買了一對藍芽主動喇叭在房用, 有好多問題想請教!!!

Cyrustam

近排買了一對藍芽主動喇叭(~$4000)在房用，內置dac和amp

喇叭輸入......有RCA, 光纖 和 USB

有以下問題想請教一下(有些可能很低B):

(1)如接駁電視，用光纖輸入是否比RCA較好？如果，光纖線有無分高低品質？

(2)如我有spotify 或 tidal account，用ipad 經usb 或 RCA入喇叭，是否音質比經用藍芽好聲？而usb 或 RCA那個較好聲?

如是，大家有無推介type C to USB 或 type C to RCA 線介紹？

點玩會最好效果？我知改善效果未必好大，但我都想知道一下理論…..

(3) 如我本身有部ifi blue zen (bluetooth audio receiver), 如經ifi blue zen 用rca 入喇叭會否比直接經喇叭內置藍芽靚聲？

(4) 就調較音量，我應該set: (a) 電話最大聲，喇嘛最細聲; (b) 電話一半喇叭一半; (c) 電話最細聲，喇叭最大聲

那個設定較好？

先謝！

(可能有師兄講喇叭咁平，所謂改善效果未必好大，但我都想知道一下理論…..)

sumchung

(1)如接駁電視，用光纖輸入是否比RCA較好？如果，光纖線有無分高低品質？
光纖輸入即係指用數碼輸入, 你講既rca係可以指同軸rca頭數碼輸入, 或rca單端類比, 若電視我諗多數都係光纖輸入吧, 電視同軸rca輸入比較少見;
單純比較光纖和同軸rca輸入, 同軸rca有太多選擇, 因為佢傳送數碼訊號時有用到電傳送, 唔同材料會影響電既傳送, 所以會比較靚聲, 而光纖因為佢傳送時用光傳送, 無左導電材質, 聲音唔及得rca同軸, 但佢光纖特點係會比較靜啲;

(2)如我有spotify 或 tidal account，用ipad 經usb 或 RCA入喇叭，是否音質比經用藍芽好聲？而usb 或 RCA那個較好聲?
答案同上, 但藍芽若比起數碼綫傳送, 我諗還是數碼綫好啲。

(3) 如我本身有部ifi blue zen (bluetooth audio receiver), 如經ifi blue zen 用rca 入喇叭會否比直接經喇叭內置藍芽靚聲？
你指rca係指類比輸出還是數碼輸出? 類比既話即係紅色和白色頭嗰兩個, 而數碼即係黃色嗰個。
首先任何數碼訊號都要經過dac轉成類比輸出, 然後送到喇叭, 你若然用紅色和白色嗰兩個頭即係用你部blue zen做解碼, 而黃色頭同軸傳送數碼訊號比喇叭, 即係由你喇叭做解碼, 至於邊個好啲就要你兩者都試過先知了!

(4) 就調較音量，我應該set: (a) 電話最大聲，喇嘛最細聲; (b) 電話一半喇叭一半; (c) 電話最細聲，喇叭最大聲
我會揀(a) 電話最大聲，喇叭最細聲, 我自己經歷若源頭聲音細, 去到後端再校大音量係補償唔到前端的損失, 例如動態, 硬係覺得啲聲死氣浸浸咁!

至於數碼綫材推介, 就等其他師兄毒你吧!{:5_138:}

hksarac

>>光纖線有無分高低品質？

當然有

Cyrustam

sumchung 發表於 2022-4-6 23:05
(1)如接駁電視，用光纖輸入是否比RCA較好？如果，光纖線有無分高低品質？
光纖輸入即係指用數碼輸入, 你講 ...

Many thanks Sumchung