令我的CAS更動聽 - I-mini Fiber Switch

7500martin

六七年前， 如果同人講Lan線分插(Switch) 可以改善聲音質素，換來的可能只是音響騙子！時至今時今日，相信沒有多少人會再懷疑Switch在CAS體系上的重要性。想當年由大約一千元的PPA Switch去到最後期的PPA OCXO Switch（五千多元）版本，我個人都非常滿意。當然你問我有沒有更好！？相信一定有！只是衡量現用的一套Auralic G2體系，我個人覺得這個花費已經足夠了！

一次偶然探訪版主，見版主強勁推介， 於是姑且借回家一試！ 機箱不大，卻集合了Switch, OCXO Clock, 光隔和LPS於一身，都不得不算神奇！對於光隔這一玩意，有人讚同有人反對，百花齊放，這正是CAS樂趣之道！在我而言，我關心的只是結果，因此就算集百家功能集於一身，但假如不能滿足我的要求，一切也只是徒然！



閒話休提，直接換上這個ID Works I-mini Fiber OCXO Switch 聽聽如何。初步聽感，相比PPA 肯定是來得悅耳! 以往亦曾試過另一本地製作switch， 取向也是偏向音樂性，只是感覺在細節上亦相應模糊了！當然不是人人追求高分析力，高解像！一切全仗著個人的取向和組合匹配。 因此為求進一步確定我的推斷，再選取幾首古典大爆棚內測試！ 一上一落，依然乾淨俐落，絕對沒有拖泥帶水！應有的細節和動態更沒有因為悅耳而作出犧牲！心想今次破財是免不了！



為求進一步確定我的聽感，再次接上PPA OCXO比較！即時發現PPA聲音剛勁有餘，卻欠缺了ID Works柔韌， 無可否認，在PPA OCXO 的演繹下， 低頻延伸確是充滿霸氣，特別是一曲La La Land ，可是當換上ID Works I-mini Fiber Switch，我又即時被他那種緊湊和緊緻的低頻所吸引！ 於是再來一張Yo Yo Ma Play Ennio Morricone. 我的太座即時說從未聽過馬友友拉得如此感人！似乎今次這5880大元一定慳不了！

既然聽得如此起勁，再來一曲 小田和正愛情總是突然而來！以往聽此曲，總覺得聲音充滿砂石，甚至有點吵耳，一直以為是CAS本質作祟! 直到換用今次的ID Work，才知道真正問題所在。 因此只是聆聽了短短一個鐘，我就決定下單！

數天過後， 新的Switch 卒之到手！ 越聽越開心！忽發奇想，版主的那個demo我還在手！不知道行雙Switch結果會如何呢? 不試猶自可，一試便知自尋煩惱！行雙switch即時感覺就是更加完滿! 此話怎說？他不是那種高音伸延有幾高，低音下潛有幾低，又或是音場有幾深有幾闊？感覺就像是一幅原本只是5000像素的相片忽然變作一萬像素但本身尺寸不變！你說這個改變大嗎？ 我只會答你最好不要試！



當然大家可能會問，和坊間某幾個名牌Switch比較又如何?  老實說，我個人就沒有試過！可是單單一件Switch就已經是過萬元級，還未計LPS的配置。 當中有一些品牌，需要另外接駁時鐘， 小數怕長計，三四萬一定是走不了，可不要忘記所佔的空間呢！ 假如我是用上十萬元級以上的CAS體系，那又另作別論。

5880大元不算太過便宜！ 但是在市場上你找到同類型的產品嗎？ 我自己就想不到了！ 年紀大了， 錢不是不願花， 只是想花在其他地方會否更值得呢？ 這點我還是留待看倌們決定！ 我自己就不再想了！因為我非常享受現在得出來的聲音成果， 現在所考慮是否需要再買多一部罷了！

bigpun1975

有太座加持實在難得呀！

Legionee

bigpun1975 發表於 2020-10-31 19:53
有太座加持實在難得呀！

唉~我老婆學精咗喇.~明明聽到好聲咗都唔讚, 少咗個鼓勵

bigpun1975

Legionee 發表於 2020-10-31 20:02
唉~我老婆學精咗喇.~明明聽到好聲咗都唔讚, 少咗個鼓勵

我老婆刀唔會讚，但係如果好聽佢會錄低掉上 FB

racewong

Legionee 發表於 2020-10-31 20:02
唉~我老婆學精咗喇.~明明聽到好聲咗都唔讚, 少咗個鼓勵

咁鬼精

AWRY

一部就非常高性價比，但如買兩部先好聲的話再比多少少，已經可入 Ansuz

7500martin

AWRY 發表於 2020-11-1 01:26
一部就非常高性價比，但如買兩部先好聲的話再比多少少，已經可入 Ansuz
...

就算你買兩部的話，也只可以買到入門的Ansuz！ Ansuz 我都好好奇, 是否真的這麼犀利! 可是我的Auralic G2組合又未去到這麼高的價錢來匹配！

史的墳

7500martin 發表於 2020-11-1 06:42
就算你買兩部的話，也只可以買到入門的Ansuz！ Ansuz 我都好好奇, 是否真的這麼犀利! 可是我的Auralic G2 ...

馬田兄，想加多部的話，可以拎俾 Edmund 升級加多部 Switch 於同一機箱架 借圖一用



另外，想唔想試下兩部 SoTM Switch 加 SoTM 10M 鐘配威馬頂級鐘線既威力？

史的墳

7500martin 發表於 2020-11-1 06:42
就算你買兩部的話，也只可以買到入門的Ansuz！ Ansuz 我都好好奇, 是否真的這麼犀利! 可是我的Auralic G2 ...

加多部都買唔到 Ansuz 掛

AWRY

7500martin 發表於 2020-11-1 06:42
就算你買兩部的話，也只可以買到入門的Ansuz！ Ansuz 我都好好奇, 是否真的這麼犀利! 可是我的Auralic G2 ...

當然只係用入門比較，老頂真係超級高燒先夠膽玩

7500martin

AWRY 發表於 2020-11-1 11:09
當然只係用入門比較，老頂真係超級高燒先夠膽玩

老頂嗰部賣十皮！ 好老實嗰句， 就算幾好都好， 我都會衡量返我套cas有冇去到咁貴先? 冇理由妹仔大過主人婆㗎嘛！ 更何況都有少少捉心理，唔貴你班友就冇興趣去睇！

7500martin

史的墳 發表於 2020-11-1 07:43
馬田兄，想加多部的話，可以拎俾 Edmund 升級加多部 Switch 於同一機箱架 借圖一用

我寧願分返開兩部玩呀！ 一部放喺房近router，另外一部放喺廳近music server！

SOTM 我未玩過呀！ 我嫌佢太煩， 又要配個鐘，又要另外加LPS! 埋單分分鐘四五萬！ 咁你有冇同ID Work比較呀? 我覺得輸少已經當贏㗎啦！ 問題只係輸幾多啫！？

jackyming

新手玩家問問
Fiber Lan input是否接NAS?

racewong

7500martin 發表於 2020-11-1 12:47
我寧願分返開兩部玩呀！ 一部放喺房近router，另外一部放喺廳近music server！

SOTM 我未玩過呀！ 我嫌 ...

輸就預左. 問題真係睇下輸幾多

史的墳

7500martin 發表於 2020-11-1 12:47
我寧願分返開兩部玩呀！ 一部放喺房近router，另外一部放喺廳近music server！

SOTM 我未玩過呀！ 我嫌 ...

試左好耐。

冇得比較架波......

答案係六、七萬。

7500martin

jackyming 發表於 2020-11-1 12:54
新手玩家問問
Fiber Lan input是否接NAS?

我自己的接駁方法，就是nas入router, router再入switch!

7500martin

史的墳 發表於 2020-11-1 13:06
試左好耐。

冇得比較架波......  

原來你套sotm要成六七萬！ 我套Auralic G2加埋先至呢個價錢！ 我一肯定說服唔到自己買套sotm囉！

史的墳

7500martin 發表於 2020-11-1 13:42
原來你套sotm要成六七萬！ 我套Auralic G2加埋先至呢個價錢！ 我一肯定說服唔到自己買套sotm囉！{:5_477: ...

換左 G2.1 先啦，正好多架！

bmonkey999

Sotm 我成套我借返嚟試用過真係不得了,這一個如果輸少少就當贏了

jerryyau

剛剛開箱，部機份量十足，我主要用來聽tidal, 用後十分有驚喜，老闆都讚呢