一鋪清袋全家福(三)(聽感篇)

martin845

一直未寫第三篇聽感
因為仲等緊圖中既金仔線

是咁的，當全家福駁埋之後，第一件事開聲，然後就係好大聲，原本都已經唔敢扭得太大，只係扭左4份1，但都嚇一跳。然後發覺以原廠SETTING，金仔正常音量只可以扭到-58至-6xdb，唔係話音質差，但都無理由只用到10份1 volume都無。爬完一大輪文，打去代理請教，先至理解digital volume，output level 同音壓關係，呢D野係之前做功課時完全無法預計。

原來AURALIC XLR 有4.5V輸出，根據網上文章講，唔好郁DAC既VOLUME，應調低output level，但用係我套機，明顯動態大幅壓抑，結果將DIGITAL VOLUME 每5度調低去試，最終調到50，成件事先平衡返，金仔VOLUME可以用到-35至-40。

要講落去仲有好多，以下SUMMARY係呢幾星期心得，費事長篇大論悶親人，希望記低俾後來師兄GOOGLE搵返，慳返D時間。

1:AURALIC XLR平衡同金仔係反相，原本試金仔機背反相制，但效果仍然爭D，於是改用機前的PHASE制，結果用左後者，成件事正哂。結論，愈近SOURCE改用反相愈準，機背係FOR前級去後級，機前個制係前級已反相，其實爬文應該係SOURCE反相最好，但ALTAIR G1無，見ARIES純TRANSPORT就有

2:AURALIC DIGITAL VOULME 控制輸出係有效/優於減OUTPUT LEVEL，至少我套機係咁

3:AURALIC 無遙控器，但可LEARN任何遙控，初頭在APP搵左好耐都無，結果原來只有控機身MENU先有，但用落真係堅正，因為可LEARN金仔，而家一控兩機

4:AURALIC APP 想ADD歌做PLAYLIST，每PLAYLIST只ADD到100首，後來才發現，原來佢加 SSD FOLDER內歌曲，要碌到最底，等佢顯示哂所有歌才ADD，咁先ADD哂成個FOLDER既歌入PLAYLIST，最多每張LIST可ADD 999首

5:驚低音太少，所以一開始喇叭線插中低再JUMPER上高音，但比起正高負低插法，前者雖然多中低，但伸延完全唔得，後者令音場立體好多，兩端伸延大好多

終於講聽感，RUN到而家其實都唔耐，應唔過100小時，而家音場明顯比以前闊好多，撐得比以前LS50W開好多，高低伸延及平衡度高，以前LS50W 係凸出沙沙地人聲，聽jazz 尤其正，而家相比平衡度高左，聽多左弱音，樂器出返黎，不過明顯金味無係阿二個度咁正。

正如鎗王版主所講，估計係前半太清，太快，太衝，於是忍唔住又訂左金仔RCA想比較下，買RCA另一原因就係正如頭先所講，XLR輸出太大，而家改用RCA，ALTAIR G1可以開返100 VOLUME，然後bypass pre amp。結果RCA人聲金味返哂黎，較xlr 前左，尾音多返，但相對地，音樂明顯比XLR無咁分離，背景亦無咁靜，但如果RCA聽人聲及JAZZ，甜味即刻返哂黎，其實用左兩星期XLR，聽RCA同一首歌，直情好似逐個字慢慢吐出來，心諗點解仲未唱出黎，哈哈。總之而家聽人聲就RCA，聽小提琴,快歌，LIVE，動態大既音樂，XLR明顯正好多

結論，暫時好滿意呢個組合，由使用體驗到聽感，都明顯比以前好得多，唯一缺點係，而家夜晚聽JAZZ，因為太舒服，好容易係梳化瞓着左，聽唔到好耐既歌

racewong

你部G2無xlr反相輸出嗎？

racewong

其實新款金仔， 用xlr與RCA都各有精彩， 唔而要太在乎接線的制式， 可能DAC TO PRE用RCA, 前去後用XLR會有更好表現

martin845

太抬舉我
我只係altair g1
我估佢digital transport 先有反相選項
g1 有dac 就無

然後我金仔合併機
只可揀一樣
無得分前後
不過而家兩種都插住
得閒就轉下聽感
都開心