Naim Atom + Pro Ac Tablette 10S 開箱（無買貴無買錯）

五無人仕

在網上爬文已經差不多半年，最近下定決心購買Naim Atom + Pro Ac Tablette 10 Signature。書房空間超細尋尋覓覓找一套聽得下的音響組合，首先要細、第二要好聲、第三要靚仔、第四要負擔得起…睇過國仁兄的介紹，不斷上網爬文，終於有了心儀的組合。早前去左代理威達試機，聽左之後認為係呢套組合了；一個月後再到地庫試機，心中再有盤算；時間過得真快，再過多兩個月後又到觀塘工廈試機…試來試去卒之下定決心，付款去了！

五無人仕

返到屋企，一於攪攪佢。好好好聲！

vf4

恭喜晒，慢慢enjoy

vhs

ctc2008

Nice system!

ericleung1572

咦！我最近都買咗Tablette 10S，細細隻但音場一流。

bigpun1975

師兄個工作地方好正

五無人仕

bigpun1975 發表於 2020-10-2 10:15
師兄個工作地方好正

多謝欣賞！
這是我的書房也是我工作的地方，小弟長期WFH一套好的音響是多年來的夢想，現在有了這套細細部的All in one 串流播放器和一對容易擺位的英國喇叭，實在聽得十分開心！！！

haha12

恭喜師兄， 咁多年來小書架都係 Proac 強項， 聲音精巧有緻尤其適合細空間發揮， 一定吾會買錯.

chakat

五無人仕 發表於 2020-10-1 21:40
返到屋企，一於攪攪佢。好好好聲！

恭喜師兄！很善慕師兄有間大書房！我都係長期WFH，但因音響放廳，WFH時，書房只能聽Harman/Kardon喇叭，或者直接開廳音響。。。做一陣走出去享受一陣，又回書房工作。。。我都想有對似樣D的喇叭放書房。。。

hd308

識得搵 Kinder 兄要貨，師兄實有好嘢聽

Kong43

T10S 真係紅到發紫,超級靚聲,人人買得起。

五無人仕

hd308 發表於 2020-10-2 19:11
識得搵 Kinder 兄要貨，師兄實有好嘢聽

你又知？

五無人仕

Kong43 發表於 2020-10-2 20:27
T10S 真係紅到發紫,超級靚聲,人人買得起。

有高人這樣講過：Tablette 10 Signature 唔同皮紋會有唔同的聲音，Cherry 木紋跟 Ebony 木紋不相同，引至音箱發出的聲音也不相同（大致上係咁上下）。真的嗎？

KimmyWong

恭喜師兄，我之前都係用Atom,靚仔又好聲，我配1SC都好好聲，Naim個app好好用，唔會hang，好過TEAC幾倍

Kong43

五無人仕 發表於 2020-10-2 20:34
有高人這樣講過：Tablette 10 Signature 唔同皮紋會有唔同的聲音，Cherry 木紋跟 Ebony 木紋不相同，引至 ...

我又聽過Sales話Ebony 的單元是精選的，所以靚聲D，不過我個人覺得除左Cherry及黑色外，ProAc其他木皮都好靚，手工都唔錯，但可以再好D。

iceparka

請問Naim 配呢對ProAc T10s 用咩喇叭線夾？ 用返Naim A5 線係咪最basic 及此價位內最理想？

五無人仕

iceparka 發表於 2020-10-3 01:42
請問Naim 配呢對ProAc T10s 用咩喇叭線夾？ 用返Naim A5 線係咪最basic 及此價位內最理想？ ...

我對線材不太懂，店東推介使用 SAEC SPC-850 喇叭散線，再配冷凍紫銅鍍金喇叭蕉，好似話係日本高品質性價比高的產品。由於我的書房空間很細，喇叭放到枱頭位置差不多觸手可及，原本只需要購買1.5M-2M喇叭散便足夠。不過店東建議至少要買3M，他解釋喇叭線太短對音樂的餘韻和力度有所下降。
你話的Naim A5線是什麼來的，跟機的盒內好似無線材，要另外購買嗎？

iceparka

五無人仕 發表於 2020-10-3 09:23
我對線材不太懂，店東推介使用 SAEC SPC-850 喇叭散線，再配冷凍紫銅鍍金喇叭蕉，好似話係日本高品質性價 ...

係呀師兄 要另購,見外國 Forum D人有推介

五無人仕

Naim+ProAc 已經開箱十多天，放在廳中的紙盒是時候可以掉了。不過自從Made in England紙箱入屋後，每天都被兩隻貓貓佔據著…呢兩隻貓真係好喜歡呢個ProAc紙箱，無哂辦法唯有再過多幾日先清走紙箱好了！