Vovox Textura

一休大師

      Vovox哩只品牌，系短時間裏面，突然人氣急升，空穴來風未必無因，小弟亦迫不及待，引進佢既專業系列sonorus來試下，果然冇令我失望，千零蚊野，有咁既整體質素，令小弟非常拜服。更令小弟非常有興趣測試佢既hifi旗艦系列。好彩，剛好朋友借出兩對平衡線，及一條喇叭線，俾我試試。真系奉勸各位，唔好亂識朋友，好易會死架！！

     我地測試既時候，首先系一次過換曬Textura落去，包括兩對平衡線，及一條喇叭線，其實我自己系想逐條換落去既，咁樣可以清楚佢既改變，但由於線材系我朋友的，而且佢亦好心急想知道條線會系點，所以最終一次過換曬落去。我地首先測試既CD系Michael Rabin既帕格尼尼--Violin Cocerto No 1，開聲既感覺就系非常聚焦，密度亦好高，所有細節都聽得非常之清楚，木感又夠，非常之靚，好似要乜有乜咁，尤其是D轉彎位，少D定力都即時俾錢。到後面齊奏既時候，場面咁非常之淡定，真系想搵一個亂既位都幾難，齊齊整整話曬所有野俾你聽，仲要簡單完成，死未？由於條線真系非常之靜，細節自然聽得非常清楚，非常華麗。跟手我朋友就話試下人聲，隨即系地下執到一隻EVA Cassidy《Live at blues alley》來試試，eva一開聲，感情十足，嘴型清晰，玲瓏浮凸，堅到震！套爵士鼓系後面又系清晰到想死，個樣樂器既結像定位都非常清楚。但惟獨中段的一句呐喊即時可感受到，稍有壓制之嫌，未能盡表激情之感。咁令小弟靈機一觸，會否奔放度有所壓制呢？於是即時提起NILS Lofgren哩只吉他天碟來試試，果然不出所料，低頻擴散度同埋彈奏既激情系有所遞減，當然其他野都做得十分之好，跟手我梗系唔執輸，拿翻只《鱒魚》來試試啦，睇下夠唔夠活潑，咁基本上都OK既，但如果同Sommer既Excelsior比較之下，才會發現佢既奔放度會有所不足。需知道如果用Excelsior聽Martha Argerich既鋼琴，你可以感受到佢既指力，應該可以近乎把琴鍵按壞！相對如果用Textura可能哩種感覺就唔會咁強烈啦。咁之後我地成晚既測試就用唔同既曲目去試下，發覺基本上哩條Textura都系非常之厲害既，只系唯一有一個缺點，就系有D唔夠放，然後我地再進行測試，先撥奏喇叭線先，換回OCOS落去聽聽，hifi真系最忌A.B比較，一換回OCOS之後，空間感即時大增，穿頂的感覺即時翻來，而放既程度亦即時改善，無奈質感密度，又輸翻俾Textura，之後將前--後級的信號線換回Excelsior，其實結果大體上都系一樣，奔放度加強左，但質感密度又輸翻，最後我地決定將Textura擺系前--後級，而Excelsior就放翻系DAC--前級，喇叭線照用翻OCOS，得到既感覺系奔放度回覆正常，而質感密度亦可作出一個平衡點。由此可見其實線材既配搭，同機器既配合系真系好緊要噶。隨著個人既口味，都會有不同既配搭結果，不能一概而論，至於Textura哩條線，坦白講，俾我感覺真系好高分，除左一個缺點，就系有D唔夠放，其他位都冇乜嘢可以挑剔佢。當然，要食好野梗系要俾錢啦，基本上行貨既1M都要萬幾蚊，如果價錢唔系問題既話，咁哩條線系真系值得考慮！配搭上，我覺得部機只要夠放，就冇乜大問題，可以循著需要來遞增或遞減佢。當然部機既質素要有翻咁上下先可以發揮到佢既功效啦！！

測試器材如下：
Accustic Arts Drive II
Accustic Arts Tube-DAC II se(JJ ECC803s)
Accustic Arts Pre I-mk3
Accustic Arts Amp III
Franco Serblin Accordo

Transport to DAC : Analysis Plus Digital Oval     DAC to Pre : Sommer Excelsior/Vovox Textura     Pre to Amp : Sommer Excelsior/Vovox Textura     Amp to Speaker : Ocos Pro/Vovox Textura     Full stock power cable

htc777

我覺得唔夠放即其實音符起伏、對比不足。
其實係一大缺点！至於密度同厚度係兩個概念，切勿混淆！

一休大師

htc777 發表於 2012-5-19 00:39
我覺得唔夠放即其實音符起伏、對比不足。
其實係一大缺点！至於密度同厚度係兩個概念，切勿混淆！ ...

多謝師兄指點

eosteven

用左vovox d質感,細節真係放晒出黎, 音場都好雄偉, 低音有氣量
大師講唔夠放, 可能係佢表達高音唔係華麗,柔順,或奔放, 佢係淡淡定定表現應有細節.
唔會有過份空間分隔,不過有齊layer變化.

小弟用緊Textura PC插Bluray機, Textura XLR由CD過AMP

CeLicA

真係要夾機先得,Vovox textura條balance係唔多夠活力,感覺似係一個老練o既Sushi C fu.

ckw3031

我覺得用vovox textura好特別，你套機有幾多，佢就出到幾多比你。喺微動態、速度、感情、自然度等非常好。
此外，我覺得夠唔夠放就睇你自己用乜角度去睇，係欣賞音樂，定係欣賞音效。
如大師今次試線時能用埋vocalis digital，可能你有另一番睇會。
我就瀨咗嘢了，入了條digital, IC, SC, jumper。

chowhwk

ckw3031 發表於 2012-5-19 06:01
我覺得用vovox textura好特別，你套機有幾多，佢就出到幾多比你。喺微動態、速度、感情、自然度等非常好。
...

最近這牌子線材許多朋友都談到，價錢是越來越貴了。

三文魚腩

VOVOX 真係唔錯！但係平面D，高低撐得唔係好儘！但係自然的聲。

ckw3031

三文魚腩 發表於 2012-5-19 06:29
VOVOX 真係唔錯！但係平面D，高低撐得唔係好儘！但係自然的聲。

所以我咪話係用聽音效，定係用聽音樂的角度去評vovox，vovox不會比到誇張的音效的。

ckw3031

chowhwk 發表於 2012-5-19 06:24
最近這牌子線材許多朋友都談到，價錢是越來越貴了。

其實不只vovox，好多品牌也越來越貴。

htc777

ckw3031 發表於 2012-5-19 07:02
所以我咪話係用聽音效，定係用聽音樂的角度去評vovox，vovox不會比到誇張的音效的。 ...

音效同音樂並不悬對立的，當然會有有音效無音樂既情況、但hi end就要兩者兼備、
所謂音效如最簡單例子你所聽到既長闊高深，你估係套机同線俾你咩？其實最根本都係錄音師做出黎姐、還原返出黎係可以話係客觀要求。

april

simply if your match up (equipnment & speaker) cannot produce what u expect, vovox won't add it for u. Probably not as the same as the other HIFI brand with signature style.

it just present music in a better condition with better dynamics, texture, density. For tonal balance, it won't affect too much. Still speaker and equipnment dominate.

ckw3031

april 發表於 2012-5-19 07:45
simply if your match up (equipnment & speaker) cannot produce what u expect, vovox won't add it for  ...

My view is same as u.

racewong

這個牌子, 我只係鍾意佢條PC.

真係比到萬元級既質數.

htc777

eosteven 發表於 2012-5-19 01:49
用左vovox d質感,細節真係放晒出黎, 音場都好雄偉, 低音有氣量
大師講唔夠放, 可能係佢表達高音唔係華麗,柔 ...

绝無針對牌子，不過我記得音響名宿鄺大俠講過，首先要搞掂可以客觀評價既元素後，先再講音色、味道。
但好明顯話聽到空間感细左，鍊住左，但又話好正。

CeLicA

htc777 發表於 2012-5-19 12:13
绝無針對牌子，不過我記得音響名宿鄺大俠講過，首先要搞掂可以客觀評價既元素後，先再講音色、味道。
但 ...

認同,
用左Textura音牆,高頻明顯減少,換泥質感濃郁所以聲音更突出.
要乜野就自己選擇la.

mahi

大师听讲textura有分shielded和unshielded,会不会是你试左屏蔽版所以有压缩感？

dunce

空間感唔係話不斷大就最好, 凡事都要顧慮埋其他元素, 找出適當既比例. 之前有個網友叫我去聽套TUBE AMP, 聽落去空間感係好大, 但所有樂器, 人聲, 所有比例亦都全部放大晒. 其次空間感大, 有時係因為D野鬆散左, 所以當一休大師兄換番條OCOS, 空間感大, 密度自然會差左, D質就弱左, 我估當時線條都會差左.
人人口味唔同, 所以一休大師兄去運用線材既特性以去達到自己既要求, 並從空間感, 質感, DETAIL從中取捨, 我覺得咁幾好呀.

AS881

三文魚腩 發表於 2012-5-19 06:29
VOVOX 真係唔錯！但係平面D，高低撐得唔係好儘！但係自然的聲。

唔係呱?

JSL

不少使用vovox產品的師兄對音樂／音響的看法都很相似
小弟也是用家，覺得是一個很有趣的現象