2018 大喜悦!!!
機緣巧合,讓我夢想成真了。
最初接觸Kondo, 是從爬文開始, 我嘅第一次體驗,係有買貴無買錯嘅sps2.7喇叭線,那份高中音的甜美,表達出嘅細緻,絕對被它深深吸引,也令到我對這個品牌投下信心一票。緣份從不知不覺中開始了!
2017年,身痕開始要upgrade器材。之前玩開金仔,相信好多人同我一樣,點都要打大佬去金仔前後,心中都已經選定C2850+A70,只是時間問題。
緣(一) : Upgrade由喇叭開始,因種種原因,我心儀啲喇叭只有banana plug, 由於我嘅sps係pin, 曾想過改pin去banana, 緣份讓我認識了這位kondo師兄,傾傾吓,佢叫我點都要試吓部Kondo合拼先再決定, 會令我hifi之路昇華去另一個境界。(明明傾緊喇叭同線,唔知點解會講咗去amp?) 要多謝呢位師兄,埋下伏線令我同Kondo再遇。(定係怪佢毒我昇仙!?) 我之後都check過代理,佢話無貨。訂要幾個月至半年,但都唔肯定。事情便告一段落了。
緣(二) : 某天年尾無聊,office同事又放哂假,一個人去咗中環行一轉,諗住運吉去聽吓CH或傻佬信,陰差陽錯下比我遇到Kondo Overture,心情既緊張又興奮咁立即開嚟聽聽。一開機,oh no! 深深中毒加上這份緣份,結果當然係直接屋企見啦。
部Kondo嚟到屋企時,一開聲......感動了!! D聲比喺代理聽時更吸引,人聲嘅感情,背景嘅寧静,音埸嘅深闊,高中音嘅甜美,樂器嘅細緻,重來無諗過係屋企能夠擁有咁完美嘅聲音......真係好幸運可以遇見和擁有佢。現時唯一可以挑剔嘅,係低音有D緊和彈,相信要花D時間煲吓條銀電源先。
現在每晚都攞番之前聽過嘅cd重新enjoy一次,煲機已經變成享受,期待着聲音每天嘅變化。Kondo 真是令人又愛又恨,當你想買時又未必有貨,要訂時又不知何時才起貨。2018年,我成為了幸運兒....夢想终於成真了!
|