我的tube phono小升級

percyleo

早幾日致電胆皇Mark哥詢問有關我個胆"瘋佬''若想升級胆事宜，經Mark哥詳盡解釋(我係完全唔太明白，因太多胆number)我就帶部"瘋佬"交給他進行手術順便聽吓那次hifi show那部巨胆機推對無極。

今次去到我有些時間可坐低聽聽，而今次喇叭换上更大尺寸嘅皇極，Mark哥熱情招呼播咗張"印象麗江"，嘩！那音埸之大及深，低頻之量完全amazingly insane！那種包圍感很難想像由呢對小喇叭做到，我聽到目定口呆成個鄉下仔出城咁😅好彩冇比Mark哥見到！真是好正好正，這令我對胆機嘅理解(根本唔識) 完全顛覆。真是好毒！跟著主理我部"瘋佬"師傅已完成手術，Mark哥隨即講解手術過程及換咗嘅器官！我細心聆聽及點頭示意但我係完全唔明！第一我聽完房套機驚魂未定，第二胆我只識(只是聽過)300B及KT88，其餘一概不曉。但我不求過程細節只求結果，於是滿心歡喜跟Mark哥道别。

回家後我並冇急於開聲只是插著電煲胆，讓她run-in咗一晚開聲，wow！無論音樂感，人聲及樂器細節嗰種密度比前好上多倍，而更重要係低頻，呢種低頻很生動有力而不過火！求其播張Jennifer Warnes's The Hunter也聽出跟前嘅進步，其實手術前那原裝胆run咗咁多日我已很滿意很驚喜，現在相信又待她run-in多個星期再聽返今晚嘅碟又不知得到多少驚喜！

racewong

部麗磁33好襯你個盤喎

percyleo

racewong 發表於 2023-12-15 11:29
部麗磁33好襯你個盤喎

好滿意嘅配搭，好多碟聽出嚟多咗份感情

racewong

percyleo 發表於 2023-12-15 14:13
好滿意嘅配搭，好多碟聽出嚟多咗份感情

得閒去搵MARK哥試多D不同膽仔, 等你報告呀.