08
我想起了鄭延益老師在 1989 年於明周的一篇文章, 其中談及現代人追求的小提琴音色, 這與很多新版 CD 所追求 ...

難得你還有keep住鄭老師於明周的文章。
文中所說的情況廿多年後未變過。

eds60

黑膠迷 發表於 2016-2-29 21:09
兩張20年前黃啟光的發燒級唱片

我只有 (二)。錄音唔錯。

黑膠迷

(2)最正係"月兒彎彎照九州"