兩年前, 因為有朋友中左屏風毒, 間接令我有機會試到一套CARY膽機推細屏風既滋味. 當時我對這套美國老牌膽機的評論係五個字 - 雄厚的甜美.
[官方測試報告] racewong REPORT ~ Cary SLP-05 & CAD-120S
講到甜美, 我諗大部份的發燒友都會有深深體會. 我的意思是, 甜美的聲音, 最容易吸引到初燒者的注目.
在我認識的初燒友, 最初的要求是一把甜到可以一聽毒死人的女聲. 他們PM我問我推介時, 我第一時間就會諗起CARY膽機, 之後就係PROAC 1SC+FDII腳架.
無錯! 我自己的初燒經驗就正正被這組合毒死了. 我好記得毒死我果只碟係EVA姐既LIVE AT BLUES ALLEY第九首Autumn Leaves.
CARY的甜美, 加上膽機的空氣感! 當時的我, 真係第一次感受到HIFI的誘惑. 當然 對於當時仲係初哥既我, 點敢踏進膽機世界丫, 何妨初燒期間都無諗過玩咁貴既器材, 唔好話套CARY膽機, 就是PROAC 1SC+FDII對我來說, 都是高不可攀的喇叭器材.
結果, 買唔起CARY+PROAC, 唯有就買套舊金仔+EPOS, 開始了我的開心初燒旅程.
由日本既ACCUPHASE, 到瑞士既GOLDMUND, 最後到依家既ARC+BRYSTON, 習慣不停換機既我, 身痕病又係時侯發作. 講過秘密比你知, 我用這套ARC+BRYSTON+MAGGIE已超過兩年, 又係時侯要大洗牌了.
我最近都睇番自己在HIENDY既REPORT, 當中我對膽機尤其有興趣, 目標有CARY, OCTAVE, AIRTIGHT. 當然如果遲D可以向德哥借到套VTL或WAVESTREAM就更加完美啦.
第一目標就係CDP先, 最近豬賓餅主, 百事佬依兩條友仔想入膠門, 我就反而想IN D, 想學下玩CAS. 本來ARC既CD9係我既頭號目標, 但既然想大洗牌, 我就唔會玩番ARC了. 睇睇下睇到CARY DMC600SE這部DIGITAL MUSIC CENTER. CDP加上多功能數碼輸入輸出, 仲有得玩CLOCK.
以CARY之前既303, 306等等超高CP值既SACDP, 我諗都唔駛諗就打個電話比代理SEND部過黎比我試試這部最新既DMC有咩威力, 可否延續303的神話.
到步後既DMC600SE竟然係全新機, 又有得開箱過下開箱引. 我地先去相片先.
今次SEND比我試既機身係全黑誘惑, 面板上差唔多將所有功能制都可以按到, 由最左邊既電源制開始, 膽輸出, CLOCK輸入, 獨家升頻按扭都放在最左手邊, 而右手邊就係好多數碼輸入的選擇制. 清楚易用.
尤於我暫時未有玩CAS, 所以今次我只係測試部DMC600SE既CD部份.
我地先睇睇佢既SPEC.
http://www.caryaudio.com/products/dmc-600se-digital-music-center/
新機開聲其實都係硬聲.好在佢有膽輸出, 開左膽輸出後的一小時, 聲音終於聽得入耳. 我立即拎左只最近好HIT既香港女歌手- 吳若希 [越難越愛精選], 入落部DMC600SE度. 一聽當然係聽最HIT既越難越愛啦, 聽完一首歌, 部DMC600SE比我既初步聽感係 ---- 人聲好立體, 全頻線條好靚. 人聲既微動態比我用緊既CD8仲要好一班. 以一部新開箱既機黎講, 性價比已超出了我對佢既期望. 所以這部DMC600SE就咁擺喺我個SOLIDSTEEL架上兩個星期. 你地無睇錯, 我決定用兩個星期黎煲練這部CARY DMC600SE. 睇下佢可唔可以令我有換機既衝動.
喺這兩星期的煲練期, 我一隻古典都無聽過, 全部都係聽POP. 唔知點解, 這部CARY就係能夠在人聲上使聽者中毒. 無論男聲女聲. 隻隻碟都好好聽.
好肋, 聽左兩星期人聲, 係時侯開始要認真測試一下這部CARY最新旗艦的能耐了. 我拎左好多古典, JAZZ等等既天碟出黎測試. 聽感係線條好靚, 前後一排排樂器既分隔度都好出色, 我想這部DMC600SE既分隔度實在超出佢既身價. 中頻人聲係一貫CARY的甜美. 這新一代DMC在甜美上, 加了線條美, 即係話有線條得來, 又有水份.
至於低至超低頻段, 佢既表達方式唔係用量感黎形容, 佢係有線條有質感形, 尤其是聽古典時, 低至超低頻段的分折力嚇左我一跳, 我都估唔到這部六萬幾既DMC600SE, 可到做到這超過十萬元級的低頻分析力. 
注: 這評測是開著"TUBE"後的聽感.
當然, 如果你地問我, DMC600SE同ARC CD8有咩分別?
我會答你地, 因為我部前級都係用緊ARC REF5SE, 在配搭上, CD8在溶合感都有一定優勢, 尤其在氣勢方面, CD8明顯略勝. 但如以HIFI音效, 甚麼分隔度, 高低延伸, 線條感, 音場大細方面. DMC600SE就明顯優勝. 我諗這是新世代數碼的"必然"戰果吧.
加上部DMC600SE在數碼輸入上有多款配搭, 這絕對有助我以後學玩CAS.
以街價$62,000這樣吸引的售價, 我諗這部DMC600SE在現今CDP / DAC的市場上有一定的競爭力.
依家, 我成功得到代理許可, 佢地會借出一部DMC600普通版比我地HIENDY元老級以上的會員, 親身體驗一下新世代CARY的美聲. (即係用可借機返屋企試). 有興趣既會員, 即管PM比我安排啦.
|
IP卡
狗仔卡
發表於 2015-2-1 00:41:48
提升卡
置頂卡
沉默卡
喧囂卡
變色卡
顯身卡
發表於 2015-2-1 00:51:04
仲玩唔玩屏風
