何解香港唱片公司唔可以正常用母帶或頭版CD或LP直接copy出碟

westwood

總是過程中搞咁多古靈精怪較聲
照計唱片公司無可能不了解發燒友想要什麼
這個 "迷" 一直百思不得其解

andprise

我估，係班錄音師套組合內聽，一切正常。
衹不過，係我地班發燒友套架生唔正常唧。

有時係Forum到見到本地錄音師用嘅架生，由其是佢地對Monitor Speaker, 位列仙班，都唔知乜名堂，想必出聲一定係不食人間煙火。

我等識條鐵咩。 再加上知名音評人吹捧，班老板又更加識條鐵。怪衹怪我地普羅大眾(包括我自己)，用嘅HiFi, 太離地。

kl122002

可能連唱片公司本身都無keep 母帶吧? 而又, 有些"較聲"版本的, 即是明明原公司是A , 不過B又問A要音軌較聲後出的, 是deal 大家中間好利潤關係.

人人手上的hifi唔同自然出聲唔同, 就多左人找合自己套hifi聲或的軟件去"就".

ccli1996

我相信跟播放器材及個人口味的關係會大些

其實睇番每年音響展隻原音精選，都算係典型嘅把舊已有嘅錄音，重新remaster後，再擺落同一隻碟度，雜大成於一身，每年音技係隻碟入面嘅介紹，都話每首被揀選入去嘅歌，都係精心挑選，加埋經過精心制作，確保沒有改變原有錄音（最多只係調教下大細聲，以統一每首歌嘅播放音量），出碟前，都會由其團隊加埋佢自己，反覆聆聽及調教，才最終拍板出世，相信使用嘅聆聽/鑑聽嘅音響器材，一定包括音技試音室，及大草家裡嘅自 用器材，佢哋用緊嘅器材屬於咩級數，相信大家心中有數！

但係就每年，發燒友對隻碟入面嘅歌/音樂播放出嚟的“聲音”，都有好大意見，好壞參半，同一隻碟，經過“精心”制作及反覆鑑聽，最後都可以引發出咁大嘅聽感分別，其實背後嘅真正原係咩呢？

我相信如果可以解答到這個“原音精選”碟聲音“質素”嘅問題，我相信對於樓主於此post上提出嘅類似問題，會有很高嘅參考價值！

最後提提，我聽過大草係音展裡其中一個代理嘅房間中做主持環節開始時，開玩笑地講過
我哋隻原音精選好靚聲，一陣現場套器材播得好聲的話，係佢隻原音精選好聲，如果一陣播得唔好聲，係啲器材唔得，當時現場一片笑聲！

andprise

原來如此。冇大草咁够班嘅架生，以後要自知量力，唔好再聽中文碟，原來港產碟係出比那些高高級嘅HiFi

黑膠迷

聽說1992年後的CD已經不是由母帶做訉源
亦因為如此1992年或以前的"AAD"版(完全不經任何數碼處理)CD聲音最接近黑膠唱片
亦售價最高

黑膠迷

AAD版的CD

racewong

西木兄, 我唔係太明白你個問題?

頭版CD直接COPY出碟?

eds60

racewong 發表於 2017-7-10 00:08
西木兄, 我唔係太明白你個問題?

頭版CD直接COPY出碟?

用頭版CD直接 burn 隻 CDR 出來，好過再版 remaster 後再出碟。

racewong

eds60 發表於 2017-7-18 02:07
用頭版CD直接 burn 隻 CDR 出來，好過再版 remaster 後再出碟。

最好既REISSUE方法, 當然係用母帶OPEN REEL直出做頭版CD / LP啦.

但依家好多都母帶都轉晒做DIGITAL, 當中最好既DIGITAL保存可能以經係由當時既OPEN REEL直出一比一咁錄喺餅DAT度.

在唱片公司黎講, 存DAT的確方便過OPEN REEL好多呢.

所以依家比較認真的REISSUE, 如果真係無左餅原裝OPEN REEL, 佢地都係用餅DAT再錄番去OPEN REEL, 再由OPEN REEL燒錄到DIGITAL, 再做REMASTER, 最後先壓碟.

eds60

racewong 發表於 2017-7-18 12:08
最好既REISSUE方法, 當然係用母帶OPEN REEL直出做頭版CD / LP啦.

但依家好多都母帶都轉晒做DIGITAL, 當 ...

大家就係唔鐘意 remaster, 越攪越唔自然。所以西木兄才説用頭版CD錄。我亦有同感。

racewong

eds60 發表於 2017-7-18 12:19
大家就係唔鐘意 remaster, 越攪越唔自然。所以西木兄才説用頭版CD錄。我亦有同感。 ...

但在唱片公司與錄音師的睇法, 有好多野係必需處理, 至於喺咩, 我就未問佢地呀.

不如我試下叫佢地上黎分享下都好喎.

eds60

racewong 發表於 2017-7-18 12:43
但在唱片公司與錄音師的睇法, 有好多野係必需處理, 至於喺咩, 我就未問佢地呀.

不如我試下叫佢地上黎分 ...

有技術知識分享梗係好。

好多再版粤話CD和黑膠都係劣評多。所以發燒友希望乜嘢都唔好攪。

古典唱片公司的自家出再版CD都係質素麻麻。

haha12

如果乜都吾搞, 用上手流下来嘅 submaster 發给 CD 廠印製 應該好原汁原味。可惜老细可能嫌冇绰頭驚冇人買, 所以冇嘢 都要搵啲嘢搞下, ㄧ隻 蔡琴老歌搞出幾十個ABCD版本,  咁都賣到錢真係吹佢唔脹。

黑膠迷

蔡琴老歌只要有首個SANYO版已經足夠

GREENSPAN

eds60 發表於 2017-7-18 07:48
有技術知識分享梗係好。

好多再版粤話CD和黑膠都係劣評多。所以發燒友希望乜嘢都唔好攪。

一個令依家連新出CD都劣化嘅原因應該係燒錄速度太快.

講出嚟你一定話我老作, 約二十年前我用少扞擾嘅 SCSI CD burner (Plextor) 用1倍速度 copy 隻 CD, 抄完即刻入sub-zero 雪柜雪一曰, 聲音係明顯靚過copy嗰隻原版CD. 真係信不信由你!

fishfish

http://hometheaterreview.com/understanding-music-mastering/

racewong

fishfish 發表於 2017-7-18 22:15
http://hometheaterreview.com/understanding-music-mastering/

依條LINK正呀. 解釋晒所有問題.

haha12

其實若有心做好ㄧ般都唔會衰聲得去邊。 問題係 大唱片公司 太過功利主義, 本地唱片公司尤甚 - 管理層真係識條鐵, 吾識尊重錄音質素之餘古靈精怪绰頭亂搞一通, 想靚聲跟中六合彩差不多。。。

racewong

haha12 發表於 2017-7-19 19:39
其實若有心做好ㄧ般都唔會衰聲得去邊。 問題係 大唱片公司 太過功利主義, 本地唱片公司尤甚 - 管理層真係識 ...

只可以講市場主道.

當然依家仲有D唱片公司係堅持做好每張唱片的. 好似風行唱片就係其中之一.