怎樣選擇同埋玩得好平價lan線

S6410

最近加入咗CAS 選擇咗幾條lan線 同大家分享一啲心得.

第一條就係大家都比較熟悉嘅紅腸 Acoustic Revive Triple C LAN. 我嘅聽咁就係比較強調中音, 同埋音色比較圓潤. 高音伸展就冇銀線或者 plated 銀線去得咁盡. 速度比較慢一點淡定一點, 適合小型喇叭系統使用.

S6410

第二條就係古河嘅紫色線, 價錢唔貴，係一條鍍銀線。個頭用咗古河NCF技術, 我聽出嚟比較寧靜, 高頻伸展去得比較盡。但係喺某啲系統可能會覺得比較標， 好似一啲鍍銀訊號線嘅表現，有部分發燒友覺得古河呢條線比較瘦削，但係我覺得只係佢全frequency嘅平均度好好，平衡度高，冇特別強調高中低邊一範，但係喺小型系統細喇叭就可能會覺得中音比較薄聲。 要解決某些系統果行呢條線比較標嘅情況，我覺得好簡單，就係加個 magnetic ring 在信源或者接收嘅一邊，睇下邊一邊比較適合，平衡度比較好。 呢個磁環亦都有幫助減低EMF 信噪。 我正inspiration係嚟自Zonotone嘅某一啲信號線， 一樣加上磁環去調較音色。

S6410

第三條就係SAEC嘅平價cat6線, 係小弟喺別超光榮結業嘅時候好便宜咁執返屋企。 表現初初以為好差，結果原來係完全out of my expectation。 平衡度高，動態好，低音份量充足。 音場定位層次感都好好。唯一嘅就係因為平價線，超高伸展就去唔到純銀lan線，例如Audioquest嘅表現。 我用喺router去server，聽jazz真係好感受到爵士音樂嘅氣氛。 一條完全超值嘅平價lan線!

S6410

第四條就係早一個星期 買嘅Linger Audio Amber LAN 線。 高中低伸展非常平均， 中音質感非常之好，有膽機嘅味道。高音亦都唔會roll off，當然去唔到純銀線嗰個層次，但係亦唔會好似古河線咁，有少少吉耳， 低音分量都非常之充足，動態亦都唔會輸蝕。 $2000零蚊實屬非常之抵嘅土炮線。性價比應該拍得住三千零蚊嘅lan線。

S6410

另外我覺得選擇lan線，亦都需要配合linear power supply，或者你個 streamer 嘅声底去選擇。 唔夠厚聲嘅就千祈唔好揀古河嗰條lan線。 中小系統嘅就不妨揀一啲中低音比較厚潤嘅lan線。 全頻喇叭就不妨選擇純銀 或者鍍銀嘅lan線。 另外LAN線屏蔽一定要做得好，因為香港而家嘅空氣，大氣電波充滿曬噪音。 AIM應該係唔錯嘅選擇，但係我覺得佢比較厚聲咗少少， 慢聲咗少少， 分析力亦未必係最好。 我認識有師兄用Harmonic Technology嘅純銀lan線，話平衡度好，速度快， 唯獨是超高有少少比較粗聲，因為始終唔係貴價嘢。 有機會我都要借來試聽吓。

暫時分享咁多。

ckc87879484

很好的分享

racewong

S6410 發表於 2022-9-29 01:27
第三條就係SAEC嘅平價cat6線, 係小弟喺別超光榮結業嘅時候好便宜咁執返屋企。 表現初初以為好差，結果原來 ...

好正既分享, 如果有埋相片就完美了.

Eric2004

唔知ching有冇用過入門Supra LAN, 有冇意見比吓咁
THK...

toywoof

S6410 發表於 2022-9-29 01:42
另外我覺得選擇lan線，亦都需要配合linear power supply，或者你個 streamer 嘅声底去選擇。 唔夠厚聲嘅就 ...

師兄精采文章，但玩落CAS發覺太多接線同配搭，真係好難一下子揀到啱心水既聲底

好似我而家咁，套CAS 用係NAS 放歌 -> switch (N8) -> roon server ->streamer (Aries G1)-> usb to dac

除咗NAS外全部LPS供電，各樣都好滿意，就係唯一個音樂感差少少，低音潛得深但未去得盡同散得快。同一首歌我用LP播，D節奏感返哂嚟，低音下下有力。所以而家迷茫緊係換LAN (一條AIM NA3一條AIM NA5)線定USB (TQ Black)線會有更大效益呢。師兄有乜高見呢？謝謝

S6410

各位師兄，我喺CAS電腦系統係新手, 但係我都玩咗廿幾三十年音響, 由玩Wadia cd transport, 去到LP系統, 真係玩過不亦樂乎. 舊一代嘅線材，無論 MIT, NBS, Transparent, Cardas, Audioquest, Tara Labs, 雲吞河, Siltech等等, 都玩過曬. 我覺得而家嘅線材比起二十幾年前真係好大進步，特別係單晶銅嘅研發，同埋屏蔽越嚟越厲害。 而家千零二千蚊嘅線 就有二三十年前四五千蚊嘅線嘅表現。

講返LAN線，我覺得要考慮嘅有幾個因素。第一就係佢係數碼線 ，考慮方向同訊號線應該有一啲唔一樣。第二就係佢嘅嘅voltage 輸出係非常之低，我覺得要同訊號線比較，應該可以同phono cable作類比 。第三就係電腦系統最大嘅弊病，就係噪音非常之大，我哋要花嘅錢，應該用落去點樣減數碼噪音。好嘅files 係第一步, 小弟覺得DSD files，全面勝出pcm files，將來應該都係dsd嘅世界。所以買解碼及streamers, 一定要解到native DSD 嗰啲先好買。

第二，買lan線，一定要考慮線心材料。一定係要買單晶銅線， 或者高純度嘅純銀或者鍍銀線， 因為個訊號輸出非常之低嘅關係。 知但係，我又唔覺得嗰個接頭一定要買金屬嗰隻什麼德國牌子。影響係有但係我唔覺得係主要性嘅影響，我買古河佢嗰個落咗NCF，膠頭聽出嚟背景都非常之寧靜， 問題係古河可能係鍍銀線，或者線心唔夠粗，中低頻唔夠厚肉地。 第三，就係我上高提到依家大氣電波染嚴重，所以屏蔽非常之重要。我覺得AIM呢方面做得幾好, 但係having said that，我就唔係好鍾意AIM啲線嘅聲底 (偏向中音)， 覺得聽音樂唔得全面。 第四，就唔使一定要萬萬声買條lan cable嘅， 其實玩電腦系統，花多一啲錢買個靚啲linear power supply 可能影響仲更加正面。 我本人比較喜歡星加坡嘅 P 牌LPS, 比起台灣嗰隻K牌, 背景寧靜，音樂感好啲。 第五，電源線，特別係dc電源線，影響都好大。 買條靚啲嘅單晶銅，或者純銀線，對整體電腦系統音樂感嘅提升，streaming都好有幫助。跟LPS來嗰條，就唔該的去填海。 第六，雖然我經驗唔夠多，但係我寧願花大錢落去買個好啲解碼，好過買個好貴嘅streamer。 講得坦白啲，streamer其實都係一部電腦仔嚟咋嘛，邊使萬萬聲啊， 我30年前喺高登自己砌機起家， 電腦底板，靚極都係千零蚊一塊。 我覺得依家好多streamers，都係 way over priced!

S6410

Eric 師兄我冇玩過Supra嘅LAN cable, 但係聽講都非常抵玩. 我阿哥就放起由 modem去router，佢話都ok。 當然幾百蚊貨仔你又唔好expect去到古河或者Linger Audio 嗰個level。 我睇返SAEC個網站，SAEC CAT6 ，都係同Supra合作。或者你可以喺網上搵條二手SAEC LAN玩下。 我覺得呢條線音樂感好，動態大，唯一嘅缺點，就係分析力爭啲，高音伸展無銀線咁好。但係二手都係講緊五六百蚊貨仔，夫復何求？

S6410

toyroof 師兄，我覺得電腦系統要音樂感好，要整體考慮。唔係換一條lan線，或者一條usb線就可以搞掂。 有時我忽發奇想，要玩好CAS，有時甚至要轉變喇叭 ，因為有啲喇叭，聽起上嚟，套Cas系統好鬼數碼聲， 可能同高音比較硬朗有關係。

知但係如果你要好聲，我得一條好嘅usb線非常之重要。 我就揀咗一條純銀嘅usb線，因為我覺得通透度， 喺臨門入解碼之前係非常之重要。

racewong

S6410 發表於 2022-9-29 15:03
toyroof 師兄，我覺得電腦系統要音樂感好，要整體考慮。唔係換一條lan線，或者一條usb線就可以搞掂。 有時 ...

其實之前都有講過, 應投資喺部DAC最多.

部DAC夠班, 唔會有數碼聲呢

racewong

S6410 發表於 2022-9-29 14:51
各位師兄，我喺CAS電腦系統係新手, 但係我都玩咗廿幾三十年音響, 由玩Wadia cd transport, 去到LP系統, 真 ...

我很讚同電源的重要性， 大於Lan線

dekiller

{:7_924:}

toywoof

S6410 發表於 2022-9-29 15:03
toyroof 師兄，我覺得電腦系統要音樂感好，要整體考慮。唔係換一條lan線，或者一條usb線就可以搞掂。 有時 ...

感謝師兄同版主，我自己都覺得LAN 線好重要，但又無改變大局既能力。所以都15/16 搞唔搞佢

所以下一步，可能試下換USB 或者搵部國產R2R Dac玩玩，睇下有無機會拉返近少少同LP System既距離

KinLeung@FB

S6410 發表於 2022-9-29 01:32
第四條就係早一個星期 買嘅Linger Audio Amber LAN 線。 高中低伸展非常平均， 中音質感非常之好，有膽機嘅 ...

呢個價錢呢條好野 佢算調味線加左貴風贍味 我識好多師兄買咗

racewong

toywoof 發表於 2022-9-30 09:37
感謝師兄同版主，我自己都覺得LAN 線好重要，但又無改變大局既能力。所以都15/16 搞唔搞佢

所以下一步， ...

攪好D電先{:5_475:}

S6410

toywoof 師兄亦都可能同你個解碼嘅声底畀有關係. Auralic's sonic signature should be a little on the cool and hifi side...

S6410

早兩日又身痕，走咗去觀塘到買咗個K牌嘅P6 linear Power supply。 啲聲底同以前部116都幾唔同，厚声咗好多好， 少咗浸數碼味， 有analog味， 都唔使四千蚊。好過買條貴價 LAN cable。 試咗條原裝DC cable，聲音一般，跟住駁咗以前喺Peter度買 Acoustic Revive Triple-C DC cable 去streamer, 分析力同埋音樂感返曬嚟!