係唔係hi-fi級嘅lan cable唔係全部都可以行到1000m？

thunder3988

想請教一下各位ching係唔係嗰啲hi-fi級嘅lan cable唔係全部都可以行到1000m？因為我個網絡系統除咗攞嚟聽歌之外，仲會攞嚟睇戲同埋打機，屋企行pccw 1000m，牆身光盒去modem、linger audio router、sotm iso-cat6、光隔、melco s100、sotm  snh-10g、hifi電腦，而家用緊6條lan cable，telegartner mpf 8 gold ll、sotm dcbl cat7、aq diamond、jcat银、jcat金、dalby meda、之前買呢D線嘅時候，完全冇留意到速度嘅問題，但駁好之後個網速係完全冇問題，speedtest無論upload同埋download都可以去到900幾m，而家想換走其中2-3條, 咁啱又見到siltech同crystal出左lan cable，諗住入兩條siltech crown network同1条crystal network absolute dream，臨去比錢落訂嘅時候突然之間心血來潮上佢地個官網睇下，見到無論糸siltech或crystal既lan cable，都寫住"網络電䌫使用100base-tx規格，該規格支援最高100mpbs的速度"，馬上打比賣線比我嗰個人，佢隔咗15分鐘之後覆我話無論係siltech同crystal嘅網線都只係最高支援到100m嘅網速，跟住我又打去crystal既代理問，佢答我話普通幾十蚊嘅網線都行到1000m啦，何況係呢啲靚银線，應該冇問題既，我同佢講咗我嘅用途，仲話我係會一次過買幾條嘅，萬一買咗行唔到1000m咁就有啲麻煩喇，問佢可唔可以幫我問清楚啲呢，跟住我留咗電話號碼比佢，隔咗兩日之後都冇聲冇氣無回覆，呢啲咁嘅服務態度真係very good一流無得頂
因為我冇辦法得到一個正確肯定嘅答案，而家用緊嘅網線由幾千去到2萬幾都有，全部都行到1000m，就係siltech同crystal嘅網線寫明只係行到100m，想請各位師兄幫忙解答下我嘅疑問

AWRY

其實你自己都已經有答案，唔理係唔係 HIFI 只要係 100Mb 就唔合乎你要求，搵其他 1000Mb 線吧
揸開林寶，唔通叫你揸本田咩？極速限定咗就無辦法改變。買咗唔開心重影響埋自己。
記住 LAN 線此終係數碼產品，有啲品牌未必會追得咁貼。

thunder3988

唔係呀師兄，我係真係冇答案呀，有答案仲邊度會仲嘥時間喺呢度問吖，因為我個糸统入面都用咗唔少siltech同crystal既高階產品，而家見到佢哋有出網線，而且佢哋又係純銀線啱我要求，所以想用返佢哋，同埋暫時只系見到佢哋有列明100base-tx呢個規格，自己冇咩呢方面嘅常識，出面玩hifi既人又識唔多，問唔到所以先唯有喺呢度問咋，有答案仲要嘥時間喺度問吾通刷存在感咩？
siltech同crystal呢兩個牌子我鍾意，而家我只係想確定下佢哋嘅網線係咪唔可以行到1000mb？因為賣線比我嗰個人話唔得，但係打去代理問佢哋又話應該得

Hangaround

thunder3988 發表於 2020-12-26 02:34
唔係呀師兄，我係真係冇答案呀，有答案仲邊度會仲嘥時間喺呢度問吖，因為我個糸统入面都用咗唔少siltech同c ...

師兄,以我愚見,你買的線應該係CAT 8.CAT 8線理論網速可以達到40Gb/s。一般網速的限制在Modem或Switch度,既然你之前用開冇問題,呢幾條新線應該唔會拉低你的網速由1000M(1G)去到100M呱?

ttty

cat 5e，cat6 ,cat7,cat8或以上可support 1000m，其他不能

Midnighteye

siltech同crystal嘅網線寫明只係行到100m

咁就係囉，廠商自己都無做TEST係達唔達到CAT5e

你真係好想買，就問下代理可唔可以現場做測試，測速器都係100蚊左右

PhantomGTR

路過搭句咀，可能只係廠家無俾錢同時間去同呢D 產做認證，唔代表呢D 產品無咁既能力或質素。

imho，係盛行耳仔收貨的 hifi 世界，好多產品都無跟返本身標準嚟做，如 usb cable, lan cable, coaxial cable 等線本身要幾多 ohm, shielding 等等。出到聲，過到電就算，最緊要「好聲」。

只是，小弟覺得，係 upstream 既供電、digital 個部份最緊要用合符 industrial standard 既嘢，同埋 data handling/transfer 要準。搵呢以準同可靠做 selling point 既供電、digital 產品，rather than 以音色做 selling point 既供電、digital 產品，日後條 hifi 路會走少好多冤枉路。

至於調音既嘢，留返俾 downstream 既 analogue 部份做吧。

Just my 2 cents.

AWRY

thunder3988 發表於 2020-12-26 02:34
因為賣線比我嗰個人話唔得，但係打去代理問佢哋又話應該得

因為商品說明條例，賣俾你嗰個要上身，寧願你唔買好過煩，你開咗唔啱 Spec 回水事少，你報上海關佢仲仆街，代理都係講「應該」就梗係唔得啦，你唔好當代理傻，梗係知道廠方係 100 就係 100，因為 Lan 線唔係100就1000，如一定得代理又賣開貴野仲會講應該

另外我條 Entreq Lan 線農夫網站寫明係 100 Mb，亦都只係可以行到 9xMb，但係我只係用喺 Streamer，如果駁 NAS 用 100Mb 推 DSD 256 File 喺數字上面可能會聽聽下斷斷續續，不如係屋企附近電腦鋪買條 cheap 野或者睇吓屋企有冇 100Mb 線，試吓你而家嘅器材用100 Mb 順唔順暢先再決定吧。
直接咁講 HIFI Lan 線除非係廠家，一般 HIFI sales其實只係賣型號，佢哋都係識條鐵咩，講嚟講去屏蔽純銀度銀...etc
問佢有冇用實話有用，但係用咗有乜嘢效果就全部答你唔到

thunder3988

ttty 發表於 2020-12-26 08:56
cat 5e，cat6 ,cat7,cat8或以上可support 1000m，其他不能

係囉，查過資料cat5e以上先至可以行到1000m，見到啲hifi網線都係會用cat 7、cat 8嚟做標榜，而家係第一次見到100base-tx呢樣野

thunder3988

Midnighteye 發表於 2020-12-26 10:34
siltech同crystal嘅網線寫明只係行到100m

咁就係囉，廠商自己都無做TEST係達唔達到CAT5e

問佢哋可唔可以行到1000m佢哋就話應該得，跟住叫佢哋幫忙查清楚跟住覆我，幾日都唔覆，我又唔係白撞都話左之前已經買咗唔少呢兩個牌子嘅嘢，乜乜冠乜乜夢都入左吾少啦，我係有誠意買嘅只不過想查清楚我想知嘅嘢啫，佢地連回覆一下都唔做嘅仲問佢可唔可以到現場測試，我諗真係慳番啖氣好過

thunder3988

PhantomGTR 發表於 2020-12-26 11:24
路過搭句咀，可能只係廠家無俾錢同時間去同呢D 產做認證，唔代表呢D 產品無咁既能力或質素。

imho，係盛行 ...

ching唔該哂，令我學到嘢

thunder3988

AWRY 發表於 2020-12-26 11:27
因為商品說明條例，賣俾你嗰個要上身，寧願你唔買好過煩，你開咗唔啱 Spec 回水事少，你報上海關佢仲仆街 ...

師兄你講嘅嘢都有道理嘅，呢D比較深入啲嘅嘢一般sales可能未必答到，但即場答唔到唔緊要，我唔係白撞嘅幫我問下啲專家之後再覆我可以嗎？上次我買咗條蛇王sigma usb，之後有啲問題打返去舊？代理嗰度問，佢哋啲服務態度幾咁好呀，佢哋唔清楚嘅嘢就打返去廠嗰度問，問完之後就圖文並茂好詳細咁覆返我，真係天淵之別呀！

evga56

我估佢cable入面只得兩pair 線, 所以最高只能行100BASE-TX

dekiller

   

LEROY

hifi lan 線，siltech, crystal 還有很多 2ch 產品公司，佢哋所做的 lan 線，只有 4 條芯 instead of 8 條，除非確產品註明是 cat 7, 8 etc 如 audioquest，inakustik，nordost，wireworld 等。所以如果那間公司並沒註明，那不用花時間去問！佢地只會婉轉答你是否 support 1000M 或 cat 7/8！

那為何某些公司出産 lan 線不願註明呢？這個留番啲空間大家去想一想！siltech本身是沒有註明的，佢哋都係最近才標籤了 classic 最高速是100M! 至於 signature，它雖然沒寫，但它最高速也是100M! 4 芯的！

PhantomGTR

thunder3988 發表於 2020-12-26 19:46
ching唔該哂，令我學到嘢

唔好客氣，吹下水吧。

thunder3988

PhantomGTR 發表於 2020-12-26 23:48
唔好客氣，吹下水吧。

thunder3988

LEROY 發表於 2020-12-26 22:33
hifi lan 線，siltech, crystal 還有很多 2ch 產品公司，佢哋所做的 lan 線，只有 4 條芯 instead of 8 條 ...

唔該哂師兄你嘅講解，既然siltech同crystal呢兩個牌子既lan cable都唔合我嘅要求，唯有放棄佢哋搵過其他嘅

darkfrank

不如自己直接email間廠問，假期D代理都唔會理你，自己問最實際

darkfrank

而且隔離篇文係寫有8條喎？

Royal Signature Network Crown 採用 Siltech 獨家的 S8 mono X-tal silver 單結晶銀導體，其最大優勢是讓數據信號在傳輸過程中可減少微失真（micro-distortions）的產生，以確保傳輸精確性的最大化。內部 8 條導體，每 2 條相互絞繞為一對，每對單獨以杜邦鐵氟龍作為絕緣材，可進一步防止數據信號受到內部或外部的影響。