前言~
我一直玩既線材機乎全部都係大廠既線材, NORDOST , SILTECH, CARDAS, TRANSPARENT, SHUNYATA, STEALTH等等, 原因無他, 就係因為我自己爛玩, 成日換線材, 所以玩大廠線起碼有二手保障, 就算UPGRADE都所費無幾.
當然, 我玩線除左二手價這重要因素外, 其次就係佢地既廠既規模, 造線既技術, 背景, 方面都係我既考慮因素.
在香港唔HIT既線材, 我都試好多都好有質數, 但礙於二手價既考慮, 最終都無入手!
今次我真的敗了, 我敗在一條現於2013年尾本屬寂寂無名, 但我絕對相信在不久兩三年間, 可以一鳴驚人的全新牌子身上.
品牌介紹~
在這世代, 高級音響越黎越難做, 好多歷史悠久既代理都叫苦連天.
但最近, 竟然比我發現到一間由香港人開辦既新品牌 - GURU ACOUSTICS. 陳列室及工房都設於香港荔枝角工廈. (遲D有時間, 再詳細介紹一下佢地間公司有咩玩)
佢地仲自家設計了一系列既線材, 取名GURU CABLE, 當中, 有四個級別, 分別係 - (入門級)既聽 / 賞 / 樂 / 極 (仲係研發緊).
線材類別, 共有RCA, XLR, POWER CORD, SPEAKER CABLE. 唔知遲D會唔會有JUMPER出售呢?!
由於我對STEALTH METACARBON本已十分有料到 , 所以我一試就試GURU既二佬XLR ~ 樂.
曾經, 我自認為我依家套線材配搭, 在同價位上, 已幾近無敵.
ARC + BRYSTON算係中性無偏聲, 3.7屏風屬於偏快聲偏通清.
但這組合既問題係唔夠厚度, 唔夠水份. 所以我既用左KONDO SPZ喇叭線, CARDAS CLEAR XLR去補充水份. 至於CDP去前級果對IC, 我就意向就係要在二手價兩萬元內, 選擇最高清, 最通透既XLR. 搵左好耐, 終於都比我搵到對STEALTH METACARBON XLR, 佢既性格已無需多講, 之前有幾個POST都有介紹到METACARBON既優點了.
一直到依家, 我都仲係用緊依對METACARBON XLR, 一直都好滿意! 最欣賞佢既分析力, 微動態, 真係超高班.
心諗, 這價位內既IC, 如以分析力, 微動態, 應該無邊條可以贏到佢.
這諗法一直去到我遇上本文主角GURU [樂]
印上GURU品牌既大紙袋, 內有一個大分豪華精美既皮盒, 再入面就有張證書及一個絨布袋, 袋入面先見到本文既主角.
我買線咁耐, 都未見過咁豪華既包裝.
先講下依對線既外觀, 純白線身配上白線網, 插頭使用X-SHADOW頂級XLR, 加上沙金色航空級鋁材屏蔽外殼, 線身中央使用沙金金屬環調聲, 金屬環上, 除印有GURU CABLE既品牌外, 仲有型號 - [樂]
而身芯使用了多種不同直徑的單銀獨立屏蔽組合成的。.
我自己就好鍾意GURU這以白襯沙金既設計, 單看這線身外觀, 加埋包裝, 這GURU CABLE一開始已取了我的歡心了.
當然, 最緊要就係佢既聲音表現啦, 比你扮到靚一靚, 但原來平平無奇, 咁我一定唔會寫咁大篇野推介比各網友啦.
未玩依對線之前, 我聽過兩三個前輩都經提及過這對GURU CABLE極為驚喜. 所以拎左返屋企後, 立即將原來既METACARBON XLR換左對GURU.
初步試聽, EEE...好滑喎! 中頻水份好高! 唔錯喎.
(話說我試線有個壞習慣, 一駁部機聽左唔夠2首歌(人聽小品+古典), 如果聽感上差過我之前用開既線, 我會毫不考慮咁甩番佢出地, 用煲線機煲多佢兩日先再試真, 煲後如果表現都未如理想, 我會好快就還番比代理.)
結果, 這對GURU一插就插左成個星期, 我都未有甩線既衝動.
點解我要等一星期? 主要因為這線是全新未煲, 所以一來想煲吓佢, 睇下佢仲有幾多潛力可以發揮. 二來以全新線材黎講, 佢既表現已令我驚喜萬分, 她沒有新線既[緊],[乾], 反而給我一種暖和, 有水份, 鬆容既聽感. 配搭喺我依家套屏風, 更能針對性提升中頻厚度與質感.
好肋! 終於一煲, 就煲左兩個幾星期, 直到有日, 有兩位前輩級高高手收到風, 我拎左對GURU CABLE, 佢地二話不說就衝左上黎, 係都要比較一下METACARBON與GURU CABLE既分別. 當日試既曲目, 就係
詳情我就唔打咁多肋, 比個TABLE你地參考下啦. (註: 這TABLE只係使用在屏風上的表現)
在這圖表中的 [音效] 方面, STEALTH雖然佔有著明顯優勢, 但實情GURU每項都只係以點數[輸小小].
但在音樂感與連貫性, GURU則以大比數拋離STEALTH.
喺我套ARC + BRYSTON + MAGNEPAN既組合下, GURU明顯更適合我. 她正正補充左BRYSTON+屏風既弱項. 但單單擁有中厚水份, 並不足以滿足我依家既要求, GURU除左強於中低頻既水份, 佢既高頻係偏向纖細柔美, 而低頻量感極為豐滿, 低頻既分析力更加係層次分明. 總括黎講, 這GURU有著極高級的平衡度.
這令我對這對GURU更有興趣去PK再高級既線材.
比拼既線材當中不乏現今最HIT既三萬元級別與及最頂級既十萬元級別線材, GURU CABLE都能保持著贏多輸少既情況下, 以十分合理既價位, 起碼有八成最頂級既線材既功力.
這結果, 攪到我個銀包又唔見兩萬一蚊...
後話~
認識得我耐既老友, 都知我買野玩既先決條件係 ~ 二手價. 作為打工仔既我, 天價線材就試唔少, 但最慘就係買唔起.
今次這GURU ACOUSTICS雖然係本地品牌, 但佢真係比到我極大驚喜, 這令我決定對這品牌押下重注. (二萬一蚊對我黎講, 的確係超級重注了 ). 加上在前文都有提及過我對這品牌極有信心. 所以先破例以[表現]為優先考慮條件.
在2013這年頭, 我推介既線材其實唔多, 在兩萬元上下既級別中, GURU可以講話係最為值得推介的一對平衡線了.
~完~ |
IP卡
狗仔卡
發表於 2013-11-26 23:35:56
提升卡
置頂卡
沉默卡
喧囂卡
變色卡
顯身卡
發表於 2013-11-26 23:42:42
好嘢
