Rainbow Fish 彩虹魚 新Hybrid HDMI 2.0 線用後包膠

EDWINCWLAM

原來唔使上4K先至要換新魚嘅  見到個個都講到咁勁 我真係好心急 千里迢迢終於收到大口仔係香港寄過黎嘅兩條新HDMI2.0 hybrid 魚  相信呢兩條新魚 我係澳門首個用家 應該值得炫耀一下 （哈哈 講笑啫）  玩左一晩  係時候要講D野 實物望第一眼  新魚舊魚好唔同  外形唔講 因爲我唔在意  我只想講 新魚用左金屬外殼  拎起手有D墜手 據大口仔講係叫做咩鋅合金 似乎真係有D料到喎 用金屬做外殻 係屏蔽方面起到好大作用  屏蔽好  干擾少 畫質自然會提升 我只在意效果  個樣整到幾咁靚都冇用   插左係機背後面  邊鬼個會走去睇你  新魚個插頭亦唔會穿上華麗的衣裳  普通hdmi插頭咁  冇咩特別  線身比舊魚粗DD  但好柔軟  穿喉唔覺有問題及難度   另外要講嘅係 DVDO iScan Mini 係要求hdmi 2.0 規格的  今次可以完美對應

好  咁新HDMI2.0 hybrid 魚效果係點？其實舊魚畫質靚已經係公認  咁到底新魚有冇改善？首先  顏色比舊魚帶暖  因而畫面感覺會較討好  對比度亦比舊魚強  再睇下  無論畫面細緻及解象力都比舊魚有提升   立體感比之前更好  我部x55燈膽都已經用左1900小時 都差不多要換膽  但出黎都已經有咁嘅質素 相信換左膽之後 畫面會更上一層樓  另外一樣野係  新魚lock signal 會比舊魚快 一個chapter skip 去另一個chapter 好快已經lock 到信號  此外 仲有樣好神奇嘅野   插左新2.0 hybrid 魚後  連聲音都upgrade 埋  聲音細節 同包圍感都多左同好左 可能你會話我吹水有冇吹到咁大  唔信  你自己返去試下  咁點解新2.0 hybrid 魚會進步咁多  我估計可能係同新晶片 金屬外殼 或者線材質有關  不過咪理咁多  只要效果好就得

原本唔諗住上4K 係冇打算去upgrade hdmi線 不過都冇後悔又花＄去換魚  呢個月又要慳D洗了

(P.S.  相片經過壓縮再上傳  還有我用部cheap cheap 艾風6+影相 又再discount下  相片同肉眼睇  分別相當大）

garyportia

很認同師兄的報告，尤其是聲音那邊會因為改用了這新HDMI線而有提升

EDWINCWLAM

garyportia 發表於 2017-7-29 22:38
很認同師兄的報告，尤其是聲音那邊會因為改用了這新HDMI線而有提升  ...

係  我初初都覺得好神奇