雞年第一擊Schnerzinger Reference 3000 2M XLR

Skycam

上門求缐

祝各Hiendy師兄，想換就去換！越換越靚聲！

驚喜真係一浪一浪來，本來無打算Michael 會來我家，當見到他時，佢話想到我家聽下4個protectors喺我嘅系統効果如何，其實有小小抗拒，但心諗都應該會買佢嘅EMl protector，上來睇睇都好，順便可睇下仲有冇需要fine tune，我就答應咗佢；跟著佢再加多句，你要我帶咩cables上來，心諗大件事，今次一定又多一樣嘢心思思，但我同佢講話唔使，佢話試試啦，真係唔同感覺，佢講咗一堆缐出來，只有balance最易換，所以當日佢就攞咗對Ref 3000 2M XLR同 EMI protector上我家。

見到對Ref 3000後其實都幾興奮，因為真係幾靚，最更要一定要白色，因為話好聲啲。

正式開始，先只用原來嘅4個 protectors, Michael 先播一些自己帶來嘅音効碟，在場嘅兩位朋友都嘩嘩聲叫！

插入Ref 3000 XLR, Michael 再試之前音効碟，我地三個大鄉里再嘩！嘩！嘩！嘩！嘩！聲。呢條咩缐黎架！從未試過有呢種觸電感覺，太恐怖！真係唔識用數字形容提升幾多！真係好誇張！Michael 再播幾首歌，真係令我地見識到真鋼琴聲、真小提琴等(以我現在系統的感覺)。

Michael 試完幾首歌後，到聽自己碟時間，就用了我地經常試嘅UHQCD reference sampler，第一首＂點指兵兵＂，開頭結他聲感覺係好了小小，但唔係好誇張果種感覺，直到鼓聲跟其它楽器一齊響起時，感覺到場面大咗，樂器分離感覺比較強，不過不代表我覺得首歌好滿意。第二首＂春光花月夜＂頭段的六指琴魔也感受到音符向我彈過來，用兩個grid protectors時也試過有類似感覺，而聽到第51秒時出果陣低頻是我聽過系統中最好聲嘅一次。(當然我聽其它系統嘅經驗都唔係好多）在場三個大鄉里都又嘩咗幾聲，啲低音真係可下潛到每一個角落，而且好從容，實在大開心。第三首＂出嫁＂聽完第一下鼓聲停咗幾秒，再一下鼓，俾佢嚇一嚇，因為背景太靜，而且感受到鼓皮嘅振動向我面上吹過來，而且好大啊！太誇張喇，邊有人信。

再跟住插隻EMl protector,當5隻protectors再加對 Ref 3000真係進入咗一個大和諧嘅景界，真係播乜歌都好好聽，跟本唔識用數字形容提升咗幾多，完全未試過有呢種感覺。開心嘅時候真係過得特別快，又係時候講bye bye。真係好唔捨得甩返兩件嘢出來。我好失落啊！當我插返自己舊果對XLR落自已部後，再開返套機聽，相信無5分鐘，我就熄咗部機。

過咗幾日，當時Michael仲未走，我膽粗粗上咗佢住嘅洒店，問佢可唔可以留低對XLR俾我，好開心佢答應咗。所以現在已被我私有化。雖然我已經用緊，不過我仲未捨得拆開個袋。

Skycam

Upload photos

racewong

Skycam 發表於 2017-1-28 00:09
Upload photos

有無訂埋個cable protecter?

Skycam

racewong 發表於 2017-1-28 00:30
有無訂埋個cable protecter?

一步一步啦 要玩晒佢啲嘢仲有好長嘅路 不過真係一件比一件興奮！

racewong

Skycam 發表於 2017-1-28 00:39
一步一步啦 要玩晒佢啲嘢仲有好長嘅路 不過真係一件比一件興奮！ ...

睇住你班友仔中毒, 我都好開心

Skycam

racewong 發表於 2017-1-28 00:47
睇住你班友仔中毒, 我都好開心

槍王版主，問聲望借對返嚟試下啦！可能你仲需要解藥多過我

racewong

Skycam 發表於 2017-1-28 00:53
槍王版主，問聲望借對返嚟試下啦！可能你仲需要解藥多過我

我唔敢借, 因為知道實會中毒

tst123

恭喜師兄入手 Ref 3000，大家都係 Ref 3000 用家，條 SC 效果都好得人驚，相信入手係時間問題

Wing1238

Ching,原來你是上聲望分享既Ching，唔覺唔覺你已是《善掠錢呀》大放毒家，恭喜恭喜又升級又有靚聲

Skycam

tst123 發表於 2017-1-28 09:37
恭喜師兄入手 Ref 3000，大家都係 Ref 3000 用家，條 SC 效果都好得人驚，相信入手係時間問題 ...

tst123兄，佢嘅缐真係唔可以用以往聽嘢嘅方向去估計缐材對系統嘅提升，用完後就明白佢嘅提升真係幾嚇人 你都快D試下佢D protector啦！一樣好驚喜㗎！

Skycam

Wing1238 發表於 2017-1-28 10:43
Ching,原來你是上聲望分享既Ching，唔覺唔覺你已是《善掠錢呀》大放毒家，恭喜恭喜又升級又有靚聲 ...

係啊 當時我都只係用protectors, 就係見完Michael就俾佢引我試咗呢對缐囉

Hungmo

呢個牌子真係好似撞邪咁
不過D產品又真係好神奇好掂

Changsan

Skycam 發表於 2017-1-28 23:47
係啊 當時我都只係用protectors, 就係見完Michael就俾佢引我試咗呢對缐囉  ...

恭喜您!恭喜您...買屋買田又買地.....

Skycam

Hungmo 發表於 2017-1-29 00:04
呢個牌子真係好似撞邪咁
不過D產品又真係好神奇好掂

Hungmo兄，絕對唔係撞嘢咁，佢係會俾你聽到真嘅感覺，係帶你行正路 都係果句，無心換嘢，唔好試

Skycam

Changsan 發表於 2017-1-29 01:16
恭喜您!恭喜您...買屋買田又買地.....

Changsan兄，係就好 玩咗之後可以買田買地，我絕對唔介意入全套

Thmok

Michael 說的Schnerzinger cable 或protector 好powerful, 但合作就會火山爆發, poom!!!

boys456

racewong 發表於 2017-1-28 01:38
我唔敢借, 因為知道實會中毒

槍王中毒...我地就等你report..

tjausw

Schnerzinger 產品的 特點就是超高速超寬頻率。等於你有條頂級賽車跑道，不論 你部係超級跑車或豪華汽車，或者係三輪車，甚至係單車都好，都能夠令你本身的極限表現在重播中完全發揮出嚟！

所以有啲師兄home demo後話自己hifi間房仔變成籃球場,但唔係AV amp做假加雞粉味精啲幻象

Skycam

tjausw 發表於 2017-1-30 12:08
Schnerzinger 產品的 特點就是超高速超寬頻率。等於你有條頂級賽車跑道，不論 你部係超級跑車{:5_ ...

我架單車都在極速行駛中

Changsan

試左或用緊的開心share,
單車快過私家車...
寶藥黨....