本帖最後由 Hungmo 於 2017-7-24 15:22 編輯
先講吓故仔先
大家如果有留意小弟應該會知道, 小弟之前長居北京, 舊年年尾回歸香港
北京居住環景同香港有好大差別, 當然北京居住面積比香港大三倍, layout亦係發燒友夢寐以求的, 套機點擺都好聲
返到香港間屋只有原來1/3, 仲要係鑽石型, 對我呢D入門散仔嚟講確係好大挑戰
但係原來忽略咗最重要一環 ----- 電!
係香港, 成套機升咗一輪, 發覺唔好聲, 初時認為係喇叭擺位同屋型大細問題. 後來發覺原來係電
北京我住新樓, 大概每棟大廈15層, 一層2個單位 (即大概30伙每棟樓), 配電超足;
香港住私人屋苑, 住宅區, 大廈31層, 一層8個單位 (即大概248伙)
30 vs 248.... 可想而知..... 係香港着機就知究竟多唔多人返屋企. 或者要聽歌都要10pm後會好D
原本用Isol-8 Minisub 2
其實都唔係新型號, 但係都幾好用, 用後明顯靜咗. 不過淨濾波解決唔到我問題, 都係人多電差時發揮唔到....
跟住開始留意隔離牛, 因為地方問題, 擺得落諗過中村N200mkII同PS Powerplant P5. 諗諗吓時馬Sir放post出新款隔離牛
中村N200 mkII原本係心水, 但係只有4個位略嫌唔夠用. P5着實唔捨得...
馬Sir隻牛牛又真隔離,又平衡式,又有隔直,仲有防地環,1000VA fit我套機.... 仲要fit我荷包.... 一於去馬
終於講到入正題....
我本人比較喜愛銅插座, 尤其以前用Oyaide R0插座非常滿意, 所以我游說馬Sir幫我做隻custom, 等咗3個禮拜, 終於到手!
Show吓個靚仔樣先:-
插座部份係我custom, 選用Oyaide R0純銅插座, 所以會同其他師兄隻牛會有分別
重新走線開機
面板藍燈可着可熄
我套小學雞setup, 執完都幾靚仔
開機立即發覺好靜, 底燥少咗好多.... 頭兩日除咗靜咗, 聲仲係比較緊同唔太開揚
咁鬼大隻EI牛, 緊係要煲返一排先會有料到
本人多數聽Jazz同流行曲, 測試以CD同CAS, 以下幾隻碟為主:-
CD部份
Jazz at Pawnshop大家屋企必備, 唔駛多介紹
點指泰迪羅賓呢隻碟錄音確實好好
CAS部份
呢隻Opus 3 mastering, 現場一樣
試機必備2015
喪煲咗一個禮拜左右, 成隻EI牛變左安格斯牛! 真係好大分別
可能因為有隔DC同地環, 加上平衡式隔離牛, 真係靜如深海. 背景一靜, 分析力就高咗, 連帶音場定位都好咗
聽兩隻pawnshop好明顯現場感足咗好多, 背景聽多咗好多觀眾雜聲亦變得清析
音場感覺無大到, 但係深度會有進步
電處隔離牛最怕cut頻, 試吓隻<春江花月夜>同Double bass<What a wonderful world>
肯定無cut頻, 下潛同線條仲好咗D
試泰迪就仲係爭DD
換電處當然要換埋粒屎! 將原本我用係Isol-8條ip4-8000落返隻牛牛度, 搵啱個方向再開聲
安格斯牛變咗神戶牛
今次換屎提升好大吓, 估唔到隻牛對屎咁敏感
老土D講句, 揭開層紗, 高音去盡D, 音場定位再好D
試返隻泰迪, 真實感好強 , 唔經唔覺就聽完成隻碟
直頭打同任督二脈咁! 如果用呢隻牛一定換埋條屎. 我諗條WA Quantum fuse都會幾夾隻牛
用咗隻牛真係唔駛睇住個鐘聽歌, 而家鍾意幾時聽就幾時聽
係香港地玩兩聲道真係要玩埋隻隔離牛, 唔係套機幾難發揮好
雖然我唔鍾意用"性價比"嚟形容product, 不過今次呢隻牛牛真係性價比王!
本人非商家同寫手, 唔啱聽就住嚟小我, 問價錢自己問馬Sir
用咗3個月,日日都聽嘅2-3個鐘的話牛牛大概雖要1.5個月煲透 (11/7/2017 updated) |