小投資大回報 - ifi lan ipurifier pro初用報告

zelo

其實我喺CAS方面一直冇特別去攪，因為實在太多黑科技，配搭多到眼花撩亂，再加上冇位再添置任何嘢，所以一直只係從簡，淨係用一部switch加部streamer就算，近排見到ifi 出咗部lan ipurifier pro，我見機仔細細又價錢相宜，就用試玩吓心情入咗一部返來玩，部機好簡單，只係lan port一入一出，中間有個掣可以調校機面燈嘅亮度，全開、半暗同全關，三種設定我試過哂，聽唔出有乜分別，所以我只用半暗，電源係用USB C 頭5v電，隨機送一個轉插同一條雞lan線，因為我冇用任何LPS，所以都係直接用佢個轉插，好啦，首個問題出現，究竟部機應該放喺邊一個位？我只有兩個選擇，一係放Router同Switch中間，二係放Switch同streamer中間，我最終選擇前者，因為考慮到switch有幾個器材有連接，相信其他器材都會有得益，接上後我首先試嘅唔係聽歌，反而係開Apple tv睇戲…首先我唔係AV發燒友，但都睇得出畫面有分別，線條同埋顏色對比都有改善，跟住有咗少少信心，就開機試吓streaming 聽歌。






一開聲…咦？！好似有少少唔同，各方面都提升了，串流出嘅聲分離度較之前好，冇黐埋一嚿嚿，依家音色較之前乾淨，最明顯係背景啲noise少咗好多，人聲更加清晰，雖則未去到完美，但以我套器材出到咁嘅聲，都收貨有餘，估計如果用上靚供電，效果應該會更好，所以近排我都開始留意返有咩靚LPS可選。依部機仲有另外一個玩法，佢對墊材嘅反應都幾大，開始時我只放直接喺switch上邊，後尾覺得唔太妥當，我見有墊材多咗出嚟，就試用咗三粒RevOpod試吓，音色即有改變，不過我依家仲試緊用邊一款墊材最好，近日轉用咗stillpoint ultra 6効果相當唔錯，之後有時間會再試試用Wellfloat delta，依家見佢個効果咁正面，我正考慮緊加多一部放喺switch同streamer中間，因為有另一位師兄試咗放依個位，聽佢講咁樣放效果非常好，總括嚟講，依件小補品價格不太昂貴，但效果非常正面，算係小投資大回報器材。

ieskn96

>> 接上後我首先試嘅唔係聽歌，反而係開Apple tv睇戲…

https://redeem.services.apple/eva-offer-emeia-24
FYI: 17-7-2024 前憑香港 Apple ID 申請免費試睇 Apple TV+ 60天（只限現時沒有訂閱的新用戶）

NOTE: 請留意在免費試睇限期前的1至2天，須要自行取消上列的免費 Apple TV+ 試睇（避免不必要的收費）！

banjo

好似幾正咁喎, 想問吓可唔可以, music server 嘅 lan 線輸出, 入呢部機, 然後經呢部ipurifier嘅光隔輸出, 入串流機呢?