Hi-Fi 惡客

Roy

今日和鄺大俠傾開電話，講到一些發燒友較容易相信某些人的說話，令自己玩 hifi 迷失方向
所以大俠想係 hiendy 和大家分享下他的文章，作為警惕之用


發燒友最難忍受的事，莫過於聽一套衰聲Hi-Fi！

偏偏主人家熱情如火，認為此乃天藾之聲，無人能及，非要客人盡情欣賞不可，無兩三個鐘頭，絕不肯放人！但再聽落去，確實可以令人頭昏腦脹，翻眼兼伸腿。

記得有一次，飲飽食醉後，陪同一位德高望重的老前輩去聽一套出名「衰聲」之組合，兩個鐘頭後，發覺前輩神情不妙，於是急急告辭。怎料一出大門，老人家先打冷震，繼而雙腳發軟，接著牽動腸胃，大吐特吐，幾乎成棚假牙都吐埋出來。好在本大俠身手敏捷，即時將阿伯扶住。只見佢老人家長嘆一聲道：「真係頂唔順，直頭悶到嘔，依家舒服曬矣。」至今方知衰聲是可以令人作嘔的。

如果你以為去別人處聽"，要隨時準備執生的話，那麼請人返屋企聽"，應該沒有問題了吧？

錯！仲衰多幾錢！因為你可能請口左班「Hi-Fi惡客」回家。

Hi-Fi惡客種類繁多，難於辨別，本大俠略懂一二，樂於與各位讀者共用。

有些發燒友本身唱片、CD收藏甚多，能夠面不紅、氣不喘自封為音樂權威，修養當然有番咁上下！請他們回家聽，相信都唔會錯吧？

但人心不測，當他們一旦發現有些絕版唱片、CD是他們夢寐以求的話，頓時雙眼放光，暗起殺機，千方百計，希望能奪到手。先以利誘，如果唔掂就借，心軟如本大俠，俾人求得幾求，很小會托手爭。

唱片、CD一旦借出，悲劇即時上演。 如果您老哥借出那張並非甚麼絕版珍本，恭喜你，歸環有望。但如果那張係絕子絕孫嘅正版，咁就唔好彩矣，恐怕有如肉包子打狗，有去無回頭。

借錢唔還，大可以告上衙門。但只係一張唱片，搞到咁大件事，恐怕同情惡客嘅比你老哥還多。

記得有一次，有位發燒友對亞叔張絕版唱片，愛不釋手，聽完之後，終於開口要借！本大俠尚在考慮，他早已塞入懷裡，揚長而去。而且一借數月，音訊全無。

亞叔出齊十八般武藝，又威逼利誘，都無佢收，佢把聲竟然比本大俠更大。

最後，一於到佢屋企實行死賴，不還碟就要佢養多個便宜老豆，唱片終於可以物歸原主了。

此乃第一類Hi-Fi惡客。

第二類惡客就更加乞人憎，常常眼見心謀，不問自取，連借都慳番，十分乾手淨腳。所以如果招呼一些不太熟悉口既發燒友回家，非要打醒十二分精神不可，不然損失只係自己。

有些發燒友，毫不尊重主人家，請他一個人聽，佢就連姨媽姑姐都帶曬來，事先又不作通知，實行先斬後奏。此乃第三類惡客。

有些發燒友天生熱情兼手多，到人家處聽口野，用耳又用手，喜歡東摸摸，西摸摸。往往自動獻身，又幫人校唱頭，又幫人移喇叭，連喝都喝不住。最後D聲仲衰過以前。佢老哥拍拍屁股便走頭，留下成擔蘇州屎搵人執，認真打得少！此乃第四類惡客。

有些發燒友用心不良，到每一處地方聽，都係有彈冇讚，目的只有一個，就係搵銀。他們隨身攜帶各種自製(言丑)號線、電源線、喇叭線、乜釘物釘為你校聲，每換一樣口野，跟來果班搖尾系統必然大叫「靚！」，定力稍為不夠，便會中招。

佢地又像醫生一樣，叫你打開機蓋驗身。跟著就話呢樣唔掂果樣唔妥，非要做Up-grade 或Modification手術不可。

當然如果遇著些真正有料之士，可能得益良多，但如果遇著班無良友，背定就荷包有難矣，此乃Hi-Fi第五類惡客也。

howin

多謝鄘大俠同Roy哥分享

bigpun1975

howin

bigpun1975 發表於 2011-5-19 21:27

    你好似係受害者咁喎...邊個係惡客? 講出嚟我地幫你主持公道

史的墳

多謝鄺大俠，受用一身！！

JanHau

bigpun1975 發表於 2011-5-19 21:27

Roy

唔通笨豬係惡客？

bigpun1975

你好似係受害者咁喎...邊個係惡客? 講出嚟我地幫你主持公道
howin 發表於 2011-5-19 21:31

    都係算把啦，之不過睇完諗番起啲傷心事咁解姐

JanHau

都係算把啦，之不過睇完諗番起啲傷心事咁解姐
bigpun1975 發表於 2011-5-19 21:40

陰公

bigpun1975

唔通笨豬係惡客？
Roy 發表於 2011-5-19 21:34

    不是，係同個case 1一模一樣

howin

都係算把啦，之不過睇完諗番起啲傷心事咁解姐
bigpun1975 發表於 2011-5-19 21:40

    係咪俾人攞左d blu-ray無還??

Roy

不是，係同個case 1一模一樣
bigpun1975 發表於 2011-5-19 21:44

    咁大鍋，聽到要嘔？

Roy

係咪俾人攞左d blu-ray無還??
howin 發表於 2011-5-19 21:45

    等我去你度借下 d CD 先

bigpun1975

咁大鍋，聽到要嘔？
Roy 發表於 2011-5-19 21:46

    咁又未至於嘔，但係知道自由嘅空氣原來好可贵架！

howin

等我去你度借下 d CD 先
Roy 發表於 2011-5-19 21:47

    Roy要嘅...送埋上門俾你又點話

howin

咁又未至於嘔，但係知道自由嘅空氣原來好可贵架！
bigpun1975 發表於 2011-5-19 21:50

    呵呵...我知邊個

nwwedmond

呵呵...我知邊個
howin 發表於 2011-5-19 22:01

係咪就係你本人呀.  你知邊個...

MDLP

好文

bigpun1975

呵呵...我知邊個
howin 發表於 2011-5-19 22:01

    我想講係你喎

howin

我想講係你喎
bigpun1975 發表於 2011-5-19 22:30

    所以我咪話我知囉