三大鋪的個人感受

heidelbergcd74

小弟入手Luxman DA-250 and Bryston BHA-1後想搵埋耳筒, 於是四出聽野, 然後以下小小個人感受.

X聲:我架Bryston在星際店買的, 雖需開機時腳唔平要換機, 但態度良好肯幫手. 最重要係我試佢架BHA-1時, 係好聲的. 售貨員都幾好傾, 完全唔會串.

X軒:只係D人, 好似好自我感覺良好咁, 同埋好似越做越細間咁.

最尾間X音:要開炮, 在星際店試野, 我試咩都好粗聲, HD800好, K812好, T1又好, 聽到我耳都歪埋. 望一望秋線, 算啦. 有日去深水埗店, 佢本來都無開喇叭, 我入去一戴上耳機, 佢就開喇叭. TMD, 明趕客姐, 唔比人試埋唔好擺出來啦. 售貨員比人感覺無咁友善, 咀臉係乞人憎D. 感覺比較差, 尤其佢開喇叭果下, 唔好叫 D*A, 改名叫DLS啦.

anthony.cky

以前個個都話X聲服務差, 可能已作出改善

X音的確做大咗, 隻眼又生得高咗

X軒, 職員似自娛多過返工

clausewitz

X聲幫襯左一段時間, 未曾試過態度惡劣, 可能我有野買, 佢認得我掛~
X音自從係阿邊度21樓開左之後就問題接腫而來~~除左問價外, 其他野我都唔會試~
X軒越縮越細, 越細就越怪....怪到唔敢去~~

灣電間"here we go"暫時接觸都幾好, 不過佢主打係做入耳式, 大耳龜相對比較小貨擺係面~

anthony.cky

星期六上咗X軒新店, 好細, 感覺似就快玩完, 完全無試野嘅意慾

wesleyho

X音以前旺角新城間分店，有個留鬚sales好nice，好好傾又乜都畀試，可惜自從呢間分店執咗，就無見過呢個sales出現！講番當日試Sennheiser HD800，求其插落第二個牌子耳擴就畀我試（仲要係店主親自招呼！！！），但係效果完全唔掂，結果買咗AKG最TOP MODEL果隻耳機XX812，點知原來呢隻model設計有問題，買咗唔夠三個月就打柴，要整（其實無整，係好iphone咁換過一對），結果怕怕，一收番就放咗佢！始終覺得S牌無理由咁雞嘅，再上去試過Ｓ牌，今次留鬚sales招呼，用同廠耳擴，d聲簡直另一個層次，比之前好四、五成！所以得出結果係第一次試，setup太求其，第二次試先出到隻耳機嘅質素！

dennis88

wesleyho 發表於 2016-6-1 18:58
X音以前旺角新城間分店，有個留鬚sales好nice，好好傾又乜都畀試，可惜自從呢間分店執咗，就無見過呢個sale ...

ching,可告知k812呢隻model設計有咩問題,買咗唔夠三個月就打柴呢?
因見有平售有d興趣, thx.

wesleyho

dennis88 發表於 2016-6-11 21:09
ching,可告知k812呢隻model設計有咩問題,買咗唔夠三個月就打柴呢?
因見有平售有d興趣, thx. ...

內部接觸點好雞，好易斷，一斷就變無聲！我果對就係用左唔夠三個月就一邊無聲，換對新嘅，但係設計無變，即係好快又會打柴！