試完之後，真係忍唔住，食樹根都要擁有！Schnerzinger

Skycam

第一次接觸 Schnerzinger 呢個品牌係喺自己的hifi chat group裏，有人可安排幾位chat group友home demo，當時沒有在意

當第一位group友試完後讚不絕口，插第一件音質已提升50％，心諗有冇咁誇啊？！ 但呢位group友冇理由吹水，因為同佢好熟。自己又上 Schnerzinger 個官網睇，個個都吹到天上有地下無，但大部分人都係講缐材，而並非呢件神器。

到第二位group 友，自己都好熟悉，大家都會互訪，他主要用土炮器材，他試完後亦有極誇張的報告。他說估唔到自己器材仲可以有40～60％音質提升，個廳仲最小大一倍。聲音開到兩點位都無問題。又係咁誇！

第三位group友，係自己同事，佢大部分都係中古器材，配合得好好。他對呢方面嘅神器一向少有興趣。他的報告係，現場感非常好，好似live，所有嘢好真實，中古器材提升到百萬！

當我好想試時，home demo已完結。 幸好有group友已擁有神器，而他又肯借我試試。好好啊！

試機當日，所有器材已在run in，只等侍接上第一件神器 component protector，它插上CDP同前級，神奇！ 從前以為自己套機都叫可以，但插了protector後原本發覺自己套機已患感冒。所有嘢即時比之前生動同精神，真實感好誇張。音質提升真係有50％！

第二件SAP protector，接到spk。從前自己屋企嘅低音都集中在spk與spk之間，但一插 SAP protector後，超神奇！之前好似頭文字D，拓海老豆換咗副4AGE－U落86，又未換轉數表咁，感覺到好有力量，但唔知點解輸出唔到。SAP protector就係果個萬轉轉數表，可以完全輸出。低音可以深入全廳每處，而且絕對唔boom!!!超神奇！

第三件Grid protector，只求其搵個牆蘇插入，並無連接自己套機任何一個插，結果一著！痴線！蒸餾器黎㗎！清咗之前D沙沙石石，D嘢再純潔。分隔得好好，人聲跟楽器有好明顯距離。

第四件 Network protector，將四件protectors 串連，四件一同亮燈。呢件應該係一件打磨機，再精細打磨整體輸出，聽感有如坐在一個大氣中間，試過幾個位置都可聽到悅耳音質，當然皇帝位一定最好！

試完四件神器之後，真係念念不忘。仲有樣神奇就係，神器嘅効果係可以停留幾日。

最後都係頂唔住果種失落，入咗！

唔好問我幾錢，邊道買，我唔係sales或寫手，只分享個人感受，有興趣自己上offical web site研究。仲有，你去聽一個已裝有protector嘅地方試，係試唔到佢可以提升嘅威力，一定要自己套機試！謝謝！

超級英雄

什麼線來？

tjausw

Hahaa......Schnerzinger 新用家!恭喜!!

edm230

面嗰浸、未有耐食樹根

racewong

代理拎上你屋企落毒?!

Legionee

racewong 發表於 2016-9-9 12:12
代理拎上你屋企落毒?!

這次是連環荼毒…

Skycam

Legionee 發表於 2016-9-9 14:59
這次是連環荼毒…

火燒連環船至真。

Skycam

edm230 發表於 2016-9-9 09:22
面嗰浸、未有耐食樹根

見哂抵

Skycam

racewong 發表於 2016-9-9 12:12
代理拎上你屋企落毒?!

靠D朋友咋

racewong

Skycam 發表於 2016-9-9 18:09
靠D朋友咋

係毒友! 好難唔中。。。

racewong

Skycam 發表於 2016-9-9 18:09
靠D朋友咋

估死你會中毒啦

Skycam

racewong 發表於 2016-9-9 18:24
係毒友! 好難唔中。。。

呢件唔係一件毒物, 據說仲係健康産品,理論我都唔係好識,有興趣真係要同廠傾

唔信唔更要，你當我保藥黨

avantgardeTony

㳟喜樓主得到心頭！
從樓的報告的字裡行間都感受到樓主的喜悅！
有一點一定要提一提樓主一定要搞清楚電的相位，因為如果相位搞錯表現會相差很遠！

racewong

Skycam 發表於 2016-9-9 21:18
呢件唔係一件毒物, 據說仲係健康産品,理論我都唔係好識,有興趣真係要同廠傾

唔信唔更要，你當 ...

這玩意我在香港代理已玩過! 的確神奇.

tst123

小弟只係入左條 Schnerzinger ref 3000 XLR cable，效果都有提升， Schnezinger 系統的確係毒物

樓主入得佢啲盒，應該都入埋佢啲缐，建議由喇叭缐或訊號線(CD/DAC>preamp) 開始

Skycam

avantgardeTony 發表於 2016-9-9 21:39
㳟喜樓主得到心頭！
從樓的報告的字裡行間都感受到樓主的喜悅！
有一點一定要提一提樓主一定要搞清楚電的相 ...

多謝提點！而且買時已幫我mark好live位，只要小心睇住，問題應該不大。不過試過反相，真係差好遠。謝謝！

Skycam

tst123 發表於 2016-9-9 23:25
小弟只係入左條 Schnerzinger ref 3000 XLR cable，效果都有提升， Schnezinger 系統的確係毒物

樓主入得 ...

現時只向protector方向升級，可能再加多一至兩部後先再向缐材進發。經atomic bonding處理嘅線材真係都好利害，一定會試試。

bcychung

睇唔到.....睇唔到....睇唔到....

Davidsky

skycam兄：看到師兄測試Schnerzinger時候的感覺！可以提昇到30%-50% 就好像小弟剛剛測試戰神地線的情況一樣！印象深刻 有機會要親身嘗試一下 多謝skycam兄那麼祥盡的分享

Skycam

Davidsky 發表於 2016-9-10 14:20
skycam兄：看到師兄測試Schnerzinger時候的感覺！可以提昇到30%-50% 就好像小弟剛剛測試戰神地線 ...

Giga pulse係喺音響裏另一套理論，完全顛覆咗以前對音響嘅概念，但又好有効率，呢樣嘢真係好神奇。完全唔需要改變現有器材任何一點，而帶俾你巨大提升。有機會真係要試試，可以試到自己嘅器材，原來仲有一個好巨大嘅進步空間。