當TAD遇上Eearthquake時

banjo

有日去旺角買嘢, 順便去友誠掃吓樓, 睇吓有乜嘢八, 行到阿二, 聽到有人試緊對TAD E1 TX, 當然要黐嚟聽吓啦, 唔聽由自可, 聽咗一陣, 即刻中咗毒, 播出嚟嘅人聲, 細膩動人,好有感情同層次. 還原度好迫真, 拋離我對Yamaha NS-5000幾條街, 於是返到屋企, 查吓呢對TAD乜嘢料, 原來佢最大嘅強項, 係用咗個好重料嘅音箱, 並且用咗一個中音, 同兩個中低音嚟服侍人聲, 唔怪得可以正成咁, 比起Yamaha只得一個中音單元, 實在相差太遠.
念念不忘, 果然必有迴響, 喺上個月頭, 睇到有網友喺33放對TAD出嚟, 於是立即展開換喇叭行動, 經過中介公司幫手, 終於喺兩個禮拜前, 成功入到屋, 當TAD開聲後, 發覺聲音仲係可以, 但總係覺得少咗啲嘢咁, 發覺原來係聽慣咗對Yamaha嘅12吋低音, 而TAD嘅低頻比起Yamaha, 又輸返幾條街, 為咗彌補呢個缺憾, 決定買隻十仔返嚟玩2.1, 將高中低音全面優化.
其實我一向對Earthquake呢個品牌十分有好感, 因為有一隻多年前嘅10吋Earthquake, 依家仲係喺電腦枱精神服役中, 而電影系統亦係Earthquake嘅15吋, 用得咁開心, 好自然呢隻新十仔, 都係Eearthquake啦, 既然之前聽開12吋嘅低音, 咁就決定買隻12吋, 見到雅詠音響, 有隻最新款嘅MiniMe DSP P12, 做緊優惠唔使8千蚊, 即買唔使講嘢.
當駁好哂啲線, 成套2.1開聲, 俾到我好大震撼, 喺高質低音加持下, 整個音場好深, 好闊好龐大, 高中音活潑生動, 每粒音符都好有彈跳力同質感, 無論男聲或女聲, 都活形活現, 好多細節都俾隻十仔托咗出嚟, 當TAD高,中音遇上Earthquake嘅低音, 夾到天衣無縫,  而且由十仔出嚟嘅低音質素, 之前嘅Yamah係冇可能做到, 由其是40Khz以下嘅深潛, 例如交響樂啲大鼓, 鬼太鼓, 金仔P-7300只係推到, 但潛唔深, 但對於Earthquake嚟講, 只係小菜一碟, 低頻乾淨, 潛得好深, 好有沖擊力同包圍感, 聽得極之過癮, 我諗同佢係用咗D類放大器嚟有關.
由一隻十仔, 專門負責處理低音, 原來係好得咁緊要, 基本上普通前級, 冇可能做到咁精細嘅低音調較同操控, 加埋有最新DSP 加持, 依家呢套2.1比起之前Yamaha NS-5000, 音效實在好得太多太多,直頭係高檔咗幾個層次.  
另外, 呢兩款喇叭, 大家都係鋼琴焗漆面, 拍埋一齊, 外觀直頭襯到絕, 望落去好有違和感. 過咗幾年後, 如想要搵新喇叭嚟玩,已經冇可能淨玩兩聲道, 必然都係繼續2.1 .
後話, 雖然我去雅詠, 只係買幾千蚊嘢, 但佢哋啲員工待客好熱誠, 服務一流, 並且幫我, 即場開箱檢查同講解, 對各項調較注意事項,都會耐心講解, 對所有技術上嘅問題, 亦好詳盡咁解答, 呢啲應有嘅服務, 出面己經好難遇到, 好多收咗錢之後,都係話之你, 所以喺雅詠買嘢, 確係一個愉快嘅體驗.

bigpun1975

2.1 係好玩嘅      

banjo

bigpun1975 發表於 2022-12-14 17:42
2.1 係好玩嘅

嗰種化學作用, 真係唔講得笑.

racewong

你死啦, 遲早一定會玩2.2{:5_538:}

banjo

racewong 發表於 2022-12-14 18:56
你死啦, 遲早一定會玩2.2

除非突然發咗換屋啫, 100呎聆聽空間, 乜都夠啦.

ftp838

av 2.1 可以，hifi 必须 2.2 。
调试好的好设备/好系统，
试过 2.2 你会觉得 2.0， 2.1 简直在浪费人生！

dekiller

調炮都要玩幾年。

{:7_857:}

ftp838

加超高是同一道理，
试过才体会得到！

racewong

ftp838 發表於 2022-12-15 11:20
av 2.1 可以，hifi 必须 2.2 。
调试好的好设备/好系统，
试过 2.2 你会觉得 2.0， 2.1 简直在浪费人生！{: ...

我很讚同

racewong

ftp838 發表於 2022-12-15 11:24
加超高是同一道理，
试过才体会得到！

我反而唔鐘意加超高....

現代喇叭既高音單元已經好勁.

racewong

ftp838

racewong 發表於 2022-12-15 11:38
我反而唔鐘意加超高....

現代喇叭既高音單元已經好勁.

完全同意。
我说的是穷人玩法

racewong

ftp838 發表於 2022-12-15 11:42
完全同意。
我说的是穷人玩法

古董喇叭好多時都要加超高. 因為當年既高音單元真係去唔到咁盡.

相反, 現代喇叭既低頻其實都可以做到好潛好深, 但低頻的質素好多時都會受到環聽環境限制, 所以加左超低, 就會更易玩出有質量既低頻.

ms0344303

我也用E1TX + 金嗓子前後級

不過始終TAD都有點冷   用了A系列亦不會多圓潤
最後連同解碼+線材一起才調整過來

之後解碼可能會想試用aqua R2R

banjo

ftp838 發表於 2022-12-15 11:20
av 2.1 可以，hifi 必须 2.2 。
调试好的好设备/好系统，
试过 2.2 你会觉得 2.0， 2.1 简直在浪费人生！{: ...

我都想2.2，可惜唔夠位，又唔想用10吋，始終12吋啲低頻係靚過10吋。

banjo

ms0344303 發表於 2022-12-15 15:55
我也用E1TX + 金嗓子前後級

不過始終TAD都有點冷   用了A系列亦不會多圓潤

你真係有品味。
我用金仔AB類，又唔覺佢‘冷’喎，反而覺得TAD啲聲音好醒神。

banjo

dekiller 發表於 2022-12-15 11:23
調炮都要玩幾年。

確係，隻十仔有排煲。

Relax

banjo 發表於 2022-12-14 20:08
除非突然發咗換屋啫, 100呎聆聽空間, 乜都夠啦.

100呎用一個有素質嘅十仔應該很足夠, 15寸或18寸就更加very good 啦.師兄會如何調教十仔嘅crossover 同gain可以同主喇叭一致?

banjo

Relax 發表於 2022-12-15 17:32
100呎用一個有素質嘅十仔應該很足夠, 15寸或18寸就更加very good 啦.師兄會如何調教十仔嘅crossover 同ga ...

官方規格話對TAD可以去到30Hz, 耳測係有, 但量同質都唔夠, 去到60-50Hz頻段明顯衰減得好緊要, 始終6.5吋嘅單元, 話出到靚低音, 講都冇人信啦, 所以我係調到60Hz以下嘅低音, 交咗俾隻十仔嚟增強, 至於十仔嘅gain, 就調到啲低音, 唔明顯由隻十仔出嚟為標準.

Relax

banjo 發表於 2022-12-15 19:45
官方規格話對TAD可以去到30Hz, 耳測係有, 但量同質都唔夠, 去到60-50Hz頻段明顯衰減得好緊要, 始終6.5吋 ...

師兄好經驗,係要考慮埋低音單元roll off. 我對主喇叭話去到40hz, 所以初時set十仔大概在40+hz,經過唔同音樂聆聽, 上下調教要到60+hz左右感覺到同主喇叭比較一致,而能補到低果段,感覺上十分美妙.Gain set 到一個point,有啲track 可以set 高一格,有啲set 高咗會感覺到多咗少少,可能係房間問題.