金仔A47與B&W的搭配

dchen2003

各位師兄好，小弟的後級是金仔A47，目前是用來推Sonus Faber Olympica III。
請問師兄如果把喇叭換成B&W的800系列，最高可以推得動800系列的哪一款喇叭？

rapoo

最多805.
804 有音出，唔代表控制好

racewong

rapoo 發表於 2020-12-9 02:04
最多805.
804 有音出，唔代表控制好

我很贊同

racewong

仲有最緊要的問題係, 你聆聽環境有幾大?

一休大師

一隻食飽咗嘅805， 其實已經好鬼正， 我記得當年數碼方 咁大個場，805 依然爆得起！ 出嚟效果 絕對好過食唔飽嘅804 ， 當然本質潛能 一定係越高model越好， 難度都係相對提高

我自己當年試過 金仔460推804， 其實效果唔係差， 都可以靚聲嘅， 只不過好快會散啫！ 如果唔係抽機 其實效果都ok嘅！A45推805 喺人哋屋企試過 效果都好好！ 我諗樓主呢個case 大概係中間位到啦！ 所以咁多人買805 其實唔係冇原因， 用得靚架撐 就唔會推804 咁簡單， 除非地方食唔起， 所以805 同埋802 係最受歡迎 型號 就係咁解！

dchen2003

一休大師 發表於 2020-12-9 11:05
一隻食飽咗嘅805， 其實已經好鬼正， 我記得當年數碼方 咁大個場，805 依然爆得起！ 出嚟效果 絕對好過食唔 ...

一休大師兄感謝您的點解，小弟客廳約210呎，原本是看中803D3，因為其turbine head 看起來好靚，聲音也不差，但無奈擴音機只有Class A 45W，而且預算少少，換了803D3就無法升級擴音機。

請問一休大師兄，金仔區區45W是否真能推得動803D3？您的回覆是否說如果空間足夠，推802D3也沒問題，因為聽了好多師兄的意見，看法都不太相同，擔心A47推起803D3力道不足。

最後跟一休大師兄說聲抱歉，小弟因為是台北人，您的回覆有些看不太懂，還請大師見諒！

dchen2003

racewong 發表於 2020-12-9 10:54
仲有最緊要的問題係, 你聆聽環境有幾大?

Racewong 師兄您好，小弟客廳空間約210呎，若加上一旁的餐廳差不多300多呎，還麻煩Racewong師兄點解！

racewong

dchen2003 發表於 2020-12-9 13:24
Racewong 師兄您好，小弟客廳空間約210呎，若加上一旁的餐廳差不多300多呎，還麻煩Racewong師兄點解！{:7 ...

聽唔聽大棚古典?

始終805書架喇叭是有極限的, 如果在300尺的地方, 普通POP的中低音還可應付, 但如你要聽古典的話, 就建議找一些高質易推的喇叭, 配搭A47會好好多.

dchen2003

Racewong 師兄您好，小弟聽的音樂各種類型都有，爆棚古典也包含在內，請問Racewong 師兄，是否能推薦幾款適合小弟A47的喇叭供參考？

非常感謝！

一休大師

dchen2003 發表於 2020-12-9 13:20
一休大師兄感謝您的點解，小弟客廳約210呎，原本是看中803D3，因為其turbine head 看起來好靚，聲音也不 ...

我嘗試下慢慢解答你！

首先 如果你意思係一矢中的，A47 完全發揮803d3 咁我諗係冇乜可能， 但是否 完全唔得 我到不認為， 因為玩音響 都係長期抗爭 你將來也會升級， 買咗喜歡嘅喇叭， 然後慢慢升級 其他 將來一樣可以玩得好，A47 其實可以玩住先， 雖然佢嘅火數 看上去很少， 但實質效果 絕對唔係小， 加上其實其他嘢 影響都可以好大， 例如 如果你嘅前級 死氣沉沉 冇乜控制力， 就算畀你一部A75 效果一樣係差， 所以其實都要睇整體， 只不過當初你嘅問題 只係後級 同埋功放， 咁所以就咁樣解答你！

至於你嘅空間 有成二百呎 呼吸量有300呎， 其實都可以玩到好多喇叭， 但係喇叭同空間配合， 其實都好緊要， 純粹以大細去量度 其實都好籠統， 我自己喺同一個地方 試過用803 804 805， 密度同埋呼吸量都好大分別， 就算空間好適合， 有啲嘢都唔係一定係贏曬， 如果你想穩陣啲， 有張空間嘅相， 咁我諗命中率會高少少， 即係各師兄畀你嘅意見 方面會準繩啲！

至於力度我不知道你心目中嘅方向是什麼？ 金嗓子係屬於暗勁嗰種， 如果係a類 就係屬於細細聲 頭段都食得好飽嗰種感覺， 如果係你心目中嘅要求 咁！可以繼續使用！ 如果你係要爆發力 或者震撼嘅場面 就算你用到 旗艦單聲道 佢都唔會畀到你！ 咁你就要睇返你自己個人嘅口味

總括嚟講 有二三百呎 可以玩 803d3，A47 玩住先都得 ！
依家好似電話睇醫生 一樣， 電話裏面你跟我說 你頭痛， 咁我好籠統咁答你 食粒必理痛先！

dchen2003

一休大師兄，感謝您為小弟把脈診斷，如您所說，玩音響要一步一步來，小弟我也沒有那種一次攻頂的財力，那就慢慢玩，慢慢累積功力。
小弟之所以一直問各位師兄A47是否推得動ＸＸ喇叭是因為剛購入沒多久，實在捨不得把它賣掉，目前就先用A47頂著用。
在YouTube上有看到許多影片用更小出力的A類金仔合併機來推800系列，似乎也都還行，就聽聽看當個參考。

再次感謝一休大師兄為小弟點解！

dchen2003

感謝所有為小弟解答的師兄，小弟目前心中已經有個譜，先就現有的設備再多花點時間去研究體會，了解到底我要的是什麼，購入新設備的這一步就暫時緩一緩，有空多到店家聽聽，比較比較應該才是比較明確的做法！

racewong

dchen2003 發表於 2020-12-9 16:14
感謝所有為小弟解答的師兄，小弟目前心中已經有個譜，先就現有的設備再多花點時間去研究體會，了解到底我要 ...

如果試D諗住會升級後級的話， 可能先買803d, 用47聽住先。

儲夠錢就買多部47玩bi amp推803d.

咁就可以滿足晒你的慾望。 哈哈

dchen2003

racewong 發表於 2020-12-9 16:50
如果試D諗住會升級後級的話， 可能先買803d, 用47聽住先。

儲夠錢就買多部47玩bi amp推803d.

Racewong 師兄您好,

小弟還是先用一台A47頂一頂

racewong

dchen2003 發表於 2020-12-9 17:32
Racewong 師兄您好,

小弟還是先用一台A47頂一頂

最緊要係你鐘意對803， 就會諗盡方法去玩好佢

Tomt

我都係用緊803D3，試過幾隻牌子後级，如性價比高可用Lux M900u，入面零件全部都係MIJ，工藝水平不比A牌差，音色，有音樂感，高分析力，音埸闊，動態唔差(但冇美機哪種硬勁拳拳到肉）但也不弱，
我用緊两部bi amp推803，但試過一部唔係差好
多，只係定位清析度，低頻動態差啲啲，

rapoo

財力有限不能一步到位，基本上大家都是逐步升级。 音響器材喇叭最值得投資。決定最後高度和方向。B&W最高性價比是802和804。805加腳架價位和804差不多了！座地喇叭比書架好。不買803

Tomt

rapoo 發表於 2020-12-9 20:59
財力有限不能一步到位，基本上大家都是逐步升级。 音響器材喇叭最值得投資。決定最後高度和方向。B&W最高性 ...

性價比最高係800D3，HK只賣20萬，香港買喇叭越大越抵，書架最唔抵.        㸃解好似二手車V12/6000cc，賓屎S幾萬就買到.同年份C仔賣十幾萬、

rapoo

800當然好，800和802是廠方同一技術結構。
803/804是另一组別。A47是玩書架. 樓主情况常見.
一步步建自己羅馬. HIFI友買器材,如下棋,要思考後三步棋.
見步行步輸錢.

所以推不好的喇叭,當然可以買. <唯有玩下先>

racewong

rapoo 發表於 2020-12-10 11:32
800當然好，800和802是廠方同一技術結構。
803/804是另一组別。A47是玩書架. 樓主情况常見.
一步步建自己羅 ...

係呀， 所以先買心儀既喇叭， 慢慢聽住先， 等儲夠錢， 才入多一部A47玩bi-amp, 到時喇叭又煲熟左， 加多部A47玩Bi amp就一定有大提升啦