好抵玩的upgrade--獨立電源

PP-HK

上次有ching來家訪時, 建議我將屋內的磁環拔走, 個音牆即時闊左, 而且高低伸延都改善左, 不過就冇以前咁靜, 整體都好聽左。果一刻我明白到原來電源既少少改變, 對音響的影響都唔細。另外, 我套機不嬲都有個問題, 就係下晝時間聽歌都會覺得有點噪, 所以下晝都係睇戲多。呢輪俾人毒得多, 於是的起心肝攪獨立電, 由厨房加多一個電箱, 拉四組獨立電至客廳。準備了用老P線, 兩個英式冷凍MK孖位牆插俾stereo用, 兩個美式Oyaide R1孖位牆插給AV用。開工睇相:

整好個新電箱了


電線由假天花出廳


已整好的蘇位


拉遠少少睇


已上了牆插了, 完成度95%


整好掛住執架生同試機, 唔記得影相 。執好屋都夜了, 只好細細聲聽, 而且NAIM出名熄機後會衰聲, 本來都唔期望好高。一開機, 嘩...個背景好靜, 動態同力水都好左, 唔錯。再開電視睇, 分別唔算大, 但立體感強左, 而顏色比以前實。

今朝套NAIM煲番一晚應該會好番D, 可以開大聲點來試, 背景仍然夠靜, 力水比前強左好多, 分析力也好了, 細節野聽多左, 音牆也立體了, 最重要的是整體感覺平衡度好了, 可能和由SINE轉了MK牆蘇有點關係。之後攞新變型俠醫試一段, 嘩...聽多好多野, 細節好明顯多左, 個punch好強, 而包圍感也強烈了很多。  

整獨立電花費唔算多, 但成個system好似跳了一級咁, 就如其它ching所說, 真係C/P最高的改善方法。

iwantbd

坐言起行!!

bigpun1975

投資小, 效果大

clifflam

其實, 可以控制既都係講緊間屋入面, 真正電力公司到你屋企, 考慮埋成座樓既電力/ 電線... 呢十米八米可以做到幾多呢? 可能搬近電力站仲好力..

SmallEar

100%同意

PP-HK

其實, 可以控制既都係講緊間屋入面, 真正電力公司到你屋企, 考慮埋成座樓既電力/ 電線... 呢十米八米可以做 ...
clifflam 發表於 2011-6-13 00:12

好同意呀。

不過我咁諗, 首先屋外的大電網以每平方呎來算, 受到的干擾未必及屋內咁密集。就似我玩stereo同av既情況, 一個蘇位插18件器材同電器, 仲要考慮個牆蘇手拖手咁連接兩、三個其它位的牆蘇, 可想而知對電既污染有幾嚴重, 還未計全屋電器包括冷氣在電箱內造成電流的影響呢。而且由於電鑬的電流量高的關係, 普通的電器對佢既影響也未必似想像中咁大。其次, 屋外的因素好難改變佢, 唯有本著可以做幾多就幾多的心態去嘗試改善佢, 事前都有少少賭博的心態, 結果都冇令我失望。

最重要的不單止這樣, 以前一個蘇位插一個拖板, 然後佢還要拖多三個拖板才夠應付所有的需要, 可以話玩左咁多年驚左咁耐, 安全問題都好緊要。

howin

其實, 可以控制既都係講緊間屋入面, 真正電力公司到你屋企, 考慮埋成座樓既電力/ 電線... 呢十米八米可以做 ...
clifflam 發表於 2011-6-13 00:12

    如果係咁計power cord唔會有人買啦...得個幾呎...有咩用....

jasonbiker

回復 6# PP-HK

我好贊成獨立電係投資小回報大嘅項目!

bcychung

小弟非常同意樓主所說的。我也將所有電廂及電路從新舖排同拉線，之後覺得較果顯著。堤升復度比一條貴價電源線更佳，而且全「家」影音產品都得益！


- 發送自我的 iPhone 大板凳應用

randyma

好同意呀。

不過我咁諗, 首先屋外的大電網以每平方呎來算, 受到的干擾未必及屋內咁密集。就似我玩stere ...
PP-HK 發表於 2011-6-13 09:49

    Agree to your thinking.

howin

小弟非常同意樓主所說的。我也將所有電廂及電路從新舖排同拉線，之後覺得較果顯著。堤升復度比一條貴價電源 ...
bcychung 發表於 2011-6-13 13:09

    但你個d整得好專業......好貴.......

raywan

benzman

我都有拉獨立電！一個獨立開關一條線一個插蘇。我就覺得非常有效！

就算開面的污染不能改變，但at least屋入的污染，如雪櫃，電腦等減到最低。

PP-HK

回復  PP-HK

我好贊成獨立電係投資小回報大嘅項目!
jasonbiker 發表於 2011-6-13 12:27

你係過來人啦, 除左我一個玩hi fi好癲既朋友外, 你係第一個我家訪有獨立電既朋友, 係你度聽歌幾鬼正呀。 我反應係遲頓d, 問左你咁耐而家先至整。

PP-HK

回復 13# benzman

我好同意benz兄既講法呀, 個世界咁大一個人冇得改變佢, 但唔代表唔可以改變自己做好d既。

howin

上次有ching來家訪時, 建議我將屋內的磁環拔走, 個音牆即時闊左, 而且高低伸延都改善左, 不過就冇以前咁靜, ...
PP-HK 發表於 2011-6-12 18:23

    我都想整獨立電..有無人幫我整..

swell

我都想整獨立電, 不過要等換屋先有機會

PP-HK

我都想整獨立電..有無人幫我整..
howin 發表於 2011-6-13 14:24

    你唔介意既話可以介紹個c父給你認識的, 價錢就要佢睇過位同佢傾嗱。

howin

你唔介意既話可以介紹個c父給你認識的, 價錢就要佢睇過位同佢傾嗱。 ...
PP-HK 發表於 2011-6-13 15:03

    我無錢...好窮...唔該你先

jasonbiker

你係過來人啦, 除左我一個玩hi fi好癲既朋友外, 你係第一個我家訪有獨立電既朋友, 係你度聽歌幾鬼正呀。{ ...
PP-HK 發表於 2011-6-13 14:21

呢D基本嘢做得好, 真係事半功倍!
成套機都有所提昇!