「Good Old Days」迷思 殖民時代幸福些？

axgroup

「Good Old Days」迷思 殖民時代幸福些？

【經濟日報專訊】香港單車手李慧詩在倫敦奧運會勇奪銅牌，英國及中國選手分奪金、銀牌，頒獎禮播着英國國歌，三地旗幟飄揚，竟引來網民惡搞把特區旗變成英國香港旗，紛紛留言懷念97前殖民地年代！但看清楚一點，舊日子真的美好嗎？








不滿社會現況 才懷念以前

近年不時有示威者揮動英國香港旗，這在剛回歸後首幾年的遊行中較少見到。李慧詩得獎後，有網民留言「好懷念97前的日子」、「聽住God save the Queen恭喜香港隊」等，部分更形容香港在英治時代為「Good Old Days」。這些舉動，不難看出是對社會現況不滿，造成懷念往日的情感投射，但這是否只是Good Old Days的迷思？

論經濟，回歸前的經濟增長速度飛快，例如經濟總量在1984至97年，合共增長超過400%，但在回歸後的97至2011年，增長則少於40%，速度明顯放緩，回歸後的薪酬增長也緩慢。但除了經濟，還有更多令市民不滿的問題，例如回歸後最多爭議的官商勾結、貧富懸殊，還有香港的民主及人權等議題，梁振英政府上台後，「西環治港」及國民教育近日又鬧得沸騰等，也是釀成港人不滿的原因；但這些問題在回歸前就不存在嗎？

1.官商勾結︰制度化 Vs 個人化

現時社會聲音批評官商勾結、地產霸權，回歸前不見得沒有，例如，回歸前不少英資財團如滙豐銀行、太古等，穩佔行政局（現為行政會議）內的席位，可參與政府決策。

中大社會學系副教授陳健民就表示，回歸前英資公司幾乎壟斷公共服務如公共巴士、電訊服務，購買的巴士款式也大多來自英國，甚至政府聘請的顧問公司，也多找英資機構，明顯有利益衝突。

但回歸前政府與財團的利益交換，屬制度化，在法律範圍以內，而回歸後的利益交換，屬個人化，例如前政務司司長許仕仁涉嫌貪污事件，則超出法律範圍而受查，同樣存在利益交換問題，形式稍有不同罷了。

2.貧富懸殊︰社會流動 Vs 社會不流動

本港的貧富懸殊問題，從堅尼系數來說，從1971年的0.43，升至去年的0.537，代表收入差距增大，但從另一方面，中產階級也在這數十年間膨脹，整體社會生活質素有所上升。

陳健民表示，60至70年代也有一邊廂基層要瞓街，另一邊廂華人精英居住山頂的貧富懸殊畫面，不過當時社會較為接受，原因在於社會流動快，基層相信只要努力就可向上爬。

3.民主人權︰市民期望 Vs 實際進展

事實上，在60至70年代，英國擔心香港被中國勢力滲透，大力打擊左派，甚至打壓言論自由。直至80年代起，由於中國將收回香港，英國才開始在港提出在立法會引入直選議席等，令市民對政治民主發展更高期望。陳健民稱，但回歸後，民主發展步伐緩慢，遠遠追不上市民的要求，導致民怨。

問題一直都在 昔較少質疑

港大社會學系教授呂大樂便認為，基本上回歸後出現的社會問題，在回歸前也存在，但在過往殖民地時代，市民較少提出質疑。

造成Good old days的迷思，並非無因。中大政治與行政學系高級導師蔡子強認為，這是市民對環境不滿的反彈，他相信大部分說懷念殖民地年代的年輕人，未必對英治時代有深切體會，這份「懷念」，源於當年香港相對內地在文化上的優越感，惟近年內地經濟及文化地位冒升、西環治港的政治環境，才會有「舊日子美好」的假象。

迷思是市民的一種感情投射，可以理解，但卻要看清背後所代表的反抗情緒。梁振英班子要拆解的，是社會對政府的不滿情緒，否則市民只會繼續陷於懷念舊日時代的迷思當中，要建立管治威信，更難上加難。

(Source : http://hk.news.yahoo.com/good-old-days-迷思-殖民時代幸福些-224958589.html)

LK1976

尋晚李卓人派傳單比我，我叫佢唔好成日閙梁振英，比d時間佢。如果第時真係齋Talk唔做嘢先閙都未遲。跟住佢求其答我話「係喎，要比d時間佢」。然後極速問我陳茂波應唔應該下台。真比佢吹脹。d人為選票不斷攻擊人嚟爭取選票/民意，攪到全香港淨係識處理僭建，終日唔係您話我就我閙您。所以未覺得97前和諧d都未定。如果要睇閙交，就睇溏心風暴，唔好阻住香港發展啦！

hksarac

你啅淫唔講籌款單野，只講佢僭建被揭發一年都未拆，自己有辭職嗎???一定唔辭啦，做四年有約滿酬金50萬，仲有包庇長毛唔使辭職，長毛又有50萬。

你啅淫應知是那些人爭取到勞工法例立法，英國佬自己的報告講，香港67暴動後，英國關注工人受勞方欺壓而立法的。97前香港市民又有幾多民主自由畀佢去遊行??3人聚在一起就是非法集會，摩星嶺政治部佢應知有存在。

老實講，當年機場如放在現在，相信要等30年才能可以用。當年機場由report 到建造好都20幾年。

axgroup

hksarac 發表於 2012-8-8 15:54
你啅淫唔講籌款單野，只講佢僭建被揭發一年都未拆，自己有辭職嗎???一定唔辭啦，做四年有約滿酬金50萬，仲 ...

李卓仁僭建?有冇圖?

Manson

問題主要出於「殖民地」三個字
如果抽出「殖民地」三個字或忘記過往是殖民地統治的話
其實問題不大，正如有英國人懷念維多利亞時代
美國人懷念克林頓主政一樣，無甚麼大不了
只是大家被「殖民地」三個字變得敏感些了

Manson

hksarac 發表於 2012-8-8 15:54
你啅淫唔講籌款單野，只講佢僭建被揭發一年都未拆，自己有辭職嗎???一定唔辭啦，做四年有約滿酬金50萬，仲 ...

你唔係想話67暴動係左派成功爭取改善勞工福利掛？？？

1967年5月17日，楊光、費彝民等17名鬥委會代表港督府門外揮動《毛語錄》及高叫口號，係爭取改善勞工福利？？？
1967年7月中，土製炸彈同燃燒彈襲擊警署，係爭取改善勞工福利？？？
1967年8月20日，黃兆勳4歲，黃綺雯8歲，於北角清華街被包裝成禮物的土製炸彈炸死，係爭取改善勞工福利？？？
1967年8月24日，林彬離開窩打老道山寓所往商台上班，途中被人伏擊，係爭取改善勞工福利？？？
1967年10月13日，灣仔告士打道放置炸彈，炸死警員杜雄光，係爭取改善勞工福利？？？
..........等等等等

67年左派在香港犯下歷史上罪無可恕的罪行，鎖你入摩星嶺根手逮解出境，已經便宜左你地！
仲想玩平反？係咪痴左線呀？

axgroup

Manson 發表於 2012-8-8 22:48
你唔係想話67暴動係左派成功爭取改善勞工福利掛？？？

1967年5月17日，楊光、費彝民等17名鬥委會代表港 ...

七仔

香港係麥理浩年代開始, 先至有好日子過者 ... ...

Manson

要睇「好」的定義用甚麼來對比
如果將不同時期的香港（開埠後）與中國大陸作比較的話
香港在大部分時期的生活都比中國大陸好
歷年來中國大陸來香港的難民人數可以說明這一觀點..........

AV叛徒

Manson 發表於 2012-8-11 11:59
要睇「好」的定義用甚麼來對比
如果將不同時期的香港（開埠後）與中國大陸作比較的話
香港在大部分時期的生 ...

所以唔明白有啲老一輩當年逃避共產黨先走嚟香港而家又要親共係為乜

Manson

AV叛徒 發表於 2012-8-12 01:19
所以唔明白有啲老一輩當年逃避共產黨先走嚟香港而家又要親共係為乜

或許有一部分早年逃難來港的人並非逃避共產黨，而是逃避戰亂或一連串群眾運動
才來到香港，這些早年（50年代左右）來港的人起初並不是想留在香港發展
但外於大陸局勢一直動盪，不經意下才在香港落地生根
或許到現在這些人心裡還在記掛著他們本來的根（中國）
這些心態間接投射到現在執政的共產黨身上

老一輩人中間，可能還有一些人根本就是左派的人
由49年羅素街的罷工電車職員與警方發生衝突，50年摩星嶺難民區衝突
56年的雙十暴動，可以看到左派人仕在香港人數是不斷上升
及後更借助文化大革命與工人工潮的爆發，發動67暴動
但由於67暴動得不到市民支持失敗後，港英政府對這些左派人仕進行嚴密監視
才令我們難以察覺他們的存在，回歸後這些人有的是身居政府要職
有的從直選走進議會，有的還得到大紫荊勳章.........所以我們才發現他們原來一直存在.......

Ps~(我個人唔相信真正了解共產黨歷史的人是會喜愛共產黨的）

ivanchan

Manson 發表於 2012-8-12 03:53
或許有一部分早年逃難來港的人並非逃避共產黨，而是逃避戰亂或一連串群眾運動
才來到香港，這些早年（50 ...

真正了解中共，而又擁抱中共，大有人在，都係無恥之徒！

ivanchan

七仔 發表於 2012-8-11 01:43
香港係麥理浩年代開始, 先至有好日子過者 ... ...

老實講除左建華八年，回歸前後一般都還可以。而振英元年，香港已敲喪鐘！

七仔

Manson 發表於 2012-8-11 11:59
要睇「好」的定義用甚麼來對比
如果將不同時期的香港（開埠後）與中國大陸作比較的話
香港在大部分時期的生 ...

如果同中國大陸比較, 有一個因素需要考慮. 中國開放改革前, 卅年社會主義經濟既實驗, 卅年政治鬥爭, 加上歐美國家圍堵甚至戰時禁運, 中國大陸同西方世界分隔, 二戰後全球經濟發展與中國無關. 亞洲四小龍起飛既六十至八十年代, 中國大陸冇發展機會, 所有屬於中國既機會都去晒香港同台灣. 幾十年前鬼佬要了解中國會去香港, 要睇下中國大陸要去落馬州既山頭眺望.

中國大陸開放改革卅年, 先至同西方世界再次有經濟交流, 先至有發展機會. 以前中國大陸冇左既機會黎左香港, 現在係香港同中國大陸, 大家都有機會. 全中國用血汗工場, 用copy cat, 以兩代人既血汗, 以原始累積, 一步步走到今日. 外強中乾又好, 千瘡百孔也好, 至少做到好好睇睇, 有一定比例既老百姓先富起來, 有車有樓. 香港過去廿年發展慢左, 有d野不知不覺進步左, 包括交通基建, 包括醫療, 包括教育, 同時香港人既生活, 比起八十年代既黃金十年越黎越難捱.

香港人現在所懷念既殖民地時代, 往往係八十年代既黃金十年, 加埋七十年代麥理浩任內港人生活逐步改善. 九十年代已經係塘水滾塘魚, 末世紀風情, 氣數將盡. 回歸15年, 就生活質素已言, 只不過係延續左九十年代既處境, 冇咩大發展, 又冇咩大破壞. 地產霸權, 八九十年代同現在既邏輯一樣, 只係從果陣開始一直深化, 同時政府不作為.

如果單單同大陸比, 殖民地時代香港人往往感到比同胞高一大截, 大陸青春靚女嫁個香港糟老頭. 現在扯平左, 我地平民同人地既平民比, 我地既有錢佬同人地既有錢佬比. 我地冇必要自己做平民, 同人地有錢佬比, 咁樣會好辛苦. 至少, 中國大陸高左, 唔等於我地矮左, 只係我地冇快高長大者.

七仔

ivanchan 發表於 2012-8-12 16:52
老實講除左建華八年，回歸前後一般都還可以。而振英元年，香港已敲喪鐘！ ...

今日弱勢政府, 個個局長輪住俾人插, 只係回歸後十五年既延續. 振英元年係咪真係敲喪鐘咁大鑊, 搞到香港冚包散, 我睇唔到.

Manson

ivanchan 發表於 2012-8-12 16:43
真正了解中共，而又擁抱中共，大有人在，都係無恥之徒！

真是唔明為左乜？名與利？帶得走嗎？

Manson

ivanchan 發表於 2012-8-12 16:52
老實講除左建華八年，回歸前後一般都還可以。而振英元年，香港已敲喪鐘！ ...

建華八年對香港的影響，轉變不單是短暫性是長遠性和根本性的
往後的日子裡，我們回顧香港歷史時
會看出他將殖民地時期行之有效的制度，政策，慣例所作出的破壞是何等深遠.....
可以說是香港其中一個轉捩點（由盛轉衰）

至於振英元年是否喪鐘，現階段並未看到有這樣嚴重，一切要拭目以待........

七仔

小弟睇法有d唔同, 香港響90年代初, 香港工業北移已成定局時, 已經係強弩之末. 整個90年代, 末世紀風情, 人人淨係識炒樓炒股票, 香港既產業空心化, 賺到外匯既本事五隻手指數晒. 97亞太金融危機, 只不過將過去幾年既弊端浮面.

建華八年, 與其話破壞左d乜, 我就認為老董根本就冇本事破壞, 亦冇本事扭轉劣勢, 有遠見冇執行力, 領導失效. 貪曾七年就倒轉, 有執行力冇遠見, 長期不作為, 由得香港既產業自生自滅. 回歸15年, 先後無法作為同埋不作為, 原地踏步15年, 廿年來既產業結構問題同埋地產霸權問題, 好似爛生果咁, 只會越擺越爛.

泛民政客成日講果d核心價值, 以為香港只係識自由民主人權, 唔記得刻苦奮鬥靠自己, 核心價值隨意作定義, 有錯係人地, 有好係自己, 自我為中心近十年已變成核心既核心價值. 對於政府/官員/政策既慣性質疑, 我會filter下先至聽.

"殖民地時期行之有效的制度，政策，慣例所作出的破壞", 殖民時期歷史百幾年, 唔同時期對比會好大分別. 如果只係以麥理浩, 尤德至衛奕信三任港督十幾年, 同肥彭果幾年比, 都有好大差別. 戴麟趾對上果d, 都費事講. 仲記得陳方安生個細佬, 有間屋執到個model副骨果單野, 事隔廿幾年細節早已唔見晒, 疑點包括或有人妨礙司法公正, 亦早已煙消雲散, 無從舉證. 現在呀振英哥起個花棚, 俾人影晒相起晒底, 乜都透明晒. 我睇, 呢d已經係社會既進步. 對於回歸後既香港, 我唔係睇得咁負面.

ivanchan

七仔 發表於 2012-8-13 23:46
小弟睇法有d唔同, 香港響90年代初, 香港工業北移已成定局時, 已經係強弩之末. 整個90年代, 末世紀風情, 人 ...

記憶總是不可靠,
1) 97金融風暴，成因唔係＂香港既產業空心化⋯將過去幾年既弊端浮面＂，實乃大鱷們由泰國宣佈放棄固定匯率制，實行浮動匯率制開始，然後因為香港剛回歸，惜題發揮地狙擊港元聯滙，再引爆印尼盾，最後以港府入巿同俄羅斯籟債，班炒家兩邊缺水下金融風暴結束。過程充滿偶然，亦離奇非常，但與閣下所指原因似乎未有關聯。
2）建華八年，你說＂老董根本就冇本事破壞＂，但實情佢破壞力可比歌斯拉，食二手飯，負資產，而家你去買炭，包裝入面有張紙講生命可貴，都係老董時代嘅見証。仲有沙士都末講！！真係佢不殺伯仁⋯（仲仲有，而家仲要整隻屍歪比我地⋯真係trick me once shame on you, trick me twice shame on me 了，而家我好shame亞屌 ！）
3) 方曼生、彭楚盈一案係1999年揭發，與梁宅老潛同樣都在回歸後，以此對比有所不倫。

Manson

七仔 發表於 2012-8-13 23:46
小弟睇法有d唔同, 香港響90年代初, 香港工業北移已成定局時, 已經係強弩之末. 整個90年代, 末世紀風情, 人 ...

若要將香港未能成功作第三次經濟轉型同軟著陸的責任推向九十年代的經濟泡沫，工業北移，產業空心化的話。我相信香港歷史上的兩次經濟轉型所面對的問題未必少過回歸之時。
1950年香港因為韓戰的關係被美國與聯合國實施貿易禁運，由於香港由開埠之初一直依靠轉口貿易，這對當時的香港是一項沉重的打擊。時任港督的葛量洪卻能因應局勢的轉變帶領香港從轉口貿易過度到製造業，香港的出口產品主要為紡織品、假髮、玩具和膠花等等。1954年香港成衣業工人的數量更佔上全港勞工總數的30%。為了幫助香港成功轉型，1954年葛量洪還專程到美國推銷香港。
第二次經濟轉型發生在香港「黃金十年」麥理浩時代，1970年代由於貿易保護主義的抬頭。香港面對紡織和玩具等產品的入口限制，貿易配額的削減，再加上1977年英聯邦特惠稅的撤銷，令香港的輕工業出口構成嚴峻考驗。但麥理浩卻成功帶領香港經濟走向多元化發展，電子工業在麥理浩任內急速發展，經過一連串金融市場改革後，為香港成為今日的金融中心立下極重要基礎。
香港從1947年至1986年間對外貿易增長是198倍，1993年對外貿易總額是21188億元，超過中國的貿易總額，成為遠東最大貿易中心。
總結近半世紀的香港發展，香港往往能從危險中找到機遇，但一切去到董建華時代就宣告終止。

對於董建華八年，高官問責制，數碼港事件，胡仙案，母語教學，三次人大釋法，維港巨星匯，沙士處理，還有中藥港、硅港、鮮花港、國際設計及時裝中心、紅酒貿易中心、商業園等等。由於太近代所以不在此詳談。有時間的話可以從歷史的角度詳細思考他任內作出的改革，轉變，破壞都是直接影響著香港往後的發展。

核心價值並非任意詮釋的東西。2004年6月7日近300名來自不同專業及學術界人仕，在報章聯署的「香港核心價值宣言」中指出香港核心價值包括：
自由民主、人權法治、公平公義、和平仁愛、誠信透明、多元包容、尊重個人、恪守專業。