現場聽貝九 "合唱交響曲"

ultramanzero

同聽 HiFi 真係兩回事！唔理咩演繹，咩音色，單論果種感染力已係任何 HiFi 所不能企及！今晚小的都係其中一位比 Standing Ovation 既觀眾，不論指揮，樂團，演唱家及合唱團都落足全力，精彩！ 散場時真有Ｄ衝動明晚聽多次！

diamondblack

聽完現場就會明白家中嘅系統要改善嘅地方。

kl122002

聽多幾次現場之後, 會發覺其實數十萬的hifi都是還原不到現場的臨場感.
所以平平地一套hifi已好ok了.

diamondblack

kl122002 發表於 2015-12-5 06:43
聽多幾次現場之後, 會發覺其實數十萬的hifi都是還原不到現場的臨場感.
所以平平地一套hifi已好ok了.  ...

我唔會咁講，因為好取決於錄音同後期製作。

ccli1996

如果以「貝九」這類大型合唱交響曲目嚟講(我相信聽Orff嘅Carmina Burana都會有一樣感受)，我認為聽現場，除了臨場感外，個種由眾多樂器產生嘅真實音樂聲及合唱人聲所凝造出來，能和諧地(即不吵耳)充滿整個大型音樂廳空間的能量感，係家中HiFi系統(礙於物理限制)難以模擬出來的

新漢陳Sir

diamondblack 發表於 2015-12-5 00:36
聽完現場就會明白家中嘅系統要改善嘅地方。

實況演出是釐定器材整體表現的唯一標準，雖然任何音響系統都無法正確重現其原貌，我們不能因噎廢食，放棄追求完美。

ccli1996

新漢陳Sir 發表於 2015-12-5 11:15
實況演出是釐定器材整體表現的唯一標準，雖然任何音響系統都無法正確重現其原貌，我們不能因噎廢食，放棄 ...

非常同意，如果套音樂響系統，越能夠把大型古典合唱曲目重播得出滿意(越接近現場)嘅聲音，相信聽其他類型的曲目都會有一定的改善

新漢陳Sir

ccli1996 發表於 2015-12-5 11:26
非常同意，如果套音樂響系統，越能夠把大型古典合唱曲目重播得出滿意(越接近現場)嘅聲音，相信聽其他類型 ...

音響系統無法完全重現音樂會原貌的障礙是訊噪比和動態範圍這兩個參數。音樂廳的 noise floor可低至30dB左右，而理論上最強音壓可高至120dB，表示訊噪比與動態範圍為90dB。一般居室的 noise floor 大概45或50dB，鄰居投訴或警察干預前的強音最大只有達95dB，表示訊噪比和動態範圍祇有45至50dB，與音樂廳相差甚遠。縱然這是鐡一般的事實，兄弟認為音響迷和音樂迷都不應因噎廢食。兄弟自1972年起至今聽過六百場以上大大小小的音樂會，包括管弦樂、獨唱、室樂、獨奏、合唱等，從不放棄為人為己尋求改善音質的空間。

kl122002

由機械走出來的聲音始終是模疑, 貴價器才可以追真但且別忘了那不是原本的真實.
有時不少音樂都很值得花錢去買一席, 聽一場.

diamondblack

kl122002 發表於 2015-12-5 17:07
由機械走出來的聲音始終是模疑, 貴價器才可以追真但且別忘了那不是原本的真實.
有時不少音樂都很值得花錢 ...

敢問，何謂真實？

hksarac

只是二十人一齊叫同音響播出都差很遠，不能比的

kl122002

diamondblack 發表於 2015-12-5 18:55
敢問，何謂真實？

啊, 好哲學的問題. 唔明師兄點解甘問?

bigmusicfan

新漢陳Sir 發表於 2015-12-5 11:15
實況演出是釐定器材整體表現的唯一標準，雖然任何音響系統都無法正確重現其原貌，我們不能因噎廢食，放棄 ...

讲的太好了，我們不能放棄追求完美。

diamondblack

kl122002 發表於 2015-12-5 21:56
啊, 好哲學的問題. 唔明師兄點解甘問?

唔哲學，係非常現實嘅探討。就算撇除每個人耳仔嘅分野，喺同一個場，所謂「真實」嘅聲音都係因人而異。坐嘅位置，坐姿，現場觀眾人數，你周圍光頭佬多定長髮披肩多，你周圍嘅人高過你定矮過你，都對你聽到嘅聲音有影響（仲唔細添）。咁，真實係乜呢？

而其實，除咗古典音樂，有幾多其他嘅音樂唔係先過擴音系統先俾你聽？

其實，錄音，mastering同mixing已經對聲音有決定性嘅篩選，唔一定係套系統唔能夠重現現場嘅味道、感覺。

kl122002

diamondblack 發表於 2015-12-6 08:38
唔哲學，係非常現實嘅探討。就算撇除每個人耳仔嘅分野，喺同一個場，所謂「真實」嘅聲音都係因人而異。坐 ...

事實最後的重點師兄都已講左. 我無別的意思, 就是這樣.
既然source都有未知的干擾存在, 在未知的原聲音加上未知干擾之下根據自已的一套邏輯, 用自已的器才還原出一個自己覺得滿意的境象, 那麼客觀的"原" , "真實" 是不是已變成了不必要的存在? 還是自已將自已留在主觀下架構出的"真實" ?

猶如讀書一樣, 文字是有限地形容一個事情. 文字過多則成濫, 稀荒則缺理, 剛剛好就是剛剛好地帶出意思.  
也和一些朋友都說過, 浮浮沈沈之下,
自覺還原到七-八成的聲音已很美, 剩下變成金錢去聽聽live, 又或者留在腦中幻想一下會更幸福.

以古典而言
除了貝九, 仲有Saint-Seans Sym Nr.3 等等大型野, 是錄音一直做不到當中的.
而真人唱歌的話, 有緣去聽, 沒緣只是無緣, 不是過失.

ultramanzero

各人要求唔同，能力亦有不同！追求完美是要代價的，除了金錢之外，時間，地方，家人關係等等都是當中因素！能夠付出的盡管去追吧，未能付出或不值付出的亦非憾事，到尾 HiFi 只係玩物，只係手段，欣賞音樂才是目的！

對小的而言，一首貝九，不論用三十萬定三萬既組合重播，亦絕不影響我對此曲的喜愛程度！而就算比你用到三佰萬既組合，同現場一比.........係二佰尺客廳對住兩碌柱同係過萬尺音樂廳對住過百個血肉之軀，點比？

kl122002

ultramanzero 發表於 2015-12-7 13:26
各人要求唔同，能力亦有不同！追求完美是要代價的，除了金錢之外，時間，地方，家人關係等等都是當中因素！ ...

有些有能力的人都可以有幾萬尺大廳, 又有兩只唔知幾多錢的喇叭.
不過都是一句, 用甘多錢搞呢D野, 不如得閒飛過去聽一場, 成本都似乎仲平.

新漢陳Sir

ultramanzero 發表於 2015-12-7 13:26
各人要求唔同，能力亦有不同！追求完美是要代價的，除了金錢之外，時間，地方，家人關係等等都是當中因素！ ...

兄弟絕對認同此點。Hi Fi 只是手段，欣賞音樂才是目的。

里克1

貝九我聽最尾場 真係好正。  今次一個月內聽晒全集， 越後段演出越精彩。  現我响屋企聽時多一分回味。 而且對tune套機方向更明確， 甚有幫助。

diamondblack

新漢陳Sir 發表於 2015-12-7 15:46
兄弟絕對認同此點。Hi Fi 只是手段，欣賞音樂才是目的。

但諗深一層，呢個手段又同欣賞音樂又其實不大可分割。