旺角又一好去處-聲輝音響

racewong

老燒玩家對聲輝音響的歴史熟悉度一定比我更深， 當日我上到聲聲音響， 比我的感覺係三個字-親切感。

近幾年香港經濟不影， 直接影響了音響市道， 幾間老字號門市相繼結業。 令很多發燒友想買一些配件都唔知喺邊度買。

而今次鎗王為大家介紹的音響店， 就在閨旺角的黃金地段， 開業32年至今一向以客為先， 目標係個個客人就算唔買野， 都可以上去玩得開心。



好似我上次上去聲輝影相其間， 就有三個老燒上左去聲輝試機試線， 眼見他們入到聲輝音響都好像回到自己屋企咁， 一D壓力都無， 可想而知， 聲輝老闆待客之道。



好肋， 講左咁耐， 聲輝音響喺邊？ 點去？ 有咩賣？ 。。等等。？
等我慢慢講比你地知啦。

聲輝音響開業32年， 地址就在-九龍 旺角 西洋菜街 14-24 號 ，榮華大廈 4 字樓 22 室。



上到四樓， 一出電梯就見到佢地大大個招牌-聲輝音響， 飾櫃入面放左好多支黑膠唱臂， 下面就放不同型號的膽。




門口就好得意， 一道玻璃門， 掛滿不同品牌的電源線。

入到舖頭， 擺位都係一貫音響店的喇叭牆，


不過皇帝位既前後左右都掛滿不同品牌的線材， 除了玻璃門的電源線， 還有訊號線，喇叭線， 數碼同軸線等等。 問番老闆點解要咁掛起D線材呢？ 原來主因係聲輝好多客人都鐘意上去玩線， 將D線掛在當眼處只是方便佢地試線啫。



吓？ 我諗香港應該無一間舖頭會為左方便客人試線而將線材掛晒出黎。 的確夠貼心。

而舖頭兩旁則是新貨及二手貨的放置架。 左手邊係全新器材， 包括聲輝代理既Audii Valve 膽機。 Canary Audio， Synthesis。 仲有先聲代理既Project黑膠盤及配件都可以在聲輝試到。



右手邊大部份都係二手膽機. 好多經典名器都可以喺依度搵到.



而膽方面， 我見到KR膽都係聲輝代理。 仲有好多靚膽放喺四週， 好似最頂個玻璃櫃， 放唱頭下面既玻璃櫃等等， 放滿名膽。 搵開靚膽既網友一定要留意呀。




黑膠唱頭就當然係ZYX, 講開唱頭， 輝聲都算齊晒香港最hit既唱頭品牌，。你地自己睇下啦。



賣得唱頭， 唱臂亦都唔少得， 聲輝代理Jelco, 經銷既SME... 等等都係熱賣產品呢。






中間既喇叭陣， 除了聲輝自己代理既AP喇叭， 仲有好多客人賣番出黎既二手喇叭。



最後， 我見到放在地下的黑膠碟點解會有價錢呢？ 原來依D黑膠都係可以賣比客人。
仲比我搵到幾張超抵買既麟伯黑膠添。




大家行開旺角記得上去睇睇啦。
            

史的墳

聲輝，我以前成日都上去八架！

Dennis

當年的MA700同金仔就在這裡買的
西菜劏客年代聲輝夠老實

bigpun1975

好多野睇，得閒要上下去玩

necbbc

很多回憶，但又另我想起東海大廈。現在還有嗎？

mark38

necbbc 發表於 2018-10-15 12:25
很多回憶，但又另我想起東海大廈。現在還有嗎？

有，4樓

wildmanhk

得閒要去行下

hksarac

十多二十年前，拿條Straight Wire 去買二手，壓價壓到飛起

S6410

肥仔態度幾好, 但係價錢就....

直接喺網上高買線, 例如波蘭線材, 平好撚柒多!

racewong

S6410 發表於 2022-10-2 15:53
肥仔態度幾好, 但係價錢就....

直接喺網上高買線, 例如波蘭線材, 平好撚柒多! ...

邊個肥仔???{:5_473:}

S6410

伙記或者叫四眼肥佬...

Anyway, 依家英磅歐羅匯水咁低 ，佢仲用個定價嚟賣 一手hifi，做唔到㗎喇!

￣へ￣

S6410

仲有， 唔好話我玩踢爆，依家你估以前幾十年前咩! 什麼都信L曬發燒音響，或者舖頭老闆咩？ 資訊發達，好似有個意大利膽phono stage，佢夠膽賣萬二，網上高全新買六千，真係搵鬼買咩!

intruder

90年代幇襯過聲輝，果時門面好亂好污糟

racewong

S6410 發表於 2022-10-2 16:59
伙記或者叫四眼肥佬...

Anyway, 依家英磅歐羅匯水咁低 ，佢仲用個定價嚟賣 一手hifi，做唔到㗎喇!

比條LINK黎睇下? 我SEND番比佢老闆睇.{:5_203:}

S6410

我識得師兄，喺個波蘭呢個網上平台買咗Albedo嘅純銀線，貨真價實。價錢平香港所謂嘅總代理三四成!

https://avcorp.pl/firm-eng-1454927927-Albedo.html

freeman062

呢間舖自從廿幾年前交过學費學精咗之後就再冇上過去

racewong

S6410 發表於 2022-10-3 13:12
我識得師兄，喺個波蘭呢個網上平台買咗Albedo嘅純銀線，貨真價實。價錢平香港所謂嘅總代理三四成!

https:/ ...

THX AR{:5_167:}


等我SEND比佢老闆睇下先...{:5_432:}

S6410

Race 師兄，依間舖頭仲係用N年前訂價，俾到盡九折賣畀客，梗係冇生意喇，要搵你幫手啦!

(ー`´ー)

racewong

S6410 發表於 2022-10-3 16:01
Race 師兄，依間舖頭仲係用N年前訂價，俾到盡九折賣畀客，梗係冇生意喇，要搵你幫手啦!

(ー`´ー) ...

唔知喎, 我買野好少睇價錢...{:5_432:}

講笑咋, 你地有意見, 我當然會轉達比佢地老闆知道啦.

S6410

Frankly, 啲客坐喺度等你任劏嘅年代已經過去啦!

一間舖頭成功有原因, 執笠亦都有原因。有幾間喺旺角做唔住, 最近執咗笠。 唔知點解？ 個老闆應該問下自己, 點解啲價錢咁L晾...