新仔出 post,有咩唔識講錯野,還望各位多多包涵
好多年都係用 B&O,唔係B&W。AV,聽歌一套過。雖然都有買吓靚電線,電處,但係都唔算係咩發燒。直到一年前聽過朋友套 Focal Utopia,開始發覺不停 upgrade B&O 都幾笨,並唔係唔好聲,而係價錢高但價值低。
咁樣就開始換機。其實臀部痕癢亦係有跡可尋,因為早喺 2013年已經join 咗 Hiendy睇文。
由於係年紀大嘅新手,耳仔有要求但又苦無經驗,所以買來買去都唔係好啱心水,一年內前前後後都換唔少機,浪費唔少時間金錢,香港又唔興 home trial,特別係線材,所以撞板多過食飯,簡直係迷途羔羊。
後來聽多咗唔同 Systems,睇咗好多呢度啲師兄以前嘅 posts,再日日蒲外國唔同嘅 forums,慢慢知道唔同牌子嘅特性,開始知道自己想搵咩聲,落手就開始重,最終入手 Devialet 之後索性換對靚啲嘅喇叭。本來係想買 Magico S3, 但聽過對 802都唔錯,幾啱自己喜好,又配合返中置都係B&W,代理又有我想要嘅色現貨,所以就買咗。
雖然唔係咩天價設備,都已經覺得一年來行咗唔少路,估都估唔到會用咁多錢,好似鬼上身咁,但係過程係開心過癮嘅。
仲有好多撞板經驗,但相信寫太長都無人會睇,等經驗豐富啲再同各位分享吓。
下一步會買部靚啲嘅 streamer,同埋想換 Devialet 條電源,不過會等埋 Shunyata 條級數接近 Sigma 嘅 Devialet 線出咗先會再諗 Shunyata 定係 SR,再之後都應該係......停燒。
多謝各位收看
四條大漢落住雨要抬每隻 95KG 嘅喇叭上樓梯,幾金㗎。
四條大漢落住雨要抬每隻 95KG 嘅喇叭上樓梯,幾金㗎。
原廠個底有轆,方便出盒。
原廠個底有轆,方便出盒。
完成圖。
完成圖。
|