1/3 [升級背景]Swisscables Reference One / Ultra RCA訊號線

secondlau

升級背景
一年來，小弟新添置兩部機，一是EAR 324唱放，二是T+A DAC 200解碼前級，兩部機的來臨，「解脫」了一直使用緊全部數碼+模擬功能的麥景圖MA7200。使得前後級真正分開，CAS同黑膠兩個系統又相對獨立。

既然功能分開，優質部件自然要增加，唱放同T+A之間需要一條靚線，暫時用雲吞河THE NAME 訊號線用作連接；T+A與MA 7200又需要一條靚線，暫時用Audience OHNO作為連接。作為幾千元上下檔次的線材，彼此協作都算不過不失，黑膠經唱放播放相對老麥的內建唱放而言各方面有大進步，但好快又覺得平淡而缺少美感，前後級之間相對滿意，T+A的特色同老麥混合，分析力提升好多，又有老麥大推力伺候喇叭，本來應該滿意，但又覺得太勁偏硬少少，特別喇叭欠缺位置騰挪顯得中低頻雖不肥厚，但過重。數月間，嘗試更換手頭不同的電源線同訊號線，依然難以調教到合適的風格，電源線最終確定為兩條手頭用緊的Cardas Golden Reference，一條供EAR 324唱放，一條供T+A DAC200，兩者視為音源而言，夠水潤、夠分析也夠耐聽。承接多年的聽感習慣，非常滿意。於是，目光開始鎖定在更換兩條訊號線上。
音響盛會之前便發帖在Hiendy群組入面，起初只是嘗試就T+A夾老麥之間的訊號線作出諮詢，收到亞賓嘅答覆叫我不如試下Swisscables，係㖞！早幾年都有聽朋友提過Swisscables的電源線令他的音源進步好大。不如真就試下。後面經歷過香港音響盛會，被邀請作為大會攝影師的其中，得以有機會提前行遍、拍攝每一間代理商嘅房間，發現絃聲音響就代理緊Swisscables。近睇，線身設計低調又有韻味，木料同編織線同體，好特別咁樣。心中開始「種草」。
目標及預算
經過幾日網上調查與二手市場比較，發覺Swisscables無咩二手貨，燒友少換線的慾望是否表明條線耐聽兼堪用？望住自己套唱放同新解碼前級，心生幾個訴求及目標：
1、我想有潤澤的中高頻表現，想成個聲場變得華麗少少；
2、低頻要有控制力，最好有減肥效果同時有質感；
3、聲場要立體自然；
4、最重要一點：線材最好有抗噪特性，由於我音響櫃同後牆空間限制，條RCA線不由自主地要同條電源線貼住平行走線，電源干擾噪音在黑膠系統中已可耳聞（試過將Audience OHNO有特氟龍材質的RCA接駁上，好靜），所以現在要升級的線材屏蔽要夠好。

接下篇

racewong

好文彩!

bigpun1975

冇介紹錯呢？