二手買賣 ~人性 ~

datacoma

D野積積埋埋...好多年...迫住掉左落垃圾桶....
大玩偶 發表於 2010-9-9 21:55

我都係咁...早幾日先掉左部舊5.1 套裝AMP+壞WOOFER，一部PS2，一部套裝TUNER....

大玩偶

掉咗咩先
kleehkg 發表於 2010-9-9 22:07

    以前D 玩具 LAW

qq1122yq

" 如果你係A君；你會唔會接呢？"

C君放幾多錢唔係重點，重點係睇當時巿價，如果隻碟普遍係放緊$220，咁都係平左吖...
A君睇唔開係因為知道C君幾錢買入姐...

番薯

我認為只要你情我願就可以了。

pepsiman

每人價值觀唔同,只要自己覺得個價OK,
無話人唔人性,除非C君你係認識就另作別論...

qq1122yq

買嘢無平到，所以賣家都係無人性？  ;P

Manson

" 如果你係A君；你會唔會接呢？"

C君放幾多錢唔係重點，重點係睇當時巿價，如果隻碟普遍係放緊$220，咁都 ...
qq1122yq 發表於 2010-9-10 00:20

    無錯
如果當時巿價係$250,我會直頭多謝佢
賣俾我唔賣俾第二個(可能賣到$230)
到時我睇完,都會賣返$250出去(假設當時巿價重係$250~$230)
其實重點因為知道C君幾錢買入

但如果個個二手買入再賣出
都減二十蚊,有好多碟依家可能值幾蚊都唔定
只要價錢係市價,唔係離哂Pro，我覺得問題唔大

datacoma

" 如果你係A君；你會唔會接呢？"
C君放幾多錢唔係重點，重點係睇當時巿價，如果隻碟普遍係放緊$220，咁都係平左吖...
A君睇唔開係因為知道C君幾錢買入姐...qq1122yq 發表於 2010-9-10 00:20

如果有師兄為左[C君幾錢買入]而睇唔過眼，應該都唔出奇。
但在我黎睇就唔關事，我著眼既係時間。
好似樓上有位師兄都講，A君買番黎都可能經已係二手；重要又係$200買入...
但咁冇問題喎，因為距離隻碟新派街到A君放出黎~ 前後唔到三日，姑勿論隻碟係幾多手，總之重係暖手。
又假設咁放$200屬於合理價錢，而C君攤凍左一星期後又係放200，如此類推，咁再隔多一個月等隻碟起哂膏；係咪仍然可以賣200呢？
「早買早享受 遲買平一舊」~ 咁遲成個禮拜但斗零都冇平到，買得過與否；就真係要睇A君門口有冇掛呢副對聯勒。
我諗每個人對於合理既標準都有若干差別，都係按自己既要求而定。買唔買，覺得合唔合理或者係咪條氣唔順；應該每一個A君都有唔一樣答案。
BTW~隻碟市場價放緊$220係冇可能，因為當時新碟都係賣23X咁上下而已。

datacoma

每人價值觀唔同,只要自己覺得個價OK,
無話人唔人性,除非C君你係認識就另作別論... ...
pepsiman 發表於 2010-9-10 01:13

如講人唔人性；佰仕兄係指賣家....我諗你誤會左...
我想討論既人性，主要係集中於買家既反應。至於賣家；暫時唔打算評論住。

datacoma

買嘢無平到，所以賣家都係無人性？
qq1122yq 發表於 2010-9-10 01:34

千祈唔好咁講，賣家係絕對有權收想收的價格的，這就是自由市場可貴。

大ken

自由市場 你情我願

jason_lwk

其實都無既~~~
講到尾都係睇下覺得值唔值~~
同埋呢個世界只會有二手市場~~
無話三四五手市場~~~
唔會話二手入三手出一定要再平d~~

不過我有時都會覺得就算值，又或者比市價平
我買得條氣唔順都寧願唔買~~~

ryanenen

買賣二手碟, 又要就時間, 地方, 又要俾人壓價, 果十蚊八蚊都要講價, 計埋車錢, 結果仲貴過租碟, 所以依家 ...
hkp1196 發表於 2010-9-9 19:49

所以我依家最愛M3
吾好既戲, 睇完就del
种意既bluray先買

nwwedmond

我會買, 都係一個禮拜到啫, 咪又睇完賣番出去囉, 到時賣到幾錢就自己承擔風險就得.  總之係明碼實價, 傾啱價錢至相約交易就得, 都係你情我願啫.  至怕係交收見面時至再講價...如果係賣緊大件嘢, 就真係激鬼死.

qq1122yq

" 而C君攤凍左一星期後又係放200，如此類推，咁再隔多一個月等隻碟起哂膏；係咪仍然可以賣200呢？"

賣家事隔幾耐放番出去都係200係賣家嘅決定，市場會自動調整！因為隻碟耐左個價仲高企，無買家要賣家自然會降價...
哩d "如此類推" 嘅譬喻係無人會知！  :lol

pam_jack

如果有師兄為左[C君幾錢買入]而睇唔過眼，應該都唔出奇。
但在我黎睇就唔關事，我著眼既係時間。
好似樓 ...
datacoma 發表於 2010-9-10 03:01

呢個時間距離個個人都睇法唔同...
我睇完大家討論...反而覺得有時係自己俾咗期望自己而令自己失望...

呢個 CASE 睇...個人觀感...係 A 君自願等一個星期並期望 C 君睇完應該會以低於 200 呢個價俾佢...而冇即時去揾第二個二手買...
其實可能佢當日已經揾到第二個同價買咗...又或者 C 君真係唔放返出嚟...一星期後 A 君再响市場揾一樣要俾 200 ~~

我自己覺得二手價永遠只係供求問題...冇得話值唔值...好多時想揾就見放 210...買咗就見人放 190 架啦...

當然我理解呢個只係討論啦 ~~

如果我係 A 君...我就會問 C 君可唔可以 180...因為呢個係我期望嘅價...而呢個 CASE...C 君只係開價...冇交待如果 A 君問可唔可以平 D...C 君冇話唔肯喎...

datacoma

賣家事隔幾耐放番出去都係200係賣家嘅決定，市場會自動調整！因為隻碟耐左個價仲高企，無買家要賣家自然會降價...
哩d "如此類推" 嘅譬喻係無人會知！qq1122yq 發表於 2010-9-10 15:17

所以我咪話唔關賣家事囉。總之一個人只要面皮夠厚，做任何野總係會著數D。我就自問未到呢個境界....學習中。

datacoma

呢個時間距離個個人都睇法唔同...
我睇完大家討論...反而覺得有時係自己俾咗期望自己而令自己失望...

呢 ...
pam_jack 發表於 2010-9-10 17:38

JACK兄講法我都係咁諗，某個層面上，A君可能真係有D戇DOG...;P
見人地咁耐都冇聲氣，點解重要等落去？！係呢種層面講口齒？就係信賣家一句睇完CALL你？正常人應該一早轉左軚....
又或者等人放時講下價，但以我所知，買賣市場中唔係只得一類人，有D人係唔鍾意講價，佢地價啱就買，唔啱就唔買。
所以買賣有時都好講緣份...
一個預人壓價而抬高價錢既賣家碰上一個唔鍾意講價既買家...
跟一個唔鍾意講價既賣家撞到一個勁鍾意壓價既買家...
都係一種錯配。;P

datacoma

總之係明碼實價, 傾啱價錢至相約交易就得, 都係你情我願啫.  至怕係交收見面時至再講價...如果係賣緊大件嘢, 就真係激鬼死.nwwedmond 發表於 2010-9-10 14:35

有些人就係專吼你[大件野]呢個弱點，搏你怕麻煩而就範咁佢就得逞。
總之呢類面皮厚既朋友係意志堅定排除萬難，唔驚背後/事後任何人既詛咒，在佢地黎講總之壓到個價；就係大成功。

qq1122yq

所以我咪話唔關賣家事囉。總之一個人只要面皮夠厚，做任何野總係會著數D。我就自問未到呢個境界....學習 ...
datacoma 發表於 2010-9-10 17:44

    面皮夠厚，做任何野總會著數D我就唔認同啦！
如果價錢係唔合理，賣家面皮有幾厚，隻碟都係賣唔出！
我反而覺得A君好似小家多D...