究竟mbl同siltech 係咪朋友呢？

一休大師

心裏面 一直存在著一個{:5_428:} 謎， 人一世物一世， 點都要搞返一次， 去片

一休大師

好啦！ 都係時候寫返啲嘢！ 究竟siltech同mbl 可唔可以做到好朋友呢， 答案係...... 可以嘅！ 不過係咪去到交心呢？ 我始終都認為係mbl佢同wireworld 先可以交心！ 因為佢哋兩個一齊， 先至可以出到 我認為嗰種 淋漓盡致嘅境界！ 當然 夾siltech 亦都有另一番風味， 例如我一直都認為mbl 人聲比較弱， 如果佢用咗siltech， 真係會正咗好多！ 不過， 又唔代表乜嘢嘅， 我夾嘅 只係siltech classic legend， 唔代表siltech 的全部， 有玩開嘅， 應該都知道 唔同系列 或者唔同年代 其實都係唔同聲音！ 甚至乎mbl 的 reference line 同noble line， 都會有啲唔同， 所以基本上都唔使太介意！

跟住落嚟就講下， 我對legend嘅睇法， 其實點解會買呢？ 由於喺串流嗰方面， 想搵一條靚嘅電源線畀佢， 咁其中一條就揀到880p， 點知一插咗落去， 聽咗兩日， 個心就好痕， 點解呢？ 因為 第一個感覺， 真係好寧靜呢， 你諗下一個漆黑中， 有一個好貴麗嘅高音 飄逸著， 人聲又正到爆， 尤其是聽陳佳呢啲， 真係靚到個心都軟埋， 咁跟住惡夢就開始， 不其然好想 插曬全部legend 落去， 但係基於冷靜， 都係同朋友聽下，880p 喺唔同嘅位置表現先， 點知又係全部過關， 咁就卒之忍唔住， 買咗一套legend 880 去解毒啦， 因為我之前買落嘅，usb係末出880， 所以只有使用380usb， 當買曬返嚟之後， 唔使講梗係逐條插落去， 每插一個位置， 都會多一份驚喜， 我唔會覺得呢個legend系列中性無染， 所以每插多一個位置， 性格都會加強， 當然比我以前使用嘅G6 皇家簽名 已經好咗好多， 我好記得皇家簽名 一套機用超過兩條， 我已經頂唔順， 因為就係一杯好濃嘅咖啡， 我比較鍾意淡口d， 今次legend 沒有呢個問題， 真係越插就越開心， 當然最後就係插曬喇！ 基本上佢個系列 每一個部分 性格都係好一致！ 整體 都係圍繞著 寧靜 高音延伸好 而帶著一條尾巴， 中頻好清甜柔順， 低頻帶點寬鬆， 但係有控制力， 其實我都唔知佢點樣整到咁樣， 真係好鬼厲害！ 因為真係好好聽， 我相信好多人都會中毒！ 音場方面， 畀我沿用開嘅 組合 細返少少， 但都係屬於大音場嗰隻， 力感都係比較收斂dd， 所以我覺得 爆機方面， 係爭少少淋漓盡致嘅感覺， 咁當然我都好明白，siltech 佢唔係搞呢啲嘢， 佢原意都係畀你聽一個 好奢華好靚聲嘅感覺！ 的而且確佢呢一方面係做到！ 呢套legend 我覺得有幾樣嘢特別出色， 人聲， 小提琴， 鋼琴， 尤其是小提琴， 浮出嚟都不特止， 好多應該出現嘅細節 同埋美感 佢都可以出到！ 人聲我頭先講過la， 其實唔單止呢個位， 女高音好多 技巧 佢都可以比你聽到， 鋼琴方面呢， 會有一種好 晶瑩 嘅感覺， 而且散發出嚟嘅泛音 都係極之漂亮， 好聽到不得了， 不過係用曬全部legend 嘅時候， 我略為覺得 唔夠狼死， 例如你聽 王羽佳 彈奏嘅曲目， 你就會特別擦覺呢點， 當然你轉番聽蕭邦 咁就靚到不得了啦！ 小號方面呢 其實都出得好靚， 不過同樣地 去到一啲高潮位， 你就會覺得爭少少力感！ 所以成篇嘢， 基本上 樣樣都好好， 唯獨是就係爭一個淋漓盡致嘅感覺， 所以我自己覺得， 如果你係追求靚聲嘅話， 今次用曬都係冇問題！ 但係如果你係想 還原返 曲目 想表達嘅嘢， 我諗就唔好用哂！ 我自己嚟講， 我可能會抽起其中一部分唔用！ 咁暫時係 分享住咁多先！

以上呢個純粹個人分享， 每套組合表現力 同環境 都唔同， 都係跟返當時情況 同埋個人口味 去作為參考 最理想

備註： 我諗暫時六七十個鐘到， 之後可能會唔同，哈哈

racewong

大師, 今次去到咁盡? {:5_170:}

mark38

大師

你攪勿鬼？{:5_201:}

bigpun1975

又要引用黎明金曲

但願不只是朋友

AWRY

堅……..正{:5_434:}

stephen2k

大師靜咗, 仲以為賣哂d 机轉咗會

一休大師

racewong 發表於 2022-7-28 17:39
大師, 今次去到咁盡?

對比起hiendy， 呢啲 算係 乜嘢呢......

{:5_461:} {:5_430:}

一休大師

mark38 發表於 2022-7-28 18:12
大師

你攪勿鬼？

好明顯係有心事{:5_123:}

一休大師

bigpun1975 發表於 2022-7-28 18:16
又要引用黎明金曲

但願不只是朋友

希望啦， 希望佢哋夾到啦{:5_203:}

一休大師

stephen2k 發表於 2022-7-28 19:09
大師靜咗, 仲以為賣哂d 机轉咗會

我諗呢套mbl， 應該係我歷史裏面玩得最耐， 第一次玩到超過保養{:5_473:}

zelo

大師一出手一定係儲滿氣超必。{:5_473:}期待報告。

jjtiger

我估計大師差不多係時候要換晒佢{:5_475:}

TChan

沒有永遠嘅朋友{:5_538:}

Reference3

大師.出手一鸣惊人{:5_201:}{:5_167:}

Victory2004

等報告 x 2

racewong

stephen2k 發表於 2022-7-28 19:09
大師靜咗, 仲以為賣哂d 机轉咗會

佢唔會啦.

PhantomGTR

大師氣吞山河！

stephen2k

racewong 發表於 2022-7-29 13:15
佢唔會啦.

大哥, 何以見得?{:5_475:}

AWRY

大師你就好啦全套齊晒腳，聽得開心玩得過癮，小弟仲有兩條 880P 未收貨啊{:5_470:}