香港音響代理真好做

frankyching

bigpun1975 發表於 2017-1-13 10:45
其實有時買野係撞手神，我之前用三叔電視三年壞曬兩部，我朋友嗰部用六年都未有事..... ...

我部LG電視又係，一年零一個月壞，同代理講，佢話要開機檢查費 $780，OK 啱啱過保我無話可說，我明白，我檢查完唔整 $780 冇得退，但我問如果整呢？佢話都唔會計入去修理費內，咁啫係點我都要俾 $780，電話來來回回討論幾日，幾日後經理打電話來，佢話會例外處理，如果最終維修可以將 $780 豁免，其實第二日，我搵相熟嘅修理佬問過，佢教我自己搞，只係有兩粒電容熱脹咗乾咗，換咗佢再避開熱源，第三日我就有返電視睇。所以我最後同佢經理講，我話我雖然只係一個少少嘅用家，我都會盡我一切可能嘅辦法，同我識嘅朋友、接觸嘅人分享我呢個經驗。部機自從我換咗電容， touch-wood 到今日超過六年都好精神 ⋯⋯

andprise

GREENSPAN 發表於 2017-1-13 00:40
Andprise 兄,

喺E悲買, (USA seller) Gel pad 係用在 motorcycle seat的, 即係可以日曬雨淋 我用最厚個 ...

多謝 Greenspen 兄

bigpun1975

frankyching 發表於 2017-1-13 11:43
我部LG電視又係，一年零一個月壞，同代理講，佢話要開機檢查費 $780，OK 啱啱過保我無話可說，我明白，我 ...

我係新買一年壞第一部，同 CS 周旋左半年，最終換機，第三年第二部壞埋，剛剛三年保養，正......
最后部機送左比阿姨，佢響佢樓下揾人整，幾舊搞掂

tonileung

利申並非用家

一直上網見有唔少人用, 我自己相信係個別事件.

我只係覺得最大的問題係, 樓主要返來上網講, 版主出手幫, 代理先肯認真跟進. 咁作為一個普通消費者仲有咩好講?

要靠版主有影響力, 或者識得個代理, 先解決到, 呢啲係乜野服務?

其實好欣賞鎗王版主的熱心幫網友, 抱歉令你難做了, 但實在不吐不快.

神風怪盜kid

我無買過LG,自己係三叔用家，三叔個代理真係令人火滾！
我部新買電視畫面有問題，但call 代理時，發覺單憑說話好難形容個問題(可能我表達得差)。咁我提出搵師傅上黎睇，佢就推三推四，話call 師傅都無用，應該無得整，睇到即係無問題等等說話。最後都無跟進到，而部電視就繼續服役，都無計。
我屋企三部三叔電視，好在另外2部無問題。總之買三叔嘢，勝在平，規格夠高，但QC 差，要賭運氣，買到無問題的貨就賺晒，件貨有問題就自求多福！

DIO

哈。買行貨買到咁可憐，就是香港。
一開始就貴一大節，過保要佢整就必定又貴過廠，
仲要攪到代理咁難做真係唔好意思，個客錯。

9394999

間間公司也一樣，包括政府。呢個根本係香港嘅固有問題。做嘢求其，眼光短視，最叻推卸責任。上梁不正下梁歪，成個社會氣氛/culture都有問題。

玩Hi-Fi求開心，但係大部份industry players 齊齊做價，價錢透明度極低，係今時今日資訊發達嘅社會，呢個行業仍然用緊70-80年代嘅生意手法去營運！我本人覺得，貴唔緊要，服務態度好夠專業, 解決到問題，俾貴啲都底。

玩Hi-Fi真係一門專業嘅學問，玩嘅未必能夠掌握到最正確最新嘅資訊，亦都未必有好多時間可以爬文，有時真係要依賴專業嘅從業員去解釋介紹，但係依家啲industry players，淨係識用打手或sales 起勢吹去攞生意，但係players基本功做得差，銷售員只係賣嘢，但係product and industry knowledge 都唔好，成日亂咁講，最緊要賣到野就算數。Post sales, customer service 更差，問多句都唔識，又係亂咁吹。

冇辦法，今時今日政府、賣樓、賣車果D都係咁，喺香港做人可能只能夠 - 忍，繼續刀來頸受！

里克1

同電視分別係...香港行貨音响嘢大家都知食水深. 大家俾多D都係想買個保障同服務啫.
就算過咗保養, 壞機自己拎番去check係咪一定要收檢查費呢?  上門檢查冇得好講, 俾D水腳係應該.

frankyching

神風怪盜kid 發表於 2017-1-13 12:51
我無買過LG,自己係三叔用家，三叔個代理真係令人火滾！
我部新買電視畫面有問題，但call 代理時，發覺單憑 ...

你睇吓 "轆七" 單嘢香港三星個做事態度同方法，比較吓其他地方，你就知香港三星代理有幾差同幾冇智商，我呢部電視係第一樣買韓國貨，好耐之前，我都認定呢部係我最後一樣韓國貨，我會記住，韓國嘢 No Way！我好慶幸我未去過韓國，我亦唔會去。

Dennis

嘩越搞越覆雜，不討論代理問題，如果深信又感受到呢塊版的作用，再搞一定會變聲，可以作其他用途了

ultramanzero

Matthewlhy 發表於 2017-1-13 11:22
一個公仔麵兩元，一隻旦八毫，兩塊歺肉兩元 , 共 四個八

出街一碗收三十，六倍價錢，有時我照食

咁你唔好講飲水，屋企飲水唔洗錢添，一樣大把人出街買支裝水啦！攞三幾拾同一兩仟比？
拗黎都無謂，反正樓主都話自己唔識整，咁咪希望代理收個合理Ｄ既價錢，俾錢攪掂囉！

Gannary

Dennis 發表於 2017-1-13 13:23
嘩越搞越覆雜，不討論代理問題，如果深信又感受到呢塊版的作用，再搞一定會變聲，可以作其他用途了{:5_430: ...

根據香港代理嘅講法只能擺7kg嘢上去，隨時只可放得2-3粒釘墊，都唔知仲咩其他作用

Dennis

其他和hifi無關的⋯⋯

Casper728

事情經過鎗王版主努力協助下，終於收到代理有誠意嘅回覆，可以俾小弟補錢換過塊新板。

另外要多謝各位師兄嘅關注及回覆，事情先可以咁快有解決方法。

再一次感謝鎗王版主嘅幫忙！

Gannary

Dennis 發表於 2017-1-13 13:41
其他和hifi無關的⋯⋯

開飯，墊抬

Dennis

唔要整，換塊新？

Matthewlhy

ultramanzero 發表於 2017-1-13 13:28
咁你唔好講飲水，屋企飲水唔洗錢添，一樣大把人出街買支裝水啦！攞三幾拾同一兩仟比？
拗黎都無謂，反正 ...

你本事，三幾十唔係錢！

mark38

Casper728 發表於 2017-1-13 13:47
事情經過鎗王版主努力協助下，終於收到代理有誠意嘅回覆！

另外要多謝各位師兄嘅關注及回覆，事情先可以咁 ...

咁未好囉, 大家開心，

槍王有料到

sunny14148

Gannary 發表於 2017-1-13 13:48
開飯，墊抬

墊住沙發來坐，矛痔瘡。

Casper728

Dennis 發表於 2017-1-13 13:49
唔要整，換塊新？

係補錢換過件新板！