初玩電處i-mini bacp-1000

percyleo

電……在音響中擔當嘅角色 ～ 其實自己對電在音響中擔當嘅角色一直都不信所以不明所以！所以我在電處理上著墨很少，一直以來我套兩聲道及AV系統只用上普通嘅電源濾波排插，說實一點只是人用我用。

之前曾出post詢問有關電對音響所影響嘅問題得到好多師兄及前輩解答，其後因FB大數據嘅威力就出咗好多有關電源處理器嘅廣告( 不費吹灰之力 )，自己亦Google 及YouTube 一下有關電處嘅產品及有關電嘅解構，其中有一段片有位師兄上一個清談節目解構電對音響嘅影響(我睇咗4次，因太多theory 有啲難明中途瞓著)終於解答到一些疑團亦開始有點眉目。最後決定一試電處，結果揀咗一部香港品牌 i-mini bacp-1000 平衡隔離電處。選她……第一支持香港品牌，第二價錢平，網購自取只須5000元……抵玩！一於一試。

呢部電處好重，估計至少15kg以上。睇官網資料入面有隻超巨型環牛。要將她放入櫃內相當吃力，搞咗大半個鐘開住冷氣也滿頭大汗！跟著power on晒所有器材開聲，bloody hell！！！ 全套機冇晒力冇晒生氣，於是墊咗三粒釘墊好似好啲但仍不能接受。呀！係喎，佢應該須要時間run-in！於是便入房賽二場GT7，一小時後出去一聽，嘩！真是不敢相信，除咗力量感大咗，全部樂器人聲弱音細節都清清楚楚好有線條，相信係背景超寧靜所致。為咗知道分别有多大，電處前拍咗片以作參考，我只以陳佳嘅啼笑姻緣及風繼續吹作參考。部電處工作咗一小時已有此表現，相信再過多不知幾多佰小時又再上不知幾多層樓。

今次嘅經驗令我由不明所以不信所以到終於明白及相信電嘅角色及重要性，正如有位師兄所講"電乃音響之母''。

最後，我相信暫時我套音響冇乜好搞，嚟緊我決定我會重返黑膠嘅世界！始終近廿年冇玩膠計劃好預算先再去馬。

P.S. 多謝鎗王兄可以做返個團購價比我。

banjo

恭喜買到心頭好, 重返黑膠世界呢個決定, 十分正確, 以音質嚟計, 數碼音源難望其項背, 只要器材恰當, 只要一落針嗰吓, 已經感受到, 可以拋離CD/CAS幾條街.
另外i-mini呢個品牌, 我對佢哋嘅Musci Server, 最有興趣.

racewong

banjo 發表於 2023-6-26 09:04
恭喜買到心頭好, 重返黑膠世界呢個決定, 十分正確, 以音質嚟計, 數碼音源難望其項背, 只要器材恰當, 只要一 ...

玩黑膠好開心, 買黑膠仲開心.

儲齊晒自己鐘意歌手的黑膠, 更開心.

racewong

5K 一部電處, 真心抵玩.

banjo

racewong 發表於 2023-6-26 12:57
玩黑膠好開心, 買黑膠仲開心.

儲齊晒自己鐘意歌手的黑膠, 更開心.  ...

想咁開心, 一啲都唔簡單, 要付出好多精神同時間.

percyleo

banjo 發表於 2023-6-26 09:04
恭喜買到心頭好, 重返黑膠世界呢個決定, 十分正確, 以音質嚟計, 數碼音源難望其項背, 只要器材恰當, 只要一 ...

以前聽膠最享受係落針嗰吓，但家中小狗越養越多，之前有啲珍藏惨滿尿漬冇得救加上迷上聽檔案嘅方便，所以冇再聽膠。CD也是近年先再聽返，好多碟也發霉。相信啲膠也會，雖然自己認為已Well packed 😅

percyleo

racewong 發表於 2023-6-26 12:57
玩黑膠好開心, 買黑膠仲開心.

儲齊晒自己鐘意歌手的黑膠, 更開心.  ...

無論cd又好膠又好，我都是最享受買嘅過程，好多因為封面靚尤其是膠，買咗返去又忘記咗未必記得聽😅

percyleo

racewong 發表於 2023-6-26 12:57
玩黑膠好開心, 買黑膠仲開心.

儲齊晒自己鐘意歌手的黑膠, 更開心.  ...

多謝你做返個團購價比我👍🏼

racewong

banjo 發表於 2023-6-26 14:30
想咁開心, 一啲都唔簡單, 要付出好多精神同時間.

最大付出都係要諗吓點同老闆攞"黑膠架"既批文..

racewong

percyleo 發表於 2023-6-26 15:30
無論cd又好膠又好，我都是最享受買嘅過程，好多因為封面靚尤其是膠，買咗返去又忘記咗未必記得聽😅 ...

我公司就係有好多都無聽過既黑膠...