6週年後感-我的第一次音響聚會

pigpigchu

各位大佬師兄好，小弟PIGPIGCHU係新手一名，從未接觸過HIFI，黑膠。今日可惜要開工，出席唔到5點開始既「萬千星輝唱黑膠」，而呢次我都係第一次參加呢類既音響聚會，真係睇界大開。

初時好擔心同檯既朋友係乜水，我又咩人都唔識，會唔會好悶......但係抱著咩都試下嘅心情，心裡好忐忑不安咁行上百樂門呢條天梯。

一入到房時，先交底銀兩，就求求期搵個位座。之後其他師兄一個一個咁坐底，我又怕羞又唔識音響野（屋企一套HIFI 都無，只係用一對EGG 藍牙喇叭聽下歌，用電話聽下Spotify 等），其他師兄交流既音響野我咩都唔識，完全無得搭爹。只好做個八卦的聆聽者，四圍偷聽。

最期待的環節當然係抽獎啦，我就抽到 Entreq Mini Wraps，雖然對我黎講暫時係無咩用，但希望日後到我買到一套膽機時就用得著（我鐘意膽機嘅聲，同電子聲唔同，我唔識形容）。

全晚最精彩既節目，我相信係兩名典堂級既嘉賓表演，雖然短短幾首歌，對我呢個80後真係好震撼。
我好記得陸寶哥講「外表唔得就做幕後，一定要堅持自己。」
我又記得棠哥講「82年去TVB唱劇習主題曲-忘盡心中情（實不相瞞呢年小弟先出世）呢首真係經典金曲，我完全感受到棠哥個種台形氣魄，真係大將之風。而難為正邪定分界，我都好鐘意，呢d歌詞好正，百聽不厭。

最後，衷心祝福Hiendy越做越成功，會員數爆升，衝爆百樂門。下年聚會我都會出席！多謝各位指教！

仲有我有整頭像架！

Legionee

常道欣賞音樂能陶冶性情，用較講究器材（所謂開始發燒）更能發掘出音樂的魅力，令這嗜好昇華；
祝你未來更愛音樂

eds60

Hiendy 有好多好的分享文章。慢慢睇，睇得多知得多。

我都好想去晚宴， 不過我住在外國，冇得去。

boys456

唔使拘謹,呢度d 師兄好玩得又好肯教人~

timmywan

一次生，二次熟，三次你大鑊

bigpun1975

多謝，希望你感受到我們的誠意

ccli1996

音響界真要有後生仔支持下嘅!
多啲上來Hiendy啦，好快你就會「知道」好多嘢，不過知得多就.....

eds60

bigpun1975 發表於 2016-9-25 09:26
多謝，希望你感受到我們的誠意

大家都好有誠意，真心放毒，導人升仙。

bigair

我以前未發燒前，聽歌就係聽歌，開始發燒後，才知咩叫真正音樂，完全兩個世界

wildmanhk

eds60 發表於 2016-9-25 09:34
大家都好有誠意，真心放毒，導人升仙。

好似的癮君子話，試一試快活過神仙！

happy_teacher

我都想出席，臨時有嘢做，報咗名都唔來得，錯過咁精彩嘅活動！

kawings

真係好正嘅一個聚會，我都係第一次參加，氣氛一流，六寶同棠哥唱現場無得頂。
雖然我自己都冇玩黑膠，但都好鍾黑膠啲聲。
又有幾位資深音響前輩講解同分享，真係獲益良多。
再次多謝咁多位出心出力嘅前輩，同一眾讚助商，令到昨晚 Hiendy 6 週年晚晏咁成功。
祈望 Hiendy 越做越成功，下年包起百樂，再黎去會展。

racewong

你盒Entreq Mini Wraps係好野黎架.

自己上網SEARCH下就知自己抽到寶了.

racewong

HIENDY的目標正正就是要吸引多D後生仔進入兩聲道的毒海.

你以後對產品有咩問題都可以上黎出POST請教一下咁多位師兄, 佢地個個都好樂意幫手落毒.

racewong

kawings 發表於 2016-9-25 11:42
真係好正嘅一個聚會，我都係第一次參加，氣氛一流，六寶同棠哥唱現場無得頂。
雖然我自己都冇玩黑膠，但都 ...

好...十週年就去會展攪.

racewong

happy_teacher 發表於 2016-9-25 11:42
我都想出席，臨時有嘢做，報咗名都唔來得，錯過咁精彩嘅活動！

的確, 無黎到既師兄係一大損失呢.

racewong

bigair 發表於 2016-9-25 10:42
我以前未發燒前，聽歌就係聽歌，開始發燒後，才知咩叫真正音樂，完全兩個世界 ...

大氣兄, 多謝支持HIENDY

法国明

eds60 發表於 2016-9-25 01:37
Hiendy 有好多好的分享文章。慢慢睇，睇得多知得多。

我都好想去晚宴， 不過我住在外國，冇得去。 ...

60兄 感同身受 除咗周年晚宴 重有8月份的音展

racewong

法国明 發表於 2016-9-25 14:29
60兄 感同身受 除咗周年晚宴 重有8月份的音展

。下年我地攪個現場直播比你地一齊分享我地既喜悅

eds60

racewong 發表於 2016-9-25 14:52
。下年我地攪個現場直播比你地一齊分享我地既喜悅