盧冠廷相距22年再出碟！

bigpun1975

【on.cc東網專訊】 歌手盧冠廷到電台宣傳即將推出的發燒碟，透露今次新碟破紀錄快速完成：「因為公司趕出街，入錄音室開始用咗個幾月搞掂！」問到為何有出發燒碟概念？他笑言是唱片公司提議：「我有好多我認為好嘅歌冇發表過，咁公司叫到有機會咪應承，不過佢話做舊時嘅歌嘅發燒碟，所以我搵咗五隻寫畀人嘅歌重新再做。（之後先出新歌？）應該係咁嘅，但唔知呀，如嗰隻發燒碟紅咗可能繼續做都唔定。」盧冠廷指上次出碟已是22年前，問到重回錄音室有何感覺？他說：「差唔多，但技術上唔同，今次搵咗Hi-fi德（劉賢德）幫手，佢拎咗好多貴嘢嚟用，錄完仲要去佢Studio拎個200萬嘅hi-fi去聽，合格到先得，唔得要再錄過。」
他又透露31號會舉行音樂會，但正為場地問題煩惱：「個場周圍都係玻璃，啲聲會彈嚟彈去，難控制聲，我問咗朋友佢哋話擺盆栽，Hi-fi德都話有幫助，但一切要去到場地試先知，其實一定有辦法解決，睇我想要靚聲定落地玻璃靚景。」

http://www.on.cc/hk/bkn/cnt/ente ... 0520_00862_001.html