Hiendy 兩週年大革新 (二)

wingchow

繼續兩週年大革新消息。為左令到Hiendy網站更加有趣味性，我地會作出多項改動，希望令到網站整體能夠發揮更大既功效，等大家更加容易接觸到音響最新資訊。另一方面；之前提及既試聽會及兩週年晚飯日子都差不多定好，希望大家踴躍參加。我地希望可以提供不同既試聽會比大家，而只要大家多參與，代理們就會積極同Hiendy合作搞更加多既節目。Hiendy亦希望透過呢類試聽會，等更加多人認識音響，擴闊香港人對Hifi既興趣度，呢個亦都係我地開網以黎一直想做既野，所以多得代理及發燒友既支持，我地可以搞更加多既節目。


1. 走向視像
我地現正與不同代理、人士合作，以視像形式介紹音響，講解心得。將最複雜既情況用畫面、聲音傳播比大家，等大家知道玩音響都唔係一件難事。代理亦都可以透過Hiendy既視頻，將佢地既產品介紹、設定及用法以簡單易明既方法推介比大家。而我地亦都會盡量加插視像係不同既家訪, 試機報告. 令到網站更加生動.

Ken Sir分享使用MEN220的心得
http://www.hiendy.com/hififorum/ ... hread&tid=36993





2.  新區及新版主 - 汽車及汽車音響討論區
多得大家既意見，令到Hiendy有更多新諗頭。我地開設了新區"汽車及汽車音響討論區"，顧名思義，呢區係討論汽車同汽車音響組合。有留意汽車音響既朋友都知，汽車音響可以去到非常Hi-end，亦可以一部車機，全功能做晒，千變萬化。新款產品既數量絕不少於一搬家庭影音，所以Hiendy希望提供多一個討論區，比大家討論些有關汽車音響既資訊，大家亦都可以係呢區討論任何與車有關既話題，我地亦請到 kelvinchow8 幫手做該區版主，Kelvin不但對車機非常熟悉，亦都熱心網上討論，希望大家都可以熱鬧參與討論，等我地有信心繼續開拓更加多唔同既音響討論區。

http://www.hiendy.com/hififorum/ ... mdisplay&fid=65





3. Meridian x Land Rover - 兩聲道 x 汽車音響試聽會
為左隆重其事汽車及汽車音響討論區既成立，Hiendy亦都作出新嘗試，我地會在7月20日(星期五)晚上係Land Rover汽車Show room舉辦一場Meridian 既兩聲道和汽車音響試聽會，當日大家除左可以聽到Meridian 最新既兩聲度產品外，亦都可以走進裝滿了過十萬Meridian 汽車音響的Land Rover入面，親身感受下箇中威力。





4. Meridian 官方討論區
承接Meridian 汽車音響鑒賞會. 我地會開設Meridian 官方討論區. 會由hifi Gallery Ken sir主理. 為大家介紹更加多Meridian的產品及回答各位查詢.

pinkhung

好想去

Hintel

curtis9797

SmallEar

C 版主

metropolis

正! 愈黎愈多野玩

kelvinchow8

Hiendy越黍越精彩 !

Fayefei

太多字, 睇5哂天....
噯患有閱毒障礙架.....

Hintel

如果有jl 汽車音響試聽會

幾時兩週年晚宴ar

south123

GOOD!!!

古晶

好正 就算冇時間去都支遲下

VW.R36

正