oyaide R1 or R0?

kazfe

oyaide R1 or R0?
有没有师兄试过这两个墙插？
有什么区别？
能说说听感 音色
选择哪个更好？

racewong

依度既師兄大多用SINE, SHUNYATA & FURUTECH

OYAIDE既牆插應該好少人用.

kazfe

racewong 發表於 2020-4-29 14:32
依度既師兄大多用SINE, SHUNYATA & FURUTECH

OYAIDE既牆插應該好少人用.

师兄 SHUNYATA RESEARCH SR-Z1这款如何？想了解下音色表现

racewong

kazfe 發表於 2020-4-29 18:53
师兄 SHUNYATA RESEARCH SR-Z1这款如何？想了解下音色表现

SHUNYATA SR-Z1係中性無味.

硬要說味道的話, 我會說她偏向厚暖, 但又不失空氣感.

我在家都使用了兩個SR-Z1

vhs

oyaide R1 or R0?

I am using both

kazfe

vhs 發表於 2020-4-29 18:59
oyaide R1 or R0?

I am using both

How do U feel R0?

vhs

kazfe 發表於 2020-4-29 21:18
How do U feel R0?

非常平衡，冇乜特性

正

KEEKEEKEEKEE

vhs 發表於 2020-4-29 18:59
oyaide R1 or R0?

I am using both

  How do U feel oyaide R1 墙插?

vhs

KEEKEEKEEKEE 發表於 2020-4-29 23:40
How do U feel oyaide R1 墙插?

比 R0 多少少味

kazfe

vhs 發表於 2020-4-30 00:43
比 R0 多少少味

好的 谢谢师兄

kazfe

oyaide swo-XXX这个墙插值得入手 很有韵味 就是音乐性会强很多 现在用R1和SWO-XXX

一休大師

前嗰排我都有玩呢啲插頭， 試咗好多好多， 最後都係揀咗oyaide 篩選， 不過師兄你呢隻我就冇玩， 因為我已經揀咗隻喜歡的， 我只係玩咗R0 R1 swo gx swo dx 呢四隻， 最後我係揀咗swo gx， 喺我心目中係最完美， 但係如果真係要中性， 我就覺得真係hubbell 8300rmri 係最好， 不過呢啲嘢都係要夾嘅， 偏偏師兄你呢隻我就冇玩過， 其實我想最後玩埋， 不過佢鍍嗰隻鈀金屬 可能我玩過R1， 始終都係有機會覺得少少唔自然， 所以我就最後無試到， 反正呢隻 swo gx純24k 完全係心中所愛， 咁我就冇再搞到， 如果你未試過， 強烈建議你試下gx， 其實 gx都有缺點， 就係嗰個爆發力， 但係佢其他嘢實在太啱我， 聽管弦樂真係正到爆， 有興趣就試下啦

kazfe

一休大師 發表於 2022-3-22 19:21
前嗰排我都有玩呢啲插頭， 試咗好多好多， 最後都係揀咗oyaide 篩選， 不過師兄你呢隻我就冇玩， 因為我已 ...

我想问下 SOW-DX和GX 的听感？我也想多买两个 这两个表现力如何呢

一休大師

kazfe 發表於 2022-3-22 19:50
我想问下 SOW-DX和GX 的听感？我也想多买两个 这两个表现力如何呢

DX 音場感 非常優秀， 高音伸廷好， 透明感極高， 動態同埋速度都係好好， 但係如果埋身嗰啲嘢， 質感上面我覺得比較薄 同埋比較遠身， 人聲不是味兒， 但都係一個好正嘅牆插， 如果你喜歡聽古典， 嗰種巴羅克嘅感覺 真係冇得頂， 縱使 係有缺憾， 我都覺得係絕對值得一玩嘅插頭， 如果你覺得R1同R0 係值得一玩，DX 真係冇理由唔玩一次

GX 普遍都係一個正常嘅感覺， 純粹係個畫面嗰個純度 即係嗰個寧靜感 你會覺得好靜， 驟眼聽落去高音 沒有DX 那麼好， 但係聽得耐， 你就會覺得佢個伸廷係足夠  而且係輝煌 某程度上嘅內斂 保持返佢嘅音樂感， 人聲甜美， 順滑得泥 保持返原有粗感， 呢個係我最欣賞難得， 甚至乎彈結他， 佢保持到彈落去嘅感覺， 但係純净， 即係話佢個速度同埋動態都係 保持到， 滿滿貴氣 但帶著自然嘅感覺， 低頻逼力 雖然不算強， 但係墊底很好， 唔係一種話畀你聽我存在嘅感覺， 但佢確實存在， 而且係擴散型， 聽爵士音樂同埋流行曲， 埋身嘅感覺會返嚟， 但係聽番古典， 佢又會擴散返出去， 而且古典味極濃！ 你話一個咁嘅牆插， 魅力又如何抵擋？

睇好多文章， 好多人都話R1 同 R0 在oyaide係最好， 坦白講， 我完全唔認同， 我之前都係因為人哋咁講， 我先至冇走去玩DX GX， 但係基於完全找不到review， 我嘅好奇心又出現， 真係好想試一試， 點知試完， 再反覆同之前嘅插頭 輪流 測試， 終於找到自己心中所要， 咁佢就變成我嘅參考插頭了{:5_538:} ， 所以你會見到我買咗三個， 就係愛嚟擺曬喺拖板， 就算重複使用， 都完全冇問題

kazfe

一休大師 發表於 2022-3-22 19:58
DX 音場感 非常優秀， 高音伸廷好， 透明感極高， 動態同埋速度都係好好， 但係如果埋身嗰啲嘢， 質感上 ...

多谢晒哈哈哈哈 明白 GX我买一个

darkfrank

一休大師 發表於 2022-3-22 19:21
前嗰排我都有玩呢啲插頭， 試咗好多好多， 最後都係揀咗oyaide 篩選， 不過師兄你呢隻我就冇玩， 因為我已 ...

主要係鈹銅聽感唔係個個喜歡，我自己對oyaide用鈹銅既產品都唔太like。

一休大師

darkfrank 發表於 2022-3-22 22:28
主要係鈹銅聽感唔係個個喜歡，我自己對oyaide用鈹銅既產品都唔太like。

呢個係事實， 的而且確每個人喜好不同， 我記得我用R0 嗰陣時， 我個friend 上嚟聽得好過癮， 跟住我換咗古河 純銅嗰陣時， 佢話雖然好聽， 但係佢鍾意之前一拳打埋嚟嗰種感覺{:5_454:} ， 所以我覺得 口味真係好緊要！

玩呢啲插頭， 大大話話玩咗我半年， 係佢哋玩我半年， 每個插頭 都有佢嘅特性， 每個都有佢哋嘅優點， 但係可以長相廝守的， 真係好難好難好難！
當你玩完oyaide R0， 你就會知道點解R1 要加嗰啲鍍層， 目的就係填補佢嗰啲缺點，R0 畀我嘅感覺， 開頭覺得幾中性， 幾實淨， 又夠sharp， 但係聽聽下， 你就會覺得啲嘢好埋身， 雖然好有質感， 但係好迫， 好似好想表達 樣樣嘢擺曬喺你面前， 而且個框 畫得好好， 但幼細同埋前後感 都好缺乏， 但係當你換咗R1， 同樣係一個精神嘅聲音， 但係會幼細好多， 爆發力又好， 成個畫面撐得開啲， 有質感之餘， 同樣有空間感，  因為佢個泛音靚好多， 但係好可惜， 佢嘅聲音唔夠真實， 呢個亦都係我放棄佢嘅主要原因！

我自己用嗰套機 唔係啲乜嘢參考級， 其實都唔可以代表啲乜嘢， 主要都係 分享下畀大家 我自己嘅經歷， 因為都浪費咗好多好多錢， 呢半年都玩咗我好多時間， 原本都唔想出文， 因為見依家都冇咩人like， 怕騷擾住大家， 不過見到有師兄講起， 我就諗起呢半年經歷， 所以嘗試分享下， 希望大家 都會喜歡！ 如果真係有興趣， 我都唔會介意 分享返個全集！ 不過真係好長好長篇{:5_486:} ， 我都覺得自己好痴線

kenny

R1 FurtureGTX鍍銠 wattgate381，都用緊，效果最好係美國產Wattgate381RH，R1或者GTX同381比無論層次 解析力 結像度 密度 衝擊力都唔係一個級數，硬素質必定輸。咁可能好多人會話聽人聲這兩個日本代表牌子必定可以挽回面子，但係事實比較殘酷，如果唔同381rh比，兩個日本牌子聽人聲都OK，幼細 有韻味，有種被打磨得好光滑感覺。但係381rh開聲你就覺得人會好精神企係你面前唱，而前兩者係趴在地上唱，所有樂器人聲層次分明，R1 GTX會朦同散，感受唔到人聲感情變化。

kenny

前提係最早期美國產381，宜家在產381EVO都有用，效果稍稍差啲，不過都會比GTX好。

HaiFaiYau@FB

一休大師 發表於 2022-3-22 23:05
呢個係事實， 的而且確每個人喜好不同， 我記得我用R0 嗰陣時， 我個friend 上嚟聽得好過癮， 跟住我換咗 ...

等緊大師玩牆插報告呢！牆插影響相當大！都既然花左甘多心機資源…好希望大師能予分享…讓我等門外看／漢行少好多枉路{:5_104:}

仲以為大師仲用緊R1 FurtureGTX