Accuphase DP-570

Kenji

開箱.
初聽分析力好過560,細節係多左..D聲起D
音色似dp750但兩極去唔到咁盡,特別係低頻墊底果浸輸dp750好多,但電源線要夾就有D難度.(事後詳談)
點解會買dp570..就係平衡,播cd有類似510既厚度,但音樂感都係510較好...sacd 唔洗講510播唔到..
我覺得古典sacd唔係金仔強項,分隔度同埋音場闊度就算係老頂都唔夠ESO頂班 or playback 更唔好講ch 同傻佬信呢d
但人聲真係幾吸引,因為分析力好左,聽多左口水聲同換氣..(其實我覺得呢樣某程度係缺點..)
今次用9028pro,同560(9018)分別都係分析力差異..570供電果part粒水塘好似大d..560就細水塘
如果要硬比較,570流暢度好左少少..(個轉盤今次真係靜到DD聲都冇.)特別係聽小提琴,好明顯分別.
如果係510,550或4系既用家可以考慮換機,560就聽下鍾唔鍾意先,但我覺得570係好聽既
USB果PART我認為同560係冇咩分別.
我用過720 550 560  510(玩左唔夠1個星期放左)
570各方面都好平均,但又唔係好甜好重味.其實750我聽過幾次都唔覺佢好重味..dp700 720呢兩部會仲重音染.

特別鳴謝simon大師,呢幾日為左幫我造線較聲走黎走去..俾左好多寶貴意見
本來想用條kawasaki(即日版條跟機),諗住好似以前咁..source唔用apl-1..今次有少少唔同..570用apl-1d聲都唔會好衝
電源線我仲未扑定..部機煲返一排再諗下點玩.
順帶一提如果apl-1會換頭..我呢幾日試左幾個.最o岩夾係古河28g.夾落source同pre都ok...

仲有一樣野換左,就係keces 600條pc..原本係sommer既4mm,而家換左2.5mm雖然力水細左不過隻隔離牛都係細火用.
反而用2.5mm d聲好d,當然..如果係大火數,最好用返4mm or 6mm.

包膠完畢.

(打到傻左..出左二手區...)

Kenji

另外一件事
就係關於fuse
之前見過唔少師兄都討論過金仔既聲底
特別係呢兩代..
好似越來越清通,就算A類都好..始終冇以前咁好味..

我自己玩天朗夾金仔class ab後級..其實一路都覺得d聲有d燥..特別係夾新天朗..
之前換過唔少電源線..最後都係用返條apl-1 由於我直入牆身所以就請師傅幫我改個13a頭
本來我對於fuse都冇咩心得..好耐以前試過換infinity果d fuse,不過覺得有得有失..
所以咁多年都冇再玩過fuse,咁o岩今次..有條美式電源線想俾部power amp試下..所以買左個轉插.
因為轉插入面有條fuse..咁就換左佢..不過最後條美式線唔太o岩聲..
咁既然有條13a,不如試下換落去條apl-1 個uk頭度聽下..
雖然唔係翻天覆地既改變,不過d聲真係順滑左,最明顯分別係本來覺d聲撞晒牆..
條線換左fuse之後雖然未至於完全消失...但最起碼聽落舒服左..
如果有朋友呢幾年覺得新金仔..聽黎聽去都覺得有d硬..換左好多野都唔得..
試下我既方法..不過缺點都有..就係呢次用既fuse係hi fi tuning 既supreme3 .
呢條fuse睇返d介紹,review..同自己聽感都係相對淋同厚聲...有d人可能會覺得少左通透感..同暗左.但呢樣就係條fuse既特性.
不過我只建議換電源線果條..機內唔好攪佢...同埋真係要煲..唔洗太耐..搵隻jmr煲機碟round幾轉就ok...

source或前級方面...可以考慮下用插頭較聲...
我自己就唔會用ncf,碳纖頭或鍍佬頭,一來條線唔值用咁貴既頭..二來聽感較衝.有失平衡 (當然對我套系統而言)
條線換左古河28g就ok...溫文不火帶甜而又不失分析力.之前用過mps/原裝apl-1頭/古河fi-11m等..自己都唔鍾意

因為呢次換sacd機...所以的起心肝將d線大執一次...雖然今次做多左功夫(其實都係麻煩左simon)去攪d電源線
但整體我覺得方向係正確..唯整體透明度未夠同音色上都仍略有凌角,呢兩點仲有改善空間..
當然...部570都仲係新機聲,加上隻隔離牛換左條新電源線...呢條就真係要煲返一排..

大至上係咁..

tk_001

恭喜師兄
報告十分詳盡

一休大師

係呀！ 呢個分享真係好正 ， 一陣再細味下先

一休大師

Kenji 發表於 2021-6-24 03:00
另外一件事
就係關於fuse
之前見過唔少師兄都討論過金仔既聲底

如果想空氣感好啲 撐番大啲， 用返原裝嗰條kawasaki 咁就會改善到， 不過 菱角 方面 咁就會係apl1 整得滑啲 同埋厚潤啲！ 有冇試過唔用隔離牛得唔得呀？ ！ 因為apl1 本身都會鏈住， 如果你用埋隔離牛， 我驚你會悶， 不過你嗰隻隔離牛我就未用過， 可能冇抑壓都唔定

但係整體你都係新開機，runin 應該係最大問題，加油

OldPig

十分詳盡，謝師兄分享

racewong

Kenji 發表於 2021-6-24 03:00
另外一件事
就係關於fuse
之前見過唔少師兄都討論過金仔既聲底

你大鑊啦, 好識唔識, 識著西毒....有排你玩呀...

racewong

一休大師 發表於 2021-6-24 10:16
如果想空氣感好啲 撐番大啲， 用返原裝嗰條kawasaki 咁就會改善到， 不過 菱角 方面 咁就會係apl1 整得滑 ...

一休可以比到好多分享比樓主

Kenji

一休大師 發表於 2021-6-24 10:16
如果想空氣感好啲 撐番大啲， 用返原裝嗰條kawasaki 咁就會改善到， 不過 菱角 方面 咁就會係apl1 整得滑 ...

大師,的確..
不過我試左幾條pc都搵唔到可以完全代替到apl-1..
apl-1音色比較自然,但通透不足,好似隔左紗咁..
我仲搵緊pc..特別係俾前級..

隔離牛其實有得必有失..目前就有用好d...只限前級同source..
後級要隻大火d既先可以..但最好就唔落...後級一經電處..任你幾好幾貴..都好似水喉細左咁
我有隻belden拖板,好中性..d聲就粗糙活潑d,

Kenji

racewong 發表於 2021-6-24 13:37
你大鑊啦, 好識唔識, 識著西毒....有排你玩呀...

我都識左佢十幾年...手頭用緊既線..唔少係出自佢手或者佢幫我改

Kinyu1234

樓主可以試下畀條Vertere HB電源線或者Dr.e r2 電源線畀部金仔！好正㗎！小弟部dp 750插咗Vertere HB電源線同埋Vertere HB訊號線！Telos GNR mini 3.1插咗條Dr.e r2電源線！音樂感.分析力.泛音.細節.樂器的細緻質感.情感上嘅表達.應該有嘅HiFi元素都全部有齊！！剩下的只係每天好好享受音樂  

Kinyu1234

拖板！我用家推薦 Argento flow center！

Kenji

Kinyu1234 發表於 2021-6-24 16:14
樓主可以試下畀條Vertere HB電源線或者Dr.e r2 電源線畀部金仔！好正㗎！小弟部dp 750插咗Vertere HB電源線 ...

謝,師兄
我都有聽過Vertere夾lux
佢既訊號線我有興趣..由sacd機去前級應該o岩夾

Kenji

Kinyu1234 發表於 2021-6-24 16:35
拖板！我用家推薦 Argento flow center！

請問有冇filter?

racewong

Kenji 發表於 2021-6-24 16:12
我都識左佢十幾年...手頭用緊既線..唔少係出自佢手或者佢幫我改

我啱啱玩HIFI果時, 都係用緊西毒既MOGAMI RCA

Kinyu1234

都係星形接地！冇filter

Kinyu1234

拖板係星形接地！冇filter！請問版主幫我刪除上面呢個圖片 ！我另外對上個一張好的圖片

Kenji

Kinyu1234 發表於 2021-6-24 18:16
拖板係星形接地！冇filter！請問版主幫我刪除上面呢個圖片  ！我另外對上個一張好的圖片 ...

多謝師兄既資料,我研究下

kinghung

謝謝分享，我年頭都買左

Kenji

kinghung 發表於 2021-7-1 19:12
謝謝分享，我年頭都買左

呢部570由內(解碼)到外(機械部份)都有明顯進步
值得升級,分析力越煲越好,聽左兩個星期,d聲比新機時厚左.
非常唔錯