前中置set large問題

NETDSL0100

如果我SET LAGRE 全頻姐係20-20khz?如果我Frequency set80hz咁80hz樓下既時候前置同十仔會唔會同一時間出個個頻率既聲?如果無既話pioneer901又有無得搞一齊出?

chhanthony

睇下有無double bass之類嘅setting
double bass 一般係前置同subwoofer一齊出

hscar

chhanthony 發表於 2018-6-4 10:31
睇下有無double bass之類嘅setting
double bass 一般係前置同subwoofer一齊出

我都想知呢個問題呀. 唔知有冇用緊天龍嘅師兄可以指教下點set double bass

DickLai

hscar 發表於 2018-6-4 12:26
我都想知呢個問題呀. 唔知有冇用緊天龍嘅師兄可以指教下點set double bass

應該是LFE+Main

在speaker setup 的 bass 入面

hscar

DickLai 發表於 2018-6-4 13:26
應該是LFE+Main

在speaker setup 的 bass 入面

LFE+main原黎係咁用. 明白曬. 等我試下效果先得

KennyKo2@FB

借題一間:前置及中置須要甚麼條件才可set large 呢?如(35Hz-60khz)應如何set

bigpun1975

KennyKo2@FB 發表於 2018-6-7 13:17
借題一間:前置及中置須要甚麼條件才可set large 呢?如(35Hz-60khz)應如何set

好似睇過某家Manuel, 六寸低音以上就有條件

KennyKo2@FB

係坐地三路分音,雙低音盆,但得5.5吋,唔知得唔得?.中置密風色。

bigpun1975

KennyKo2@FB 發表於 2018-6-7 16:54
係坐地三路分音,雙低音盆,但得5.5吋,唔知得唔得?.中置密風色。

冇話唔得，最緊要自己試下啱唔啱聲

Ep-71

都正為此事食花生

pepsiman

KennyKo2@FB 發表於 2018-6-7 13:17
借題一間:前置及中置須要甚麼條件才可set large 呢?如(35Hz-60khz)應如何set

要將喇叭set做large，我個人認為唔係單單喇叭呢方面符合條件就可以。要知道當擴音機將喇叭輸出設為large之後，全頻就會交由該聲道負責，亦都係咁既原因，擴音機既「power」亦會成為舉足輕重既角色。要原汁原味還原電影既效果，除咗本身喇叭既質素要好之外，擴音機既「power」亦唔能夠忽視，因為電影有別於演唱會或兩聲道，後者只會有節奏地出輸出，低頻量不多。相反；電影除咗觀能刺激之外，聲效都非常重要。連串爆炸又或一d密集既場面，如變型金剛中打鬥時既大量低頻及超低頻再加上配樂效果，各聲道同一時間需要既能量係非常之大，如果擴音機腳軟，就唔能夠提供足夠既能量比各聲道。無力，聲音自然會縮，就唔能夠真實還原，所以點解THX係硬性將分頻點設定為80Hz，就係希望可以減輕各聲道既負擔，由一隻主動式超低音一力負責。仲有一樣野要留意，好多喇叭規格上都聲稱可以去到35Hz，呢樣只可以解讀隻喇叭係測試時可以單次出到35Hz呢段音頻，但絕唔代表佢能夠連續或密集地出到，又或出到都可能係失真。換句話說，將較低既低頻及超低頻交由超低音輸出係明智之舉，亦係較容易喺細小空間及較低既金錢，造出理想既效果。
可能大家有個疑問，咁即係所有擴音機唔需要「large」功能？咁又唔係既，我聽演唱會時都會set做「large」，又或者當我有能力擁有11隻高質素大單元喇叭，以及一套大能量既後級時，「large」肯定係我既選擇，不過首先要有一間超級家庭影院同$$$$$呢...
以上只係百事佬玩機多年既見解，如有講錯或講漏，請各路英雄見諒...

KennyKo2@FB

今晚試set large ,及睇下power Amp 夠唔夠力水

pepsiman

KennyKo2@FB 發表於 2018-6-12 17:50
今晚試set large ,及睇下power Amp 夠唔夠力水

試完再同大家分享吓吖...

tst123

pepsiman 發表於 2018-6-12 16:41
要將喇叭set做large，我個人認為唔係單單喇叭呢方面符合條件就可以。要知道當擴音機將喇叭輸出設為large ...

版大用P5 都唔可以 set large?

pepsiman

tst123 發表於 2018-6-12 21:57
版大用P5 都唔可以 set large?

係我D喇叭唔夠班呢...

pepsiman

tst123 發表於 2018-6-12 21:57
版大用P5 都唔可以 set large?

有機會都可以試吓既...

tst123

pepsiman 發表於 2018-6-12 22:30
係我D喇叭唔夠班呢...

小弟係 subwoofer 級數不及前置及中置，亦為求減輕 subwoofer 負擔反而前中置 set large

Shadow

pepsiman 發表於 2018-6-12 16:41
要將喇叭set做large，我個人認為唔係單單喇叭呢方面符合條件就可以。要知道當擴音機將喇叭輸出設為large ...

版主大人所言甚是！一般av amp如硬要set全頻，有機會賠了夫人又折兵。小弟以前用dyna c2時就是因為set全頻而導致拍邊，及後將分頻調回75hz就正常運作。當時是用krell 302e推C2！
現在小弟轉換喇叭後，七聲道都是行全頻，聽感上，低頻是從四面八方湧向自己，而聽感與之前比較絕對不一樣，超低現在只做LFE,整體而言超低頻是快速及乾淨，永遠沒有多餘的餘韻，一下就一下！
無論如何，我喜愛set全頻之效果！當然亦如你所言，視乎喇叭及amp的質數，拍邊燒單元就大件事了

pepsiman

Shadow 發表於 2018-6-13 06:01
版主大人所言甚是！一般av amp如硬要set全頻，有機會賠了夫人又折兵。小弟以前用dyna c2時就是因為set全 ...

好耐之前有位師兄同我講,其實用咁多錢買套家庭影院番嚟(當時佢套器材大約十萬),不如直接去戲院睇仲好啦,買器材既錢即使每個星期睇一套戲都可以睇足廿年。我已經知道呢個師兄係唔理解玩家庭影院既樂趣,我用粉飾家居作個比喻,有人鐘意買畫,有人鐘意買切圖,前者著重欣賞,後者就多咗份樂趣,就正如今次既分享一樣,家庭影院除咗可以欣賞電影之外,最大樂趣莫過於設定過程,器材配置千變萬化,點樣可以運用「設定」將佢地發揮到淋漓盡致先至係我地呢班家庭影院迷既最終目標,亦係最大樂趣。我最初玩家庭影院時都係人云亦云,不過玩得多亦同多個專業人士取經,先至有自己玩機既一套。不過百事佬認為,玩機猷如飲凍檸茶一樣,每人有每人既口味,正常、少甜、走甜,就算多甜都無話對錯,最緊要係合自己河車,但如果你仲未搵到自己既口味之前,明白點去調校出唔同口味係最重要...

pepsiman

pepsiman 發表於 2018-6-12 16:41
要將喇叭set做large，我個人認為唔係單單喇叭呢方面符合條件就可以。要知道當擴音機將喇叭輸出設為large ...

再補充一下,就係超低音既質素都唔能夠忽視,如超低音表現不濟,將太多既工作交比佢,只會得個「亂」字,效果一定未如理想。現實係殘酷既,要好聲就要銀兩,可惜我老豆唔係李+X,唯有繼續努力研究,將現有器材發揮到極限就係我既終極目標...