由於小弟係一名死窮鬼 又想學人玩金仔,於是草左好耐好耐錢就先夠膽去試聽吓D金味有幾金 , ,開頭試E-470感覺幾高清,音樂感都吾錯,因為預算只能去E-470,但又想再試金仔A類E-600 ,睇吓A類又係點,(聽其他師兄講之前E-560人聲幾甜)由於小弟比較喜歡聽人聲,呢部金仔A類一播我近排比較喜歖嘅李爍-粵聽粵好聽大碟裡面其中一首叫潮紅,部E-600一開聲,就KO左我 ,(因為我一路都係用AV AMP嚟聽歌) ,首歌一開頭嘅結他聲,彈跳力吾錯,粒粒聲都好清楚,到李爍一開聲,人聲厚暖有感情,聽得好舒服,音牆夠闊空氣感都好好.樂器層次感,分離度都吾錯.心諗今次大鑊了 中了金仔A毒 部E-600超哂預算點好呢 跟住記得之前有師兄買過金仔水機,跟住就順便上埋超市問吓,E-600水機要幾錢喇.價錢比行平七千多 .返屋企再考慮左兩個禮拜.日諗夜諗都諗起D金味 足知都係要決定去落訂,等了慢長嘅12日 部機尋日終於可以返屋企. 返到屋企即時插機聽左幾首歌,D聲怪怪的 可能係新機關係..... 但呢個時侯.又要趕住返工,唯有開住機文火煲吓佢先, 到左今日試聽左一大輪,部機開始穩定,D低頻都出翻哂嚟,有返D暗勁 .我對KEF Reference 201/2終於翻生,真係好感動 口水太多.再煲吓部機遲D再出報告俾大家 |