新手第一次換喇叭線

Teran

本人新手一名，新到HiFi牌子都唔認識多個，唔知道每個牌子的優劣，所以唔捨得用好多錢玩HiFi, 一直渾渾噩噩聽住先，成日喺forum見到有人話線材好緊要, 電源好緊要，都唔敢亂買。
直至有一次, 有位朋友換左同我同牌子的擴音機, 上左佢屋企聽, 咦，好似好聽過自己屋企嗰套好多喎。由於朋友都有來過聽過我套HiFi, 大家就研究左一陣，朋友提議，不如換下條喇叭線啦，大家套機最大分別就係條喇叭線。然後記得Wilson啲線有得試左至買喎，啱晒我呢啲驚駛錯錢買錯野既新仔。
Wilson好好人, 講左好多知識比我知，中間過程唔多講,講下換左條喇叭線既感覺。
低音實淨返(原本低音比較遜色)，歌手既結像升高左, 音場闊左少少，整體密度提升左。最明顯係樂器部份，以前人聲ok, 但樂器聲就比較薄弱，現在所有樂器都出晒來。我唔信邪，覺得自己心理作用，安排左朋友上來聽，無專登話比佢知換左喇叭線既情況下，朋友一聽覺得好疑惑，點解唔同左聲，好聲左咁多，然後佢望到喇叭線唔同左，話唔怪得啦！
買左條喇叭線，來緊準備試埋電源線和訊號線，聽好多人講，電源線係最影響啲聲既，好期待到時又會帶來乜野變化。

Tomt

師兄試過咩牌子型號線呢？

racewong

有無相片呀???

這篇分享寫得好好呀  如有相片就更GOOD

Teran

Tomt 發表於 2020-11-10 14:57
師兄試過咩牌子型號線呢？

無呀，無得試又唔識，所以之前都係用朋友比既線，無牌子架

dekiller

                          

bigpun1975

期待電源線報告