你有沒有買碟成狂病症？(加咗張相證明我有幾癲)

eds60

你有沒有買碟成狂病症？

我有，仲病得幾嚴重。買CD和 LP 都係。

例如買 Decca 錄音CD。 我已有 London 嘜西德版， 又去買張 Decca 西德版。 見到西德製造的日本版 London 嘜又去買多張。已有寫上 Made in W.Germany by PDO, 被我遇上更早期的 Made on W.Germany by Polygram 又買多張。

EMI 錄音，已有西德版。 見到日本 Toshiba版又買一張，見到英國或日本黑字版(可能係最早版) 又買。


黑膠

Jennifer Warnes 的 Famous Blue Raincoat 在CD年代。 加拿大版被譽為最靚版(第一次聽人講加拿大版最正)。我己有兩張不同的最早期加拿大版CD。 玩番黑膠後，買了25週年紀念版， 45轉3碟版。 但係我又睇再版碟唔順眼(好彩我唔買 ED1 古典黑膠，如果唔係就真係好唔掂)。 又走去買張 1987年的德國版。 心思思想要原裝加拿大版。 結果入了張 1986年 7寸45轉 promo 加拿大版，有 Famous Blue Raincoat 這主打歌。 現仍想買 1986年加拿大原版。

明明已有三盲鼠頭版。 見到頭版的白 label 見本盤(promo) 又買，有些見本盤我有兩至三張。 之後見到更罕有的頭版 白 label Test Pressing 又買。 有兩款甚至有兩張 Test Pressings。 仲想買繼續買，買到只有我有的心態。

我開始抗拒唔到買 Sample、Promo、 Test Pressing 碟。其實 DG、Decca 等大唱片公司都有， 我都開始買(如果唔係太貴)。 雖然音質上應該同正常頭版一樣，不過因為特別，所以想擁有。 

最近我真係買了一張獨一無二的黑膠天碟。 應該兩個星期內收到。 到時會出主題。


1976年出版的直刻黑膠，要找到咁多張唔容易。Jun Fukamachi at Steinway Take 1 和 Take 2。 仲要有 obi 側紙更罕有。 其中一張全新未開封。其中兩張係白 label 見本盤。

leoking

Ching 住係加拿大, 擺碟嘅地方多的是, 再狅啲都無問題喇小弟幾年前都好癲, 半夜三更僕住ebay 同人搶碟, 初初一百幾十USD，整整下一、兩佰，個個月皮幾嘢HKD找數, 後期去到過仟一隻時突然醒覺要收手, 一來真太攰、二來花費太勁、加上冇位擺, 一停低就好似戒咗毒咁、成身鬆哂

eds60

leoking 發表於 2016-1-26 09:49
Ching 住係加拿大, 擺碟嘅地方多的是, 再狅啲都無問題喇小弟幾年前都好癲, 半夜三更僕住ebay 同人 ...

King Sir, 你講緊係一百幾十美金一張碟嘛。另加$20US 運費。真係買張有名少少既碟就係咁既價錢。

Law記

咁樣係咪叫做"痴漢"

eds60

Law記 發表於 2016-1-26 10:18
咁樣係咪叫做"痴漢"

係傻咗。 理智接近全失。

waikeywi

小弟認為買碟就好似其他集郵一樣，真心問下自己，有幾多碟係買咗未聽過？當你一日聽八小時，可以聽九張大碟，如困你有一千隻碟都要聽110日，貪多成為發燒友的其中一個心魔。

Law記

eds60 發表於 2016-1-26 10:28
係傻咗。 理智接近全失。

有錢唔怕駛, 駛得開心最緊要

eds60

waikeywi 發表於 2016-1-26 10:32
小弟認為買碟就好似其他集郵一樣，真心問下自己，有幾多碟係買咗未聽過？當你一日聽八小時，可以聽九張大碟 ...

開頭係想要多， 現在想要最好的版或特别的碟。

remychiu

A門兄，人生苦短，敢愛敢恨，得一知己(或愛好)，無悔今生............

桃花塢裏桃花庵。桃花庵裏桃花仙；桃花仙人種桃樹，又摘桃花換酒錢。
酒醒只在花前坐，酒醉還來花下眠；半醒半醉日復日，花落花開年復年。
但願老死花酒間，不願鞠躬車馬前。車塵馬足貴者趣，酒盞花枝貧者緣。
若將富貴比貧者，一在平地一在天；若將貧賤比車馬，他得驅馳我得閒。
別人笑我太風顛，我笑他人看不穿；不見五陵豪傑墓，無花無酒鋤作田。

我何嘗咪又係成日洗埋啲無無謂謂嘅野度，仲要係冇價冇市

GREENSPAN

我比較窮, 超過半年冇買碟啦..........

remychiu

你只要當啲黑膠係女神就得架la

eds60

GREENSPAN 發表於 2016-1-26 10:48
我比較窮, 超過半年冇買碟啦..........

我幾年冇升級過器材，因為冇錢。

GREENSPAN

eds60 發表於 2016-1-26 05:51
我幾年冇升級過器材，因為冇錢。

我都五,六年冇錢换器材啦...........

henrykee

Hoyaochin, and Hosinmo

eds60

GREENSPAN 發表於 2016-1-26 10:57
我都五,六年冇錢换器材啦...........

Greenspan兄，又係你話用了 Nelson兄的機唔需要再換的。 淨係你的幾粒唱頭已買到晒我D碟。

eds60

henrykee 發表於 2016-1-26 11:09
Hoyaochin, and Hosinmo

享少，不用 sinmo。 我用又舊又殘的機，好可憐的。

henrykee

eds60 發表於 2016-1-26 12:04
享少，不用 sinmo。 我用又舊又殘的機，好可憐的。

can't believe you at all

eds60

henrykee 發表於 2016-1-26 12:11
can't believe you at all

你睇下我的主題未知囉。 40年舊的喇叭和30年舊的後級。 個唱盤四十幾年㖭。如果有錢我都用新嘢。

chuck

咁就要去睇心理醫生，唔知 BC med 有沒有 cover 購物狂 ？

GREENSPAN

eds60 發表於 2016-1-26 07:02
Greenspan兄，又係你話用了 Nelson兄的機唔需要再換的。 淨係你的幾粒唱頭已買到晒我D碟。 ...

可能係自我感覺良好................ .......瞓覺啦.....Good the nite